السلام عليكم
مشكلتي بختصرها ..وهي ابوي ومعاملتها السيئه جدددا لامي ..امي جتها عدة امراض من القهر والعذاب الي عايشته سنوات وللاسف ان ماعندي اخوان ..دايم يسبها لاتفه الاسباب ويتلفظ الفاظ والله انها مررره مخجله الفاظ سيئه جددا ولا تتلفظ الا على الي يعملون الفحشاء والعياذ بالله واحيانا بناتي يسمعون ويقولون لابوهم وزوجي يعصب اوقات يقولي لا تروحين عشان البنات يسمعون ويشوفون معاملة ابوي ..امي دايم تمرض ويرتفع عليها الضغط والسكري واذا شافها يظل يستهزأ حتى على مرضها ولا يهتم فيها طبعا لا مصرووف يعطيها ولا اهتمام واذا تبي شي يقول لها روحي شوفي سواق؟!امي ماعندها اهل مهتمين فيها او باختصار ماعندها الا امها الي عايشه مع ولدها ..لذالك اضطرت انها تعيش معاه غصبا عنها تحملت سنواات طوويله ..انا متزوجه وعندي بنات وابوي محرم علي اني آخذ امي معاي ورح طبعا يسوي لي مشكله كبيره وغير غضبه علي وانا عمري مازعلت امي وابوي ..المشكله ان عدة مرات يتصل لي وانا متزوجه وعندي مسؤوليات ياريت كلامه زين كويس الا يتصل لي عشان يهذر ويسب في امي والله قلبي يألمني ..ان تكلمت وقلت الحق رفع صوته علي وظل يشتمني ويقول اني ظالمه وانا عمري ماظلمت احد لو اني ظالمه كان من باب اولى ماكلم ابوي على الي سواه في امي وفينا ..على كل هذا وانا مازعله ابد..ابوي حتى حنا كانت معاملته قاسيه معانا ..المهم يظل يهذر عن امي وامي مافيه احن منها ولا اطيب منها ..الكل يحبها ..يشتمها ويتكلم عن مشاكلهم ويبيني اعلق؟شنو اقول اسكت وينقهر فيني واقول كلام حق ويشتمني حتى اوقات اكون مشغوله مايهتم يظل يهذر واسلوبه سيء في النقاش ..للعلم بان حتى زواجي تم بصعوبه بسبب ابوي ومعاملته القاسيه على زوجي ..مايعجبه احد نهاائي ولا فيه احد الا شتمه ودايم يتكلم على الناس بالسوء ..يتكلم على امي عند الرجال حتى امورهم الخاصه! وامي تسمع بالصدفه من زوجاتهم وتمرض من القهر ..احيانا يضربها ..وكثييير يصارخ عليها دايم يتعمد انه يخلق مشاكل حتى لو هي ساكته ماتسوي شي ..اختي دايم مضجره من معاناتها مع ابوي ..مايجب يتحمل مسؤولية احد نهاائي ..حارم امي من اهلها وهالفتره امها تعبانه في المسشتفى وامي متضايقه وابوي يهاوشها ..لما تقوله ابي اروح اشوف امي يصارخ عليها ويقول لها روحي انتي تصرفي ولا بدفع ولا ريال؟!تخيلوا..امي في هالازمه وهو كذا بدل مايخفف عليها للعلم بان فيه فرق في العمر هو اكبر منها بـ15 سنه او اكثر ..عانينا كثير وانحرمنا من اشياء كثيره ..قبل لا اتزوج اذا بنروح نزور اهل امي يعصب واذا رحنا بصعووبه يعطينا وقت محدد بسيط جدا..اذا بنطلع نبي نغير جو ممنوووع ويظل يكرهنا في هالطلعه الي بنطلعها ..يكرهنا في اهل امي لانه يكرههم من غير سبب ..مايعطينا مصروف الا مبلغ بسيط مررره من خلاله مايكفي نشتري لنا ملابس لما تزوجت وجربت الامومه ولقيت زوجي كيف يعامل بناته استغربت وكرهت اكثر معاملة ابوي ..كيف كان له قلب يعاملنا كذا؟يحرمنا من كل شي وانا اشوف بناتي مو قادره احرمهم من شي وابوهم بسرعه يكسرون خاطره ويلبي متطلباتهم ..ليش ابوي كذا؟اختي الكبيره لما يتقدم لها خاطب يظل يهذر ولا يعجبه ويبي يهاوشه!والله لولا اني اقوله اختي كبيره حرام بعدين من بيظل لها واحاول ااني اقنعه والله كان اخر خاطب ابوي كل شوي ويقول بتصله وهو يشتمه ..امي تعبااااانه وخايفه عليها ..وحنا مابيدنا شي نسويه ..للاسف انا بنات وانا في حكم زوج وزوجي دايم مشغوول مايرجع الا متأخر وابوي محرم ان امي تجي عندي عشان خايف لا تسكن معاي للعلم بان ابوي يخاف مرره انه يظل لحاله ..

الله يعينك اختي ولو هذا مهما كان ابوك الصبر طيب وبقولك شي من المحال دوام الحال

وامك انشاء الله ربي بيجازهـ في الاخره على صبرها ربي مايضيع حق اي انسان سبحانه

والله صااابرين وانا عمري مازعلته ومتحملين لكن الحين الخوف على امي ..صارت تمرض كثير وتتعب ..وابوي ولا هامنه شي حتى في عز مرض امي وهو يشتمها ويعصب ويصارخ عليها ..

ابوك غير سوي ومن الخطأ ان تترك امك عنده
يجب اخذها بأي طريقه ولو بالقوة اما عن خوفك منه اذا اخذتي امك او ان يغضب عليك وبالتالي تصبحين عاقه لوالدك
اسألي اهل العلم فهناك حالات لا يعتبر عضب احد الوالدين عقوق ..
حرام ان يترك عند ابوك " حيوان " فكيف بأمك !! ارجوا ان تردي الدين والجميل لأمك ليس ببرها ولكن بأخذها من عنده !
اسأل الله ان يشفيها ويأجرها على صبرها ..

الف شكر
اني آخذها معاي ..بصراحه عدة امور واقفه عقبه ..اولا ان ابوي انسان مو سهل نهااائي اول شي رح يزعل مني زعل مو طبيعي ولا بيرضى علي ابوي من النوع الا ماينسى ابدااا غير انه اكيد مابتركنا في حالنا وهو قال ان لو امي تطلع رح يجيبها غصبا عنها فكيف اذا كانت معاي ممكن حتى يوصلها للشرطه كل هذا مو حبا في امي حبا في نفسه لانه متعود ان مايظل لحاله ولا يعرف يدبر اموره وغير كذا بيظل وحيد لان حتى اولاده مايواصلونه لانه مارباهم وتركهم على امهم(كان متزوج وطلقهم وترك اولاده وهم صغار ماسأل فيهم والحين كبروا ونادرا اذا زاروه) ولا عنده احد غير امي ..والشي الثاني وللاسف ان امي ماعندها اولاد احنا بنات وانا متزوجه وافكر جديا لو انا اخذت امي بغض النظر عن موقف ابوي ياترى بترتاح معانا؟لاني متزوجه وممكن زوجي يقول كلمه بالغلط والا تصرف مو قاصدنه وتزعل امي في النهايه مو بيتي بيت زوجي وهو يكون زوج بنتها وامي جددا حساسه وعارفتها ولا حتى بتاخذ راحتها في شي يمكن حتى الاكل مابتاكل زين ..هي اذا جات عندي زياره وهي ماتمد يدها اقول لها اكلي خذي الي تبين ماترضى امي عزيزة نفس بشكل كبيير وخايفه عليها والله شنو اسوي ؟زوجي عصبي وممكن يغلط مهما كان هي مش امه ..اخاف على مشاعرها ..والله ان قلبي يألمني عشانها..مافيه انسانه تتحمل الي متحملته امي ..محرومه من كل شي وفوق هذا يعيرها حتى بجلستها في البيت ؟

هل تعرفين احد لديه علم بالقانون ؟
لأني اعتقد لو شرحت ان ابوك شخص غير سوي وتخافين على امك منه سيقف القانون معك .؟
الم تحاولوا مناصحت اباك ؟
كيف حال دينه ؟ صلاته ؟
اين اخوان امك ؟