أنا كنت مركبه اللولب بس والله ما أدري وش نوعية من لولب نحاسي هرموني ما أعرف بصراحه ماسألتها عن نوعيته وحتى شكله ما أعرفه إلا يوم شالته الدكتوره وأنا شلته الأسبوع إللي فات لأنه تعبت منه فجأه وأنا مركبته بعد ولادتي ببنتي والحين عمرها سنتين و8 شهور وماعمري حسيت بألم من اللولب طول هالمده إللي مركبته فيها وأنا شلته بعد ماتعبت منه بشكل مفاجئ وأنا يمكن تسببت في تعبي لأني كنت متنومه على بنتي بالمستشفى وكان عندنا بالغرفه كرسي ثقيل
وكنت جالسه أنقله من محل لمحل حتى إني الظاهر اللولب إنفك وتحرك من مكانه وحسيت بألم فظيع الله يكرمكم أثناء التبول ووقت الجلوس والمشي ونزل معي دم غير دم الدوره و بغيت أنجن
من شدة الألم وماصدقت وهما يعطون بنتي خرو ج من المستشفى طلعتها يوم السبت إللي فات من المستشفى الظهر
ورحت بنفس اليوم العصر لدكتورتي إللي ركبت اللولب في مستشفى خاص وسوت لي فحوصات وقالت عندك اللولب تحرك من مكانه شوي وسبب لك إلتهاب بسيط في جدار الرحم طبعا قلت لها شيليه طلعيه ما عاد أبغاه برتاح ثلاثة شهور وأرجع أركبه وشالته والحمدالله الألم خف وإختفى
من ساعة ماشالته وأعطتني بعض الأدوية أستخدمها وبصراحه والله إني من يوم شلته وأنا أحس نفسي حزينه وخايفه لا أحمل خصوصا إني الحين ما أستخدم أي مانع والحبوب ماتناسبني ترفع لي الضغط والإبر والاصق كلها لها أضرار ومتوكلين على الله وربنا يستر بس أنا عندي ملاحظه أنا اللولب إللي ركبته كانت الدوره ماتنزل كثيره وكمان تتأخر أحيانا ثلاثة شهور وكمان حليب الصدر أحسه مايجف بسرعه طبعا أنا حاولت أشوف الصورتين حقت اللوالب إللي حطتها الأخت الكريمه بس الصوره الأخيره ماطلعت عندي علشان أقارن بينها وأشوف وين منها إللي يشبه
إللي أنا شفته عندي وقت ماطلعته الدكتوره ولاكن بشكل عام أتوقع إن اللولب حلو وزين أحسن من أي و سيلة منع للحمل وأضراره معقوله ويمكن السيطره عليها بإذن الله تعالى ومبروك يا أختي الكريمه وربنا يعطيك الصحه والعافيه يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله