::
أختي الله يهديك
الزواج قسمة ونصيب وحطي نفسك مكان أختك
وجاها عريس هل تبغيها ترده عشانك؟؟
طيب لنفرض أنها ردت العريس وكل عريس يتقدم ترده
مداره ومرآعاة لكِ
راح تجلسو الثنتين بدون زواج وراح يأخذو الناس فكرة أن
هالبيت يردون العرسان ويبدأ القيل والقال حتى أنتِ راح
يتركوك الناس ومايفكروا فيكِ لأنهم راح يقولوا أكيد مثل
أختها ماتبغى الزواج أو فيهم شيء مخليهم يرفضون الزواج

::
حبيبتي خذيها قاعدة
لما تنخطب وحدة من البنات وتتزوج ولها خوات
سبحان الله تفتح باب الزواج للأخريات ويبدأ الناس
ينتبهوا أن هالبيت فيه بنات وينخطبوا ويتزوجو ورى بعض
::
بنات خالتي أربع أنخطبت الصغيرة قبل الكبيرة
وبعد زواجها أنخطبت في حفلة العرس الأخت الكبيرة
شافوها الناس بالعرس وعجبتهم وأنخطبت إلي بعدها
وهكذا
وكنا نضحك ونقول فلانه فتحت لكم الدرب
::
بكره بإذن الله بزواج أختك لما يشوفوكِ الناس ويشوفوا
فرحتك لأختك ونفسيتك الحلوة وطيبتك راح تنخطبي
::
أبعدي هالأفكار السوداء وهالأنانية وحبي لأختك ماتحبي
لنفسك

وأختك تحبك ومراعيتك ولو هي ماتحبك كان جاتك وقالتها
بوجهك
أختي أنتم سند لبعض ومالكم بالدنيا بعد الله إلا بعض
بكره بعد عمر طويل لما أمك وأبوك يغيبوا من لك غير
أختك ..؟!
والناس ماراح تنتقدك لأنه عادي جداً تنخطب الصغيرة
قبل الكبيرة وماهو شرط بالدور هذه قسمة وهذا قدر
::
الله يرزقك بالزوج الصالح
::
وصفي النية لأنه على نياتكم ترزقون::