أهلا وسهلا بالغاليه أم هشام وجهت نظرك نتقبلها بصدر رحب وفعلا المشكلة ليست في قيادة المرأة للسياره والمرأة عندنا تقود السياره في البوادي لتجلب لأهلها الماء من الأبار وتجمع الحطب لبيتها وهاذا مسمو ح لها من فترة قديمه
لاكن القيادة في شوار ع المدن صعبه وليست المدينه مثل الباديه المدينه كبيره ومكتظه بالسكان والمرأة ستتعرض لمضايقات عده لو قادت فيها السيارة لاكن في الباديه المرأة تقود السياره لأماكن قريبه من خيمة أهلهالاتتعدى الكيلو أو إثنين كيلو لو بعدت ماتتجاوز خمسة كيلو مترات وتقود سيارتها في أرض فضاء ماعندها أحد يضايقها وكل سكان الباديه متعودين يشوفون نسائهم يسوقون فما راح يضايقونهم في البر لاكن عندنا في المدن كل سيارة لازقه بظهر الثانيه والشوار ع ضيقه ووقوف متكرر عند الإشارات و بعض الشباب الله يهديهم و يصلحهم مايصدقون يشوفون طرف بنت تمشي لحالها على رجولها مابالك لو شافوها تسوق سيارتها والله ما غير يحدونها بسياريرهم حتى توقف لو يضطروا يصدمونها بس صدمه خفيفه علشان توقف كله بس يبغون يناظرونها حتى لو كان عمرها 70 سنة وهي منقبه والله ماغير
تتعرض للمضايقات من بعض الناس بعدين إذا الرجال ما إحترموا بعضهم بالشار ع وهما يسوقون سياراتهم إذا الواحد تجاوز الثاني أو دق عليه بوري يوقفون سياراتهم ونزلوا بالعقل يتضاربون وتسمعينهم يتلفظون على بعض بأخس الألفاظ طيب الحرمه لو صدرمنها أي خطأ في أثناء قيادتها وهي بالشارع لوحدها وقابلها شخص من ذولي الهمجين وتلفظ عليها وسبها ويمكن حتى ينز ع حجابها قدام الناس وش بتسوي تشتكي عليه طيب وأشتكت وعاقبوه يومين وطلع من التوقيف وش كسبت من ورى قيادتها لسيارة غير الفضائح قدام الناس والمشاكل
نحن في بلدنا نحتاج قبل ما تقود المرأة السيارة نحتاج إلى توعيه لمجتمعنا ووضع ضوابط وشروط لقيادة المرأة للسيارة وإصدار قرارات بأشد العقوبات على من يخالف تلك الضوابط والشروط وأنا أشوف إن المرأة عندنا عايشه كملكة على عرشها مايحتاج ترو ح تبهذل نفسها بالشارع إذا كان عندها من يخدمها ويقوم برعايتها بالنسبه لنساء إللي ماعندها أحد يخدمها مافيه مشكله الجمعية الخيرية توفر لهم باصات على حساب الدوله توديهم وتجيبهم وكل وحده تروح تسجل بياناتها بالجمعيه ويعطونها رقم تتصل عليه لو بغت ترو ح لأي مشوار يجيها سواق الباص إلين بيتها وتقضي إحتياجاتها ويرجعها لبيتها ولو عندها عيال صغار كمان تاخذهم معاها والدوله قادره على توفير هاذي الخدمه للأرامل والمطلقات وكبار السن ماراح يعجزها لو قدمت هالخدمات مثلها مثل الضمان الإجتماعي
وتسديد الفواتير إللي تسددها والمؤنة إللي توزعها باقي يجيبون لهم باصات نقل ويجيبون لهم سواقين يكونون في خدمتهم متى ماطلبوهم لمشاو يرهم ذولي فئات يستحقون الرعاية والإهتمام
لاكن لو سمحوا لها بقيادة السيارة وصارت معاها مشكلة بالشار ع وهيه تقود سيارتها مثلا صدمت سيارة أو دعمت واحد لقدر الله طيب ماهيه بتتحاسب بغلطها و يطالبونها بولي أمرها
وإذا جلست بالتوقيف وعندها عيال أطفال من بيهتم فيهم ويرعاهم في أثناء غيابها عنهم هاذا هو الضرر الأكبر إللي راح تتعرض له هاذي الأرملة أو المطلقة أو اليتيمة وإذا ماكان عندها أحد يقوم بخدمتها من أهلها كيف عاد بتلاقي أحد يكفلها و يطلعها من السجن حتى لوعندها قريب من بعيد راح يجي يطلعها بس بعد ما تتمرمط مرمطه في السجن .

وأخيرا يا أم هشام تشرفت بمروك العطر والطيب وإبداء رأيك في موضوعي وجزاك الله خير وتسلمين يالغلا .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

قياده المرأه للسياره حاصله لامحاله بأذن الله هي مسأله وقت فقط....الزمن تطور وتغير وتغيرت معه المفاهيم واحتياجات العصر ويجب مسايرة هالتغيريات ومواكبتها بالطريقه الي تناسبني وتخدم بيئتي ومجتمعي...انا اتعجب الرفض المطلق للفكره من اساسها وبالمقابل تثور ثائرتي ويستفزني اسلوب البعض في طرح هالموضوع واصراهم عليه وجعله اكبر همهم!! وتصوير قياده المراه للسياره على انها قمة طموح المرأه السعوديه....اغضبني المقطع الي ظهرت فيه احد النساء تقود سيارتها بنفسها بشوارع الخبر متحديّه للدوله وسيادتها وقانوها!!!انتي في دوله مجبررره لااامخيّره على احترام انظمتها وتشريعاتها عندك اعتراض عندك وجهة نظر مخالفه بأمكانك طرحها بأسلوب راقي ومحترم وصوتك بياصل وبينسمع....موضوع قياده المرأه السعوديه شأن داخلي استغرب كيف تحول لموضوع عالمي ويناقش ويطرح في برامج خارجيه اوروبيه وامريكيه وغيرها!!!!!!!!
بيجي يوم بقود فيه سيارتي واذا مو انا فبنتي بتقود سيارتها لكن الموضوع محتاج لوقت مناسب للبدء فيه محتاج لظروف مهيئه كي ينجح كمشروع يخدم البلد وابناءه من تهيئه للطرق وتكثيف برامج تنشر ثقافه السواقه وتعليمها للجنسين وغيره وغيره من الامور الي يجب العمل بها قبل السماح بقيادة المرأه بصوره عشوائيه وفوضويه كمايريدها البعض....انا احترم دولتي واعتز بانتمائي لها وتشريعها وقانونها يمشي علي وانا راضيه حتى وان خالف هواي ومعتقدي الشخصي......المصلحه المترتبه على قياده المرأه للسياره اكبر من المفسده خاااصة اذا الموضوع ادير بصوره منظمه ووضع له ضوابط وشروووط صااارمه تمشي عالكل......احترمك ام سلطان واقدر كل حرف كتبتيه وان كنت اخالفك في الرأي واعترض عالطرح...

__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه

مرحبا بك أختي الفاضله وأنا أيضا أحترمك وأقدر هاذا الوعي الناضج لديك بارك الله فيك وحياك الله وأتشرف بنصايحك والإختلاف في وجهات النظر لايفسد للود قضيه وهاذي وجهة نظرك وأنا أحترمها وأقدرها بارك الله فيك والله يجزاك خير .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله