اختي الماضي الدفين..
كم أشعر بالحزن على زوجة أخيكي..
لاحول ولا قوة الا بالله..
طيبه وساعدته في التفوق وعملت وسوت .. والله مافي انسان كامل
تقولي انها موظفه.. اكيييد ماعندها وقت تهتم بنفسها وعصبيه على طول
من ارهاقها في الدوام ومن برود أخوكي مع كل احترامي له..
انا جربت الشغل .. ووقتها كنت جدا متوتره وماعندي وقت لنفسي ويدوبك أرجع انام بالذات لانه ماكان عندي شغاله

ليه ماتروحي انتي وهيا للكوافيره.. حاولي تقنعيها .. مثلا شوفي ممثله وقوليلها مثلا ( يالله مره قصة شعرها حتناسبك.. وانا نفسي اروح للكوافيره ايش رايك تجي معايا..)
او قوليلها ماشاء الله ملامح وجهك ينفعله المكياج الناعم ..
او انصحيها باستخدام روج من ماركة معينه بحجة انه ممتاز وانه حيناسب بشرتها.)
انا حاوت أقولك بعض الطرق الي ممكن تخليها تهتم بشكلها .. اما سلوكها مااتطرقت

امدحوها أمامه يمكن ينفع معاها الإيحاء ..
يالله وكمان تغار عليه .. ايش حيسير فيها المسكينه
وايش حيسير في أولادها

وجزاكي الله خير على اهتمامك بموضوعهم..

الله يهدي اخوكي ويجمعه و زوجته على خير يارب