27-05-2011, 08:51 AM
|
المشاركة الأصلية كتبت بواسطة Crestalla
عادي ..
ردة فعلك طبيعيه وفيها كثير خوف وبنيتي عليها كثير سيناريوهات هذا شيء طبيعي لاي شيء جديد يدخل المجتمع بالضبط مثل ما حصل في قضية تعليم البنات زمان وعند دخول الراديو والتلفزيون واخيرا الكاميرا الجوال والانترنت.. لاننا مجتمع نخاف التغيير لاننا مجتمع نشك في طريقة تربيتنا باولادنا ونشك باخلاقهم لاننا مجتمع احيانا نكذب ونصدق كذبتنا (مثال الدره المكنونه) اي دره واي مكنونه وهي تتشحت اخوانها عشان احد يوصلها ولا تترجى زوجها يطلع من الاستراحه عشان يوديها المستشفى ولا تركب مع سائقين لحالها والله اعلم من اي بيئه جاي والادهى والامر اننا مجتمع يثق في السائق الاسيوي اللي مانعرف من اي غرزه جاي ولا ايش دينه اكثر من ثقتنا ببنتنا او ولدنا اللي ربيناه.. كل التبريرات اللي قلتوها حلها واحد (العقاب الرادع) فبه مثل اسمه من امن العقاب ساء الادب اذا العقاب شمل القاصي والداني ويشمل البنات والاولاد ان شاء الله مارح يكون هناك مشكله الا ما ندر هنا وهناك.. هذي جزء من مقالة الكاتب خلف الحربي اعجبتني حبيت انك تطلعي عليها ((من حق أي شخص معارضة قيادة المرأة للسيارة ولكن ليس من حقه فرض وجهة نظره على سائر أفراد المجتمع، بإمكانه أن ينام على الجنب الذي يريحه دون أن يقلق الآخرين، وعليه أن لا ينشغل كثيرا بالحوادث التي يمكن أن تنشأ في حال السماح للمرأة بقيادة السيارة لأننا لسنا في غابة بل في دولة يحكمها القانون، وأن لا يقلق كثيرا من تحرشات الشباب بالنساء اللواتي يقدن السيارات لأنه بهذه الطريقة ينظر إلى شبابنا المسلم الذي تلقى العلوم الشرعية منذ نعومة أظفاره بأنه أكثر سوءا وأقل أدبا من شباب العالم أجمع !. )) |
27-05-2011, 09:20 AM
|
المشاركة الأصلية كتبت بواسطة روح الطير
كلامك بنت الحكمي برضو منطقي ، لكن نظرتي للموضوع كنظرة
شاطئ المحبة و الحبيبة جرين و كريستالا ^_^ كفوا و وفوا ماشاء الله ..  |
27-05-2011, 09:47 AM
27-05-2011, 10:14 AM
|
المشاركة الأصلية كتبت بواسطة اصعب حكاية
موضوعك حلو للنقاش اختي ام سلطان ..
حياك الله وتفضلي مع قيااده المرأءة للسياارة وان شاء الله القرار يصدر عن قريب ... يا اختي الناس احوالهم تختلف عن بعض.. على سبيل المثال خليني اتكلم عن عايلتنا .. انا وامي نسكن في بيت واحد ولآ يووجد من يلبي طلباتنا ,بتقولي اخوان ..كل لآهي بشغله وكل واحد عنده مسؤليته,ومع انه المفروض انهم يقومو بواجباتهم ولا هم مقصرين,لكن كل واحد وظيفته بديرة الي بالجبيل والي بالقصيم والي ببريطانيا ,امي اكثر من 3 مواعيد للمستشفى تروح عليها بهذا السبب ,,, وعندك اختي مطلقة وعندها 6 ابناء والحمد لله موظفة لكن شوفي معاناتها في المواصلات والمشاوير وتوصيل عيالها, بتقولي سوااق,طيب هذا السواق هل هو مضمون على طفل في الرووضة؟؟ ولا بنت في المرحله المتوسطه؟؟ واذا مرض احد من عيالها رااحت تحوس تدور ليموزين اخر الليل,, أتفق معاك في هاذي النقاط بارك الله فيك وهاذي من الضروريات إللي نحتاج فيها أن المرأة تقود سيارتها بنفسها وبعدين كل الناس تسوق حتى الدول الفقيرة والي يكون فيها الامن غير موجود حريمهم يسوقون وامورهم مااشية تماام,, صدقتي يا أختي في بعض الدول الفقيره الحريم يسوقون لاكن ما فيه أحد يطاردها ويتحرش فيها يبي يرقمها عندنا لو الواحد يوقف عند الإشاره ومعه عائله تلاقي اللي جنبه يقدم سيارته علشان يناظر في الحريم إللي بالسياره وأنت تقدم لقدام وهو يقدم وراك طبعا قدام السماح بالتضليل لاكن الحين خفت هاذي الظاهره بعد ما الناس ظللت سياراتها طيب إذا البعض ما أحترم العائله ومحرمها معاها كيف بيحترمها وهي تسوق لحالها سبحان الله حنا مازلنا متقوقعين بفكر ان العلماانيين والليبرليين ورااء كل هذا وانهم اليد العاابثة الي تبي تهدم هذا البلد ,, أيوه هما إللي بيعبثوا بالبلد لأنهم هما من يطالبون بالإختلاط في الجامعات والكليات والمدارس وهما من يطالبون بحرية المرأة والمساواة وكأنا إشتكينا عليهم ما احب اطول بالردود لكن الملخص لما قلت.. ليس كل النااس مثل احوالكم عندهم اب او اخ او اقاارب يقومون بهم, والشي الثااني نشيل من بالنا ان كل شي وراه الليبرالين واتباعهم لأنهم في الوااقع ماطقو لنا خبر ههههه ما أتوقع إنهم ماطقوا لنا خبر إلا طاقين ولهم دسائس تحاك في الخفاء وأكثرها ضد المرأة وحجاب المرأة المسلمه وانا الحمد لله مستعده للقيااده لأني اعرف اسووق ,عندنا سيارة لكن باقي لي الرخصة وان شاء الله عن قريب اخذهاا  كلنا مستعدين بس منتظرين الفتوى تصدر من هيئة كبار العلماء والقرار يصدر من الدوله الله يعجل لنا بالفرج يااااااااااااااااااااااااااااااااا رب,, |
27-05-2011, 10:24 AM
|
المشاركة الأصلية كتبت بواسطة colors
صحيح قيادة السيارة مو ضرورية للجميع
لكن فيه حالات يا بنت الحلال شفناها فعلا الأب والاخوان ساحبين على أهلهم ولا كأنهم تحت ولايتهم وحتى لو فيه عم ولا خال مو دايما قريبين ولا ملزومين فيهم بوجود زوج ولا اب ولا ابن هذا بغض النظر عن الناس اللي ما عندهم أب ولا أخ ولا زوج وغير ظروف سفر بعض الأزواج أو الآباء أو الاخوان لأعمالهم مشكلتنا غير انه بيكون شيء جديد على المجتمع المسافات البعيدة بين المناطق وقلة الوعي بثقافة القيادة بعض اللي عندنا أستغرب كيف معطينهم رخص الشوارع مخالفات مرورية كثيرة ومرات قدام المرور هذا غير الهجولة في الشوارع من بعض الشباب بغير سبب ويمكن مع قيادة المرأة بتزدحم الشوارع على غير سنع فوق ما هي زحمة أساسا في المدن الرئيسية قريباتي في دول الخليج يسوقون ولا عليهم وما قد تعرضوا لمشاكل بفضل الله ربما مشاكل بعضهم من نوع اتكالية الزوج أو الأب عليهم في كل شيء مشاوير المدارس والمستشفيات ومقاضي البيت وكل شيء أما تحرشات ونزع حياء ونزع حجاب مافي الحمد لله ولفلفة في الشوارع ما عندهم تقضي أشغالها وترجع مو من حبهم لأنه شيء عادي ووالفين عليه بنظري تعلم القيادة أمر ضروري أنا شخصيا وقت نسافر وزوجي بالسيارة ويتأخرالوقت علينا تجي زوجي حالات نوم ويرجرج فينا السيارة ومرات يوقف على جنب الطريق والمكان يروع في قطعة ما في محطات قريبة ولا الشوارع مضاءة فدايما أقوله علمني أسوق تمام لحالات الضرورة لا قدر الله أو حتى أكمل الطريق وانت نايم بدل الوقفه في مكان يروع غير إننا نضيع وقت هذا غير إننا في مدينة مافيها من أهلنا لو صار عنده شغل ولا شيء وتعب أحد من العيال ولا صار حادث مفاجيء فأقرب شيء اتصل على الجيران لو عندي سيارة خذتهم على طول من غير أزعج أحد واربطهم فيني لكن تبقى قيادة المرأة لو طبقت عندنا شيء جديد على المجتمع وكلش بيتأزم لازم تنحط خطط وعقوبات وتنظيم واضح بس انه الموضوع صاير قضية من قضايا العالم ماله داعي وحركات البعض إلا تسوق غصب وتصور روحها بعد مالها داعي جزاك الله خيرا على حرصك |
27-05-2011, 10:50 AM
|
المشاركة الأصلية كتبت بواسطة شقر55ديه
[COLOR="Teal"]
1/6  الغاليه ام سلطان 00كثروا المؤيدين 00 وشكلنا بنفوز بسيارتك ** نروح نفحط او انطعس عليها انا و احلاهم وكرستالا  |
27-05-2011, 10:54 AM
27-05-2011, 11:24 AM
|
المشاركة الأصلية كتبت بواسطة بنت الحكمي
سوسناياهلا والله وحيا الله أسفرت وأنورت وأستهلت وأمطرت من بعد هاذي الغيبه كلها معقوله والله إن لك وحشه كيف حالك وأخبارك إشتقنا لك والله وأفتقدناك يالغاليه .
|
27-05-2011, 11:57 AM
|
المشاركة الأصلية كتبت بواسطة الإبنة الصغرى
" ما أحب المواضيع الي فيها عجن ولت وإعادة للكلام "
لكن إضافة بسييييييطة : ( قرار منع قيادة المرأة للسيارة ) من صاحب هذا القرار ؟!!! و ما رؤيته للموضوع ؟!! حقيقي أتمنى أن أعرف من اين جاء به ؟!! وكيف تم تنفيذه ..؟!! قد يكون قرار قديم منذ تأسيس المملكة .. إلا أنه قرار جائر غير مدروس بتاتاً مازال يدفع ثمنه المجتمع عامة والمرأة خاصة ..! وكلما تأخر كسر هذا القرار , كلما أصبح كسره فيما بعد أكثر صعوبة .. لن نقول ان منشأ القرار الدين : الدين لم يمنع أن تقود بل كانت تقوم المرأة على شؤنها وتركب الإبل والخيل في عهد رسول الله صلى الله عليه وسلم .. " صحيح ان المجتمع في ذلك الوقت لا يقاس باليوم " ولا منشأه الأعراف والتقاليد : فالمرأة ايضاً عرفت في بعض القبائل العربية بركوب الإبل والخيل واشتهرت عدد من النساء بالفروسية ..! " سؤاال من أين جاء هذا القرار ؟؟!!! " |
27-05-2011, 12:25 PM
|
المشاركة الأصلية كتبت بواسطة أمير الحرف
سبحان الله اذا خايفين على النساء ليش ما منعوووو الابتعاااث للبنات .. ذولي طال عمرك يذهبون لتعلم وجلب العلم إلى بلدهم كالطب بجميع إختصاصاته وفي الخار ج توجد عندهم جامعات ومستشفيات ومختبرات فيها تجهيزات متقدمه لاتوجد عندنا صراحة من كثر اللت والعجن في هذا الموضوع صار متعب .. الله يرضى على تعدد الزوووجات .. |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
