انا رايي ان زوجتك جاهله فقط بكيفية التعامل مع الزوج يعني غشيمه ماتدري عن الله وين حاطها انت تفكيرك في جهه وهي في جهه ثانيه خصوصا ان امها متسلطه على ابوها فهذي هي قدوتها وعلى بالها كل الحريم تتعامل مع رجالها كذا وان كل شي بالتحدي وبالقوه هي تحبك وتموت فيك بس غشيمه يبغالها تدخل مواقع زي ذي عشان تعرف ان طريقة تفكيرها خطا وان الزوج ماتتعامل معاه بالطريقه اللي تعامل فيه اخوانها وصاحباتها الزوج شي ثاني له كلمته له احترامه الحياه الزوجيه ماهي حياه مثاليه ماهي عشق وجنون وحب وبس مثل ليلى وعنتر او روميو وجولييت الحياه ليست حب فقط الحياه موده ورحمه

غيرتها زي ماوضحت قبل انت وسيم وجسمك حلو وبين بنات يمينك ويسارك وكل شي مفتوح لك اكيد بتتجنن غيره وهذا من خوفها عليك لاتروح ومن حبها الشديد لك لانها شايفه الاغراءات قدام عينها وحبيبها كل مواصفات الجذب فيه

بالنسبه للفلوس يمكنها ماهي عارفه انك ماعندك فلوس انت تقول اكيد عارفه وانا اقولك لاتتاكد انها عارفه ماتدري عن نيتها يمكنها منجد تحسب معك فلوس كثيرغيرها انت تحاور معها فهمها ان الطريقه ذي ممنوعه بتاتا اذا كسرت شي بكل بساطه حرمه عليها الين تعرف ان الله حق احسن الظن بها قد تكون ظالمها
لاتنسى انكم في قاره ثانيه بعيده جدا فجاه ابتعدت عن اهلها وتركت اهلها عشان تعيش معك ولاتعرف الاانت يعني نفسيتها تعبانه
لاتنسى انكم في بداية حياتكم ومعروف ان اول سنة زوج كلها مشاكل الين كل واحد يعرف اطباع الثاني يعرف اللي له واللي عليه يعرف حدوده مع الطرف الثاني يعرف اللي يزعله ويعرف اللي يرضيه
لاتنسى ان امها مسيطره على ابوها فمافي قدوه صحيحه لها
لاتنسى قلة الوعي والجهل من الطرفين للثقافه الزوجيه
على العموم الله يوفقك فيما اخترت لكن لاتنسى الاستخاره
ينقكم انكم اثنينكم تقراون كتاب الرجال من المريخ والنساء من الزهره كتاب مشهور جدايوضح طريقة تفكير الرجل بالعقل والمراه العاطفه تتحكم بها

الاخ ابو جوري اتمنى اكون جاوبتك في هذا الرد
احترامي للجميع

__________________
(أفحسبتم أنما خلقناكم عبثا وأنكم إلينا لاترجعون )
قول الله تعالى