أهلييين بالغالية جرين

اشتقنالك من جد ..

أول شئ ، مبروك و الله يديم الحب ما بينكم ..

ثاني شئ ، عندي كم ملاحظة صغنونة أو خبرة استفدتها من حياة أمي مع أبوي الله يرحمه ..
و حابة أقولها ، بس لا تزعلي مني و تتحسسي .. لإنه ماشاء الله روحك رياضية و دمك شربات ^_^


1 - لييييييه .. تخلي الأطفال درجة ( 1 ) في حياتك ؟؟؟
لاحظت إنك مررررررة مهتمة في أطفالك و موزعة اهتماماتك عالكل و حتى حفيدتك ..
لكن زوجك ( عنصر ثانوي ) ..

بكرة إذا لا سمح الله ، زوجك توفى ( لااااااااااسمح الله و الله يطول بعمره )
صدقيني ، ماحد من أولادك بيكون مثل ( زوجك ) .. و مهما عملوا

أمي كانت مثلك .. و كانت صحيح تخدم أبوي و ما تقصر معاه ، بس أولادها قبل كل شئ
و دحين تقول لنا ( مهما و إيش ما صار ) مافي مثل زوجك .. يلبي لك رغباتك من غير ما تطلبيها
ما يتأفف من أي شئ ترغبي فيه ، يبحث عن سعادتك و راحتك

بس ولدك ، تخافي تتعبيه ، تخافي تضايقيه .. و بنتك نفس الشئ تكون مع زوجها
و ولدك مع زوجته و أولاده


2 - ليييييييييييييييه ما عيشي اللحظة مع ( زوجك ) ؟؟؟
ليه التشاؤم ؟؟؟ ليه دايما راسمة صورة في داخلك إنه شخص ( شرير ) و شخص ( مجرم )
و حاطة في بالك إنه يكرهك و إنه يبغى مشاكل و إنه و إنه و إنه ؟؟؟؟


3 - بنتك اخر العنقود ماهي صغيرة ، مو لازم تاخديها معاكم إذا زوجك رافض ..
كيف تبغي زوجك يرجع يحبك مثل زمان ، و نفس الوقت ما تحققي أمنيته .. بإنكم تكونوا لوحدكم ؟؟؟

هل راح تضمني إنه بنتك لحد ما تكبر و ولدك لحد ما تزوجيه ..
إنه زوجك بيعيش لهذاك الوقت أو إنت مثلا ؟ و ربي يطول بأعماركم يارب

بس كان أبوي الله يرحمه يقول متى ما زوجتكم كلكم .. و نرجع أنا و أمكم نسافر لوحدنا
و مات الله يرحمه قبل لا يزوج أي وحدة أو واحد فينا .. و أمي دحين مريضة و تتعالج من مرضها

عيشي حياتك ..
بس مع ( زوجك ) ..


4 - عتبي عليك حبيبتي .. يوم إنه مثلا كان يقبل يدك .. قابلتيه بالجفاء و سحبتي يدك ؟
يوم إنه كان معاك رومنسي ..و جبتي له سيرة الأولاد
و يوم قلتي له ( اشتقت للمشاكل ) ؟؟؟

ليه الجفاء مع زوجك ؟؟؟

: (

و لا تزعلي من كلامي ..

بس زوجك أهم من أولادك .. هذه نصيحتي