22-04-2011, 08:22 PM
|
المشاركة الأصلية كتبت بواسطة Saif_KSA
أختي لاتظلمونه... أهنيك بالبدايه على وعيك وادراكك والي اتضح في اكثر من موقف.... زوجك للأسف عنده عقده من العلاقه بين الزوجه والأهل...وعايش بدوامة كيفية امساك العصا من المنتصف...اذا سمع منك اخذ صفّك والدليل زعله من اهله في احد المرات واذا سمع منهم "لامك" -من اللوم- على تصرفاتك...وبخاطري اسألك هل له اخوه اكبر منه متزوجين؟ اذا نعم برجع واعطيك تحليل ليش تعامله معك كذا وليش يقدّس اهله كما اشار بعض الأخوه في الردود... فعلا احسه مايعرف يمسك العصا من النص مايعرف يعطي زوجته كرامتها وحقوقها ولااهله حقوقهم .. وله اخوان كبار متزوجين لكن فيه منهم مطلقين واللي متزوج عايشين بمدن ثاانيه ويجونا بس بالمناسبات ..وفعلا فيه تقديس يظلمني معاه فيه .. دايم يقعد معاهم هم ساكنين معي بس فوق قلت له مره ياقلبي انا اعرف لاهلك حقوق وتحب تجلس معاهم وتسولف بس برضه انا زوجتك ولي حقوق انت ماتجلس معي تجيني اما تاكل او تنام او تتفرج على التلفزيون .. قالي وش تبغين يعني ماتبغيني اجلس معاهم ترى ذولا اهلي وذيك امي ماابيعها ابد ماناقص غير تقولين لي وديها دار العجزه .. ولا تبغين اترك دوامي واجلس قدامك ( شوف كلامه وكلامي وانا واقسم بالله اني كلمته بكل هدوء .. قلت له براحتك ولاعاد بدور عليك قال هذا اللي انا ابيه وانا رجال مشقوق الجيب .. زوجك اختي الكريمه عنده قلة وعي وادراك لأهمية بعض المُسلّمات في التعامل ومعرفة ماله من حقوق وماعليه من واجبات في بعض العادات والتقاليد ويتضح لي انه تربية امرأه وليس تربية رجل - لا احد يسيء الفهم ليس استنقاص من قدر تربية المرأه بقدر ماهو عدم تعزيز وغرس بعض الخصال الرجوليه فيه والتي لايستطيع ان يغرسها في ابنائه الا الرجل- فعلا يعني فيه امور من المسلمات اشياء معروفه والله مااحس ابد ان لي خصوصيه .. وصدقت ابوه توفى وهو عمره تقريبا 17 سنه .. واحسهم كل واحد من اخوانه له عالمه لحاله مافي احد يحكمهم .. الرجل اذا اتى الى بيت ضيفه يجب عليه اكرامه والحق يقال بأن تأدية الواجب -كاللوليمه- ليست بكافيه وهو في الحقيقه اوصل ما اراد الى ذهن والدك والدليل هو تساؤله عن عدم تواجده... كان عليك التماس العذر له امام اهلك بمعنى ان تقولي لأهلك "هو يبينا ناخذ راحتنا مع بعض وهو يقولي كلها يومين يبيني اجلس معكم وتاخذوا راحتكم بالبيت" الخ.... بالمقابل اشيد بمافعلتيه من استشعاره لأهمية الأمر وخطورته.... اهلي ماكانو معي بالبيت كانو بشقه مفروشه .. وكان ينزلني عندهم ولا يطلع فوق يقول مستعجل .. باللليل ابوي يقول تعشو عندنا او بكره طيب تغدو .. طيب خليه يمرني ودي اشوفه ... وهو مطنش .. يؤسفني ان لديه هذه القناعه "بعدين سالت زوجي انت وش فيك .؟ قال زي ماتسوين بااهلي اسوي بااهلك .." للأسف يجب ان يعي بأن التعامل بالمثل لايأتي الا من باب الإحسان وليس العقاب!! كما انك لك تعاملك واهلك لهم تعاملهم حتى وان ساءت الأمور بينكم...بمعنى لو كان احد اخوتك صديقاً له واختلفتي معه هل تنقطع او تسوء تلك الصداقه!! يا اختي.. زوجك فيه صفات تعتبر ايجابيه ان اغتنمتيها وسلبيه ان تجاهلتيها ...ولهذا ذكرت ماذكرت من قصور في ادراكه وتقييمه للأمور أعلاه... عموماً فهو ليس صعب المراس وهذا يتضح بأنه يسمع لك ومنك وكما اسلفت استجابته لطلبك بالتواجد مع والدك وكذلك اخذ موقف من اهله....كلها تدل على ان باستطاعتك احتواءه...وهذا الإحتواء يجب ان يأتي ببطء وعلى مراحل حتى لايستشعر الأمر...ولو كان انسحابك في التعامل مع اهله ببطء وعلى مراحل لما لاحظ الا ان يكون هناك من يعطيه المعلومه من اهله... هو يسالني بنفسه .. يبغاني يوميا ازور امه .. وهي والله غالبا ماتعطيني وجهه .. ومرات تقعد تستفزني وتقعط كلام . واذا بسافر مع زوجي وهي مو راضيه يسافر-قسم حسد لي - ترفض تسلم علي . غير كذا اجلس بحجابي كون عيالها بالبيت وباي وقت ممكن يدخل وهالشئ يضايقني ولا احبه ولا متعوده عليه وعندنا بجماعتنا عييييب ... ارى انه من السهل ان تأخذيه بصفك لأنه يسمع منك.... استوقفتي هذه العباره... " ولما اقوله على شئ مثلا مااحب اي احد يدخل غرفتي " كان بودي ان يكون هناك دائماً تبرير عندما ترفضي اي شيء...اعطيه مسببات .. عطيته لين قلت بس .. يقتنع .. لكن مجرد تصير مشكله جديده يرجع يقول انتي منعتي خواتي وبناتهم يدخلن الغرفه ويسكت .. قلت له ليش الظلم ؟ كمل كلامك انا مامنعت انا قلت اللي بيدخل يدخل بااذن وباحترام لي ولغرفتي وانت تدري انهم غلطوا علي.. يقهرني يوم يقول نص الكلام .. .زوجك رجل وحديث عهد بالزواج....وفي هذه الأمور خصوصاً يجب ان تنقليه الى مرحلة التفكير كأُنثى....وجعله يستشعر اهمية وخصوصية غرفة النوم وانها حق من حقوقك انتي ...باستطاعتك منع من تريدين والسماح لمن تريدين...بذكر المسببات... أتمنى لك كل التوفيق اختي ... |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري