لا لا بهاذي أنا بشاركك فيها وبقوه لأن مرارتي قاربت علا الإنفجار من ذكريات زوجي خزانات غرفة النوم فيه جهة إللي يفتحها كأنه داخل ثكنه عسكريه زوجي طال عمرك محتفظ بجميع بزاته العسكريه تصوري حتى أول بدله لبسها قبل 27 سنة أول أيام تخرجه من الدوره باقي عنده وكل ما ترقى حط بدلته إللي بالرتبه السابقه في الدولاب بعد ما يغسلها ويكويها ويلبس البدله اللي تحمل الرتبه الجديده وبعدين كل رتبه لها ثلاث لبسات بدلة حق الميدان وبدلة تفتيش وبدلة تشريفات ومحتفظ لكل رتبه بجميع أنواع البزات إللي تخصها وكل ما أقول له وش تبغى فيها تجمعها يقول خليها ذكريات علشان بعد التقاعد تذكرني بوظيفتي طبعا هاذا غير الدروع والميداليات والشهادات وإلا الصور من كثرها كل ما أفتح در ج بالبيت
الآقيها قدامي أشكال وألوان وشكل زوجي بعد التقاعد بتنهار نفسيته بشكل غير طبيعي وشكله بيقلب عليه أنا في إلقاء الأوامر والظاهر بعد التقاعد يبغى لي غرفه خاصه بالبيت لذكريات زوجي وبصراحه هاذي مشكله مدري كيف أتخلص منها وأخليه يتركها وشكلي في أي يوم أولع فيها كبريت وأريح نفسي بس خايفه على زوجي ينجلط بعدها تكفين لو عندك حل يا أم هشام إسعفينا فيه أ كون ممنونة لك .
بالنسبه لكلامك إللي قلتيه الله يجزاك خير عليه بصراحه أنا أعرف كثير من الحريم مازالن يحتفظن بفساتين أعراسهن لذكرى بدون مايستفيدوامنها ولاتصدقوا فيها فالأفضل إن الإنسان يحتفظ بالذكرى في قلبه وطبعا لاننسى إن هناك أشخاص يحتفظون بصور لأقاربهم الموتى لذكرى وهذا حرام و لايجوز بحق الموتى وبعض الذكريات تكون مؤلمة لشخص فكل مايشوفها يحس بألم نفسي وحزن في داخله إذا كان يفتقد صاحب هاذي الذكريات إما بموت أو سفر أو فراق بسبب نزاع بينهم طبعا بعضهم زوجته تتوفى وعندها ذهب وليس عندها بنات وليس له نفس لزواج بعدها فيحتفظ بهاذا الذهب كذكرى بزوجته فمن الأفضل إنه يبيعه ويتصدق بقيمته على نيتها إما في بناء مسجد أو دار تحفيظ للقرآن أو كفالة يتيم أو حفر بئر في إحدى الدول الفقيره كان أفضل له من الإحتفاظ به وكسب أجرها وثوابها هو وزوجته .
وأخيرا طال عمرك عندنا عجوز عمرها يقارب الثمانين ومازالت تحتفظ بعقال من القديمه ومعطف وعكاز وخنجر لزوجها إللي مات قبل ما يقارب 30 سنه عاد كبار السن من الصعب إقناعهم بالتخلي عن ذكرياتهم بسهوله .
وتسلمين على الموضوع الطيب والجميل .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله