الأخت الكريمة جوهرة العطاء بارك الله فيك أنا ما أتوقع إن كل من حط رقم سري لجواله إن ورآه شئ أنا زوجي عنده جوالين واحد مفوتر والثاني مسبق الدفع وفيه لها رمز حماية وأنا بنفسي حطيته لها لأن زوجي كل جوالاته في يد عياله ولو بكى أحد منهم زوجي مايلقى إلا الجوال يسكته فيه يعطيه إياه والطفل يجلس يلعب بالأزارير ويدقدق على أرقام زملاء أبوه ففضلت إني أحط له رمز حماية علشان لو لعبوا فيه ماينفك الخط معاهم لاكن والله إني من يوم حطيت له الرقم السري ماعمري أخذته أو فتشته من ورى ظهر زوجي ولو بغيته آخذه منه قدام عينه ولا يزعل ولايعترض وأنا عندي شريحتين واحده مفوتره والثانية مسبقة الدفع وجوالاتي
مالها أي رموز حمايه لأن عيالي مايقدروا يقربوا لها حتى لو كانت قدامهم مايجون صوبها نفسهم منفتحه على جوال أبوهم بس وكمان أنا أخاصمهم مايقدروا يلمسون جوالاتي بالنسبه لزوجي والله إن ماعمره شال جوالي وفتشه سوى في حضوري أو غيابي أحيانا لو وردني إتصال مجهول حتى وإن كان زوجي موجود عندي يقول لي ردي عليه ولو قل أدبه أعطيني إياه يمسكه زوجي و يغسل شراعه إلين يبرد ويقفل الجوال بوجهه و يسجل على هاذا الرقم إسم مزعج بحيث لو ورد منه إتصال ما عاد أرد عليه أخليه في سجل الأسماء عندي مدة شهر إذا ماعاد كرر إتصاله أمسحه من جوالي رغم إني أحيانا لما يدق عليه رقم ما أعرفه ما أرد عليه وأقول لزوجي عنه يقول لي لو كرر إتصاله على جوالك ردي عليه وشوفي وش عنده إذا كان متطفل قفلي بوجهه وإذا كررها أعطيني رقمه وأنا أتفاهم معاه
وهو كذلك لو دقت عليه إمرأة بالغلط وكررت إتصالها يعطيني جواله وأنا أتفاهم معاها.
وفي الحقيقه أنا أشوف من وجهة نظري إن إذا كانت الثقه موجوده ومتبادله بين الزوجين فما راح أحد فيهم يخفي شئ على الثاني وكل واحد يصير كتاب مفتو ح لثاني أهم شئ الثقه تكون متبادله والإبتعاد عن الشك لأن الشكوك هيه إللي تنزع الثقه من بين الأزواج وتزرع
الظن السئ في نفس كل واحد منهم و الشكوك تدمر الحياة الزوجية وتهدمها وتصيب الإنسان بمرض الوسواس والإكتئاب النفسي ومثل ماقالوا بعض الإخوان والأخوات بأنه يمكن الزو ج حط رقم سري علشان يحافظ على أسرار حياته مثل أرقام أهل بيته ورسايلهم وصورهم ومعلومات حساباته البنكيه فشئ أ كيد إنه بيحط رقم سري للحفاظ على الخصوصية من بعض المتطفلين من بعض الزملاء فالمشكله ليست في وضع الرقم السري المشكله في إخفاء الرقم السري عن زوجته شريكة حياته
مايعلمها برقم جواله السري هنا الزوجة يتسرب الشك إلى نفسها في زوجها وقد تظن به ظن السؤ ويلعب الوسواس في راسها وتقوم تفتش أغراضه وسؤال وجواب عاد حنا الحريم لو أشتغلت الحاسه السادسه عندنا ماعاد نطلع إلا بنتيجه سلبيه وإلا إيجابيه أهم شئ تتبع أساليب المحقق كونان ندور على الأدله حتى تحت شماغه وطاقيته أهم شئ نلقى أدله علشان ندينه بها وقت التحقيقات .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله