اسف تأخرت عليكم الجهاز مافيه بطاريه وحطيته بالشاحن
اللي حصل أني كنت في هم مايعلم به إلا الله عذبتني معها الله يهديها
جلست بعد آخر رد لي هنا يومين وهي ماتأكل شئ وأنا أنجنيت من الوضع قررت آخذها مستشفى خاص وأطلب تنويمها وجلست تبكي وتقول أنت ماتبيني تبي تخلص مني !!
قلت من قال مابيك؟ أنتي أكثر وحده تعرفين بغلاك وحبك وإلى هنا وخلاص ترى انتي تضرين نفسك أنا آكل ومرتاح وأنتي الي تعذبين وبتجيبين لنفسك الأمراض,,وهي تبكي قالت أنا تعبانه خلاص أبي مستشفى
وأكثر من دكتور يسألني ويطلعوني برا عنها ويسألونها على بالهم معذبها وإلا شئ
ويجي دكتور ويغسل شراعها ويتكلم عليها قال عندك فقر دم تنتظري السكر والفشل الكلوي
المهم بعد مارجعنا للبيت ومع الأدوية وتاكل لها لقمه ,,وتجلس على هذا الوضع إلى اليوم لقمه من كل وجبة وتقوم,,والبيت عندها مليان أكل لكن ماشوفها تاكل,, وقبل أمس مسكتها نتفاهم وتبكي ولاترد فأخذت طريقة الغالي رجل الرجال وعطيتها ورقة قلت اكتبي كل اللي بخاطرك وأوعدك كل اللي تبينه يصير
وكاتبه إذا بتتزوج ماراح أردك ولابتضايق مبروك مقدما,,وإذا بتتركني عندك راضيه وإذا بتطلقني راضيه أنت سو الي تبي ولاتسألني عن شئ
رحت لها قلت بالنسبه لزواج فأنا كلمت ولد عمي وقلت له بستخير اسبوع
وبعد هذا الأسبوع بروح لعمي أحب راسه وأعتذر
وفعلا هذا اللي حصل مع ولد عمي
وقلت بالنسبه لبقائك معي أنتي زوجتي واناشاريك لكن أنا شايف بعيونك هم وأنتي بنفسك قلتي انامومرتاحه معك وطلقني
قالت انا مومرتاحه معك لكن المشكله مومنك مني أنا قلت ليش ماتكلمتي من الأول قالت خفت واستحيت,,وطلبتني أتركها عند أهلها فتره ورضيت
وأتفقنا نستمر فتره عند شيخ يعني آخذها كل يوم لشيخ وأردها لأهلها ومن بكره نبدأ,,وحجزت لها بعد اسبوع مع أخوها لمكه تروح عمره,,أنا عندي عمل بدبي بعد اسبوعين وقلت لها تسافر معي لكن رفضت
قالت بجلس عند أهلي طوال فترة الرقيه وبعدها بقرر إذا أرجع أو لا
وامس وديتها أهلها ويوم نزلت قالت احمد تكفى سامحني على كل شئ والله غصب عني قلت مسموحه
ويشهد الله أن طلعتها من بيتي ثقييييله على قلبي ولاقدرت أنام وحسيت قلبي منزوع من مكانه>>>>>جالس يفضفض
ومشتاق اسمع صوتها بس مسوي ثقيل
آاااه يااخوان اصعب مايمر فيه الواحد أنه يحب انسان ويبتعد عنه توني أحس بقيس
والله أني أمسك الجوال وأرجعه وأخذت فره على بيتهم صرت أحب بيتهم وشارعهم وحتى جيرانهم>>>>>يكذب مايعرف جيرانهم
سامحوني بس أبي أفضفض أحس أني مخنوووق [/SIZE]