المشاركة الأصلية كتبت بواسطة ~ أمل ~

والله شوف بصراحه انت استفزازي ما ادري هو اسلوبك كذا والا هو برودك يخلي الواحد يشد معك بالكلام
الحين انا باقول لك كلمه على لساني ولسان اغلب النساء واتمنى ما يضايقك كلامي واللي ابغا اقوله هو والله العظيم اني افضل اعيش عزباء طول عمري ولا اني ارتبط بإنسان يخليني اتعلق فيه واحبه والقى عنده الامان ويصير بيننا عيال واخدمه واخدمهم لين يشيب راسي
ويكون نهاية المشوار ( يتخلى عني ) ويجازيني بزواجه من حرمه ثانيه والله شيء ما تقدر الحرمه تطيقه بس انتوا الرجال ما ينشره عليكم لان عندكم الحرمه مثل السياره اذا بدت تتعب من كثر الكرف بعتوها وجبتوا سياره جديده

اصلا ً من عرفناكم وانتوا تعاملكم مع الحديد ما تعرفون احساس ورقة الانثى ولا تدرون وش معنى جرح المشاعر والله ان سويتها في انسانه حبتك وقدمت لك كل حياتها راح تجرحها جرح ما يبرأ

وبعدين بسألك الحين متأكد وواثق ان فيه بنت راح توافق عليك !! بتقول لي اللي طافهم القطار كثير
بارد عليك واقول من ترضا تبني سعادتها على تعاسة غيرها ؟ ما ترضا بالحال هذا الا وحده ما عندها احساس واللي ماعندها احساس راح تتعبك كثير

اتمنى ما تزعل من كلامي بس انا احب اتكلم بصراحه