[QUOTE=حياة افضل;2613434]

عــــــــــــــادي جدا....
عادي اللي تحس فية...لانك لحد الان ماانتهت الازمة...
بس بمجرد انها تنتهي...خلاص...ترتاح...
كلنا مرينا بمشاكل.....
كلنا حسينا باللي تحس فية...
يااخي قد صارت لي مشكلة( ان شاء الله ماتمر لاعلى صديق ولاعدو)
مشكلة اثرت فيني جدا...وهزت كياني وخلتني انسانة ثانية...مو forgiveme اللي قبل...
وكنت امر باللي تمر فية....(كنت ذيك الفترة طلبت الطلاق منة...بس رفض...وماكان احد من الاهل يدري باللي صار...لانة وبصراحة اللي صار ماينقال....حاطة في بالي اذا صار الطلاق وسالني احد..اقول ماصار توفيق وبس...)
المهم... في ذيك الفترة....تقريبا تهيات نفسيا اني اكون مطلقة....
فكل موقف...او كل سالفة...او كل حدث...يذكرني فية...
بس تبي الصدق ....لاني كنت مجروووووووووووووووحة حتى الموووووت....
واحس بالذل والمهانة....ماكان يحرك فيني احاسيس شوق لة(والله اني صادقة)
تقول ليش....
لاني انجرحت جرح اموت مانسيتة....توقعت كل شئ يصير لي الا الشئ هذا...اقصد الموقف اللي سواة فيني...
فصعبة رجع مثل قبل صدقني...وهذا اللي جناه هو لي وعلى نفسة...
مع ان الوضع تصلح(لاني مابغيتة يسافر الا يطلق...بس كان رافض الشئ هذا...وجلس يرسل لرسائل
ماكانت تاثر فيني كثييييير....تمنيت انة قال هالكلام قبل...كان صدقتة...بس الحين....مااقدر اصدقة..
لانة وببساطة الثقة انمحت...يعني""فاتت ياونيان""))
المهم من بين الرسايل اللي خلتني اتاثر (انة الواحد مايظمن عمرة...لو يصير شئ وحنا مو متصافين
كيف يكون شعور الواحد منا اذا فقد الثاني)
ارسلت لة تعال شوف ولدك.....انا ماكنت ابي اشووووووووووفة ابد..
المهم جاء...وكلمني وكلمني وكلمني....وانا صاااااااااااااااااااامتة ماابي اخذ واعطي معة...
احس خلاص ماعاد ينفع الكلام...لان اللي صار ماينتصلح بكلام ابــــــــــــــد...
بافعال اية....
اللي قلت لة....التفت لة(لاني حتى ماكنت اقدر اطالع فية)
شوف يافلان....اللي سويتة لي...تراي مسامحتك ليوم الدين(بس كنت من داخل مو صادقة)
كنت ابية يسافر وهو مرتاح....لان الغربة صعبة....
تاثر بكلمتي...وشكرني....
ماكنت ابي الموضوع ينتهي كذا....بس هذا شئ ارادة الله لنا...

الشاهد من الكلام هذا كلة....
انت ماكنت تتوقع ان هذا يصير لك....
انا ماتوقعت ان هذا بعديصيرلي....
اتذكر اني اتصلت على شيخ اقولة المشكلة...(لاني ماقدرت اقولها لاحد ابد)
\من بين الكلام قلت لة اني ماتوقعت ان هذا اللي بيصير لي...
تدري وش قال لي الشيخ...
قال وانت بنت ملك او وزير علشان هذا مايصير لك؟؟؟
انا ماادري ليش قال كذا...بس كان اللي يبي يوصلة لي....اننا بشر...نعيشفي دنيا يوم حلو ويوم مر...
والدنيا ماتصفى لاحد...
الشيخ هداني بكلامة...بس ماحل لي المشكلة(لانة بصراحة مو متخصص بالمواضيع هذي علشان مااظلمة...بس ماكنت اعرف رقم شيخ غيرة..))

يعني لزوم تعايش مع الوضع اللي تمر فية...عادي....
يااخي انبسط....انت توك صغير.....مافية هموم اطفال وغيرة...
شوف مشكلة اخونا بوفهد...واخوناa7bha....
اخوانا طلقوا حريمهم وبينهم اطفال وضعهم اصعب من وضعك...

ولاتحسب الدنيا تبي تصفى لك على طول....
نبي نشوف فيها يوم ابيض ويوم اسود....


طيب الوضع الحين كيف معك...؟؟
يعني فية احد من اهلك ناقش المو ضوع مع اهلها...؟؟؟
باقي هي ترسلك رسايل؟؟؟

لان حالة الركود اللي انت فيها

[QUOTE=forgiveme;2613449]انا ما ادري وش اقول لك اختي مع اني سامحتها لكن والله اني ما اقدر اوصف مشاااااااااعري خصوصا اني كنت راسم لحياتنا ومامل فيها امااااااااااااااااااااااااااااااااااااال وكنت عاطفيا خلاص بموت ابي احد يشبعني عاطفيا"" والغربة والمجتمع هنا سيئة جدا"" انا كنت اتنازل عن اشياء كثير بس كنت ابيها تجلس معاي والله اذا اشتدت الامور وقالت ابي ارجع السعودية و اصرت أجلس ابكي "" قولوا عني الي تقولون "" انا ما كنت ابيها تفارقني ابدا مع ان فيه اشياء كثير مو عاجبتني بس ما كنت ابي اجرحها ولا احسسها بشيء يجرحها يعني انا ماني حزين عليها بس حااااااااااااااس اني خسرت خساااااااااااااارة كبيرة يعني انا الحين رجع وضعي اسوأ من أول الحين صارت حياتي مقارنات بين الحين وبين ايام الزواج . وعيني مازالت تدمع . انا ايام العزوبية كنت افهم جيدا وش الطلاق يعني كنت احسة مثل ترك الصلاة شيء مو عاااااادي بل مخيف . وانا اجد نفسي اليوم في معمة الطلاق انا اعرف ان قلبي لن يتحمل سالفة الطلاق علشان كذا كنت احاول اكون ابعد واحد منه . لكن الله بيجازيها انا صرت مستحيل اقبلها لو تقول بتصير لي زي ما ابي انا نفسي طابت . و مقهور و اذا زاد ضغط الدراسة الموضوع علي طول يرجع لي يعني لوكنت مستقر كان اقل شيء احس فيه احد يهتم فيني . مهما قلت لكم والله مشاعري ما اقدر اشرحها لاني اول مرة انجرح زي كذا و اول مرة احب و اول مرة اعشق انا ما قلت لكم وش كنت اسوي بنفسي عشان تضحك .
أعرف كل الكلام الي تكتبونة هذا الصح وهذا المفروض . لكن قلبي ما زال مكسور . والله اعلم متي بتطيب جراحة ولكني اتوقع اني راااااااااح اطول اداوية و راح يااااااااااخذ سنين الله اعلم كم بس ماهي قليلة.

أما بالنسبة لرسائلها اخر شيء كان الايميل الي ارسلته .
أما بالنسبة لاهلي ما ناقشوا اي شيء معاهم .
وبصراحة طلبت من الحريم اخواتي امي ما يتدخلون بردود ولا مكالمات ولا رسايل .
وخليت الموضوع رسمي بين ابوي وابوها . والموضوع ما صار فيه شيء يعني معلق تماما

أعرف بتقولين لازم تخلص الموضوع علشان ترتاح . انا معتبر الموضوع خالص . بس لما ترجع لي حالات الذكريات انا اغلب ذكرياتي معاها اتذكر اشياء حلوة كثير و ما كنت اتذكر سلبياتها وهي عادة دايم الشخص الي اغليه ما اطالع بسيئاته و احب اسامحة و ما اشيل بخاطري علية . وانا كنت مو اغليها الا اموت فيها . فهذا شيء طبيعي . اني دايم ارجع لموضوعي بالتفكير .

أنت تقولين اخوانا ابوفهد و اخونا احبها . صحيح اني تأثرت من قصصهم و برضة الاطفال الله يكون بعونهم

الفرق بيني وبينهم انا ببلاد غربة و وحدة وبلاد فساااااااااااااااااااااااااااااااااااااااااااااااا اااااااااااااااااااااااااااااااااد
يعني الله يحمينا والله ما ادري وش اقول غير الله ياخذني قبل لا اطيح بخراب و الله اني ماني عارف وش اقول الله يستر الله يستر و المشكلة وضعي النفسي ما اقدر اتزوج ابدا ابدا ابدا

أخي الفاضل:
•إن ما تعيشه يعد شعوراً طبيعياً في مثل موضوعك الذي ما زال معلّقاً بين السماء والأرض فلا هناك صلح ولاهناك طلاق...إن المواضيع المعلقة هكذا تشغل النفس والفكر والروح مما يؤثر على الجسد وأداء الفرد في حياته العامة.
لهذا تجد بعض المشكلات الزوجية يُنصح فيها الرجل بالزواج بأخرى بسرعة كي لا تحدث هذه الحالة.
•أقدّر حقيقة الوضع من حولك خصوصاً في البلد الذي تعيشه؛ حيث أن الفتن والمغريات تتراقص أمام العيون كما تتراقص الأمواج. ففي كل ركن فتنة والعياذ بالله.
•إني ناصح لك بما يلي:
1) استمع للقرآن الكريم؛ فقد أثبتت بعض الدراسات الطبية الحديثة أن له دوراً في تخفيض ضغط الدم، وإضفاء الهدوء على مستمعه بملاحظة بعض الموجات الكهربائية في الرأس والله أعلم.
2) اخرج مع الزملاء كثيراً، أو تواصل مع أهلك كثيراً، وتجنب الجلوس لوحدك.
3) سافر وانتقل بين الولايات مع الزملاء الجيدين في الإجازات.
4) حاول أن تفرّغ كل شحناتك العاطفية، وآلامك ومواجعك على شكل خواطر ثم قم بتمزيقها فوراً.
لا بأس أن تكتب خواطرك هنا.
ثم اكتب كل الدروس المستفادة من هذه التجربة واقرأها في الأسبوع مرة؛ فسوف تجد من الخير شيئاً كبيراً، واستذكر الخيرات والإيجابيات التي حصلت لك بعد الفراق وخلال هذه الحالة...صدقني سوف تجد الكثير لكي تكون ممتناً لله عزوجل على نعمه العديدة.
5) أكثر من عمليات التنفس بعمق، وزاول الرياضة مع من يزاولها هناك لأن المجتمع المحيط بك يشجع على هذه الرياضة لأن لها دور في تقليل الاكتئاب.
6) أعرف أن نفسك مسدودة من كل شيء بصريح العبارة...لكن أرجوك اضغط على نفسك ضغطاَ شديداً واغرق في المذاكرة والبحوث، واحذر من الاستسلام لما تمر به فأنت جبل لا تهزك الريح.
7) مارس عملية التخيل الإيجابي كل ليلة بمعنى تخيل نفسك وأنت بخير وعافية وقد نسيت كل شيء.
8) انظر لكل شيء من حولك كالطبيعة أو الأنهار واستشعر جمال ذلك.
9) ابتعد عن قصص الحب والرومانسيات.
10) اقرأ كتاب "الفرج بعد الشدة"، واقرأ كتاب "عدة الصابرين".
11) أكثر من قيام الليل+ابكي أمام الله حتى تشعر بالنحيب.
12) إذا كنت تشعر أن الأمر قد تفاقم في داخلك فإني أهمس في أذنك قائلاً (تزوج يا رجل).
:::
أرجو إذا كنت من سكان مدينة الرياض، وحصلت لك زيارة فأخبرني لعل الله يكتب بيننا لقاء.

أخي الحبيب البليغ انا الان لا استطيع كتابة رد الان سأرد عليك لاحقا ان شاء الله .

اخي البليغ الله يجزاك خيييييييييييييييييير على مداخلتك....
لان اخونا ((حياة افضل)) بحاجة من يدعمة نفسيا ........لان الوضع باقي ماثر فية...



اخوي حياة افضل...
ركز بالكلام اخونا بليغ زيييييييييييين...


الدنيا ماوقفت عليها....
خلي امك او اخواتك يدورون لك على بنت الحلال...
ليش متخوف من المسالة....
انت اطلب العون من الله...والله ان شاء الله معك...
الهدف من الزواج الراحة والاستقرار...
تزوج علشان ترتاح وتلقى من يشبع عاطفتك....
وتستقر نفسيتك....

الله يعينك ويثبتك.....ويصبرك على اللي انت فية...
ويعوضك خير ان شاء الله...

مساء الخير ااخي حياة افضل هنيئا لك على اخلاقك العاليه واني ادعو الله ان يصبغ عليك من الاخلاق والصفات التي اتصف بها الرسول صلى الله عليه وسلم اخي الفاضل انا عندي هموم وخاطري مكدركنت افضفض ولكني في الفتره الاخيره الجأ الى الله ليساعدني عليها ثم الى دعاء الصالحين والناس الطيبه شرواكم واسلم وانت لبيب من الاشاره تفهم ارجو اني مااثقلت عليك تمنياتي لك حياة افضل

كيف يتزوج وموضوعه معلق مع زوجته ؟؟؟؟؟؟؟؟؟؟؟
طيب لو تزوج ورجعت زوجته الاولى مستعد ياخذهم الثنتين برااااااا
حتى لو يخطب بيسالوا عن زوجته الاولى وش راح يقول عند اهلها وبادبها ببنتكم
انا اشوف يتهي موضوعه المعلق مع زوجته اما بذهاب والده لوالد زوجته وحسم الامر بجديه اذا نيته يتزوج

__________________

::
البليغ الله يجزاك خير
أحياناً نتمنى أن ندعم أخينا حياة أفضل لوضعه النفسي
لكن لايفهم مشاعر الرجل إلا رجل مثلة
وأنت هنا خير سند بعد الله له بنصائحك
::
فشكراً لك يا أخي

ربي يفرج عليك اخي "حياة افضل" و يجبر بخاطرك..

أخوانا واخواتنا أنا والله مقدر لكم كل الي تسونة من اجلي و الله لا يحرمكم الاجر. والله أني أعرف كلاااااااااااااااااااااااااااااام كثير وممكن اجلس اساعد الناس علشان يخرجون من وضعهم النفسي . انا مشكلتي أني مجروووووووووح . يعني حااااااااااااااس ان الحركة الي سوتها احباااااااااااااااااااااااااااااط لي بعد كل هذا العنا والصبر وجالس مع شباب متزوجين وعليهم عيال واسمع وارائهم و نصائح منهم و كل يوم افكر بيبتي وانا جالس احمية من كل التصدعات و الكسور وارمم و ووو واخيرا كذا بكل برود رسائل اهانه و تجريح من غير الي كنت اسمعة و امشية وش الشي الي يخليني استاهل كذا . اعرف بتقولون قدر انا معاكم والحمدلله علي هذا القدر . يا اخواني وخواتي تخيلوا واحد جالس شاد علي حيله بالدراسة و التعب والسهر سنة كاملة و اخيرا لانه اخطا بسؤال واحد يرسب وش شعور هذا الطالب . انا كنت حاط بيتي اهم شيء بالدنيا و كل الدنيا سخرتها لبيتي كل شيء كان ممكن يصلح بيتي كنت علي طول ما اتاخر . صار لي موقف كنت مع قريب لي قبل اسبوعين و كان اللقاء في اجازة المهم جزاه الله خير طلعنا من الظهر وتغدينا و تقهوينا ورحنا نتابع فلم بالسينما الين الساعة عشر المهم الرجل كان مرة ودة يرجع لبيته لما بدا الوقت يتاخر و كان متلخبط مستعجل حتي ما خلانا نكمل اخر الفلم و ماشي بالسيارة بسرعة و ما صدق يبي يرجع بيته قبل لا ينامون اطفالة طبعا مايدري عن اي شيء بينا يعرف انها بترجع فقط و وانا مسكر علي الموضوع لا استطيع وصف مشاااااااااااااااااااااااااااااااااعري في تلك اللحظة من الحزن لاني كنت اذا كنت راجع البيت امشي و اتصرف بنفس الشي علشان ما اتاخر عليها . والمشكلة اني كنت موقف سيارتي عند سوق كنا دايم نروح ونتسوق انا وهي . من تضارب المشاعر بداخلي رحت وشريت دخان وبديت ادخن ادخن ادخن ادخن ادخن وخلصت البكت بيومين وانا ما قد عمري دخنت . وكنت محبط اني راجع لحالي . انا اخرت التفكير بالزواج حتي كنت اشعر باني عاطفيا لازم اتزوج والحين بعد سالفة رسائلها وكلامها عني صرت صاحب قلب مجروح و صاحب فراغ عاااااطفي شديد و فوق كذا صرت ماني قادر افكر بزواج جديد ووضعي مشربك ونفسيتي كارهه الزواج يعني صرت اكره اني ارتبط ببنت الفترة الحالية . والله اني كارة فكرة الزواج من سببها وحاس مافيه زوجة تستاهل تضحية لا وفوق كذا ممكن اني ارمي قلبي بزبالة الله يلعن الحب والكلام الفاضي اقسم بالله احس الي يبي يحب صار اول شيء يحط قلبة في زبالة علشان يتعايش مع الوضع تكرمون سامحوني والله انها انسانة ما ادري وش اقول عنها لكنها نجحت في توصيل معلومة ان لا ابالي بقلبي .

اخي البليغ انت اكثر واحد ممكن يحس في الوضع لانك شفت بعينك و تعايشت مع الوضع . وانا ما ادري وش اقول غير الحمد لله . لكن ابي اعررف وش قلب هذه الانسانة الي كرهتني في الحريم و ماقدرت ولا خافت من ربي ولا راعت لا زوج ولا غربه ولا وضعي لو كنت لوحدي كيف ممكن يكون . الله يلطف باحوالنا . انا مع مجموعة من الشباب تزوجنا بنفس الفترة و مشاء الله الي معاه ولد والي بنت والي من مدينة الي ثانية يتمشون و انا جالس اتذكر اني وعدتها بالسفر للمدينة الفلانية و الفلانية و الشاطئ الفلاني و و و و الخ اجد نفسي لا استطيع السفر لاني باختصار لوحدي

انا اشكركم جميعا والله لا يحرمنا من الطيبين امثالكم
واخي البليغ انا سابدا افكر بالرياضة و اشغل نفسي فيها لين بفرجها ربك
و اختي صرخة حب ان شاء الله احاول اطبق الي تقولين .
اختي سنا نجمة مشكورة
اختي سيدة الموقف مشكورة
أختي forgive me الله لا يحرمك الاجر موضوع الزواج صعب علي جدا انا نفسيا ماااااااااا اقدر اتزوج
أختيt.lamia مشكورة والله يسمع منك