المشاركة الأصلية كتبت بواسطة بش بش%

اهلا وسهلا فيك اخوي انا متابعة مشكلتك من الاول ودايما ارجع لموضوعك الاول منتظرة اخبارك لكن لك فترة مختفي ووالله العظيم اني اتمنى لك السعادة وراحة البال وعالعموم حاسرد لك قصة شخص انا اعرفه وحاحاول اختصرها >>>>>> هذا الشاب تزوج ثلاث مرات الزوجة الاولى هي اجمل زوجاته وانيقة وجذابة وله منها ولد تزوجها عن حب لدرجة انه حصلت مشاكل كثيرة بين العائلتين عشان يتزوجها لدرجة انه عاشرها وحملت منه عشان يجبرهم على الزواج وبعد كذا سنة اكتشف انها تكلم شباب وعلى الرغم من انه ضربها لكن ما قدر يطلقها من شدة حبه فيها لكن اهله خلوه يطلقها غصب وبعدها دخل في حالة نفسية شديدة جلس فترة وبعدها تزوج الزوجة الثانية مافيها ذرة جمال وما عندها ذوق في اللبس لدرجة انه الناس كانو يقولو على ايش خطبتوها ؟؟ عاش معاها فترة وبعدها طلبت الطلاق لانها ما حبته ووضعه المادي ضعيف بعدها تزوج الثالثة جمالها متوسط طيبة على نياتها من منطقة ريفية لكن مرتبة في لبسها وفيها اناقة ربة بيت ممتازة نظيفة ومحترمة ومطيعة لزوجها وهذي اللي باقية معاه الى الان>>>>>>>بعد هذا كله لما سألوه مين اكثر وحدة تحبها عارف ايش قال طليقتي الثانية
الشاهد من الكلام انه مو ضروري لانك متعلق فيها تحسب انك مارح تنساها ولا رح تقدرتحب غيرها انا ما احرضك على الزواج لا والله انا اكثر انسانة اكره تشتت الاطفال لكن انا اشوف انك ما قصرت معاهم يعني ايش باقي تسوي تقدسهم ولا تسوي لهم تمثال تعظيم لهم!!!!!!!! من رايي خلاص لاتراجعها واعطي نفسك فترة نقاهة الى ان تستقر نفسيا حتى لوامتدت هذه الفترة الى سنة وبعدها حاول معها محاولة اخيرة ان رجعت كا ن بها واذا رفضت تزوج والله يبارك لك