أختي الفاضله ذكرى الصمت أعانك الله على ما أنتي فيه وأنا أشوف إنك تمسكي ولدك على جنب وتفهمينه إن هاذا خطأ وحرام وإن عقابه عند رب العالمين شديد وإنه هو طفل مسلم يفترض به أن يخاف الله وأنه مايرتكب مثل هاذي الأشياء
خوفيه بعذاب الله وبالنار وقولي له أنت أرسلت مقطع لصديقك تحملت إثم هاذا المقطع كل ما تم إرساله لشخص ذنب هاذا الشخص برقبتك أنتي ولدك باقي صغير وبإذن الله إنك قادره على التحكم فيه وإصلاحه وأول شئ لازم تبعدينه عن صديقه هاذا لأنه كما يظهر إن صديق ولدك له تأثير عليه من هالناحية وصديق ولدك باين عليه إنه عايش حياته بدون رقابه وإهتمام وإذا كانوا إبنك وصديقه يتبادلون هاذي المقاطع وهما بهاذا السن لو كبروا وش بيصير ياترى
وإبنك باقي صغير تقدري إنك تسجلينه في حلقات تحفيظ قران كريم بأحد المساجد إللي قريبه منكم ويتعرف فيها على رفقه صالحه وأنتي الحين خلي عقوبته هيه إبعاده عن صديقه إطلبي منه الإبتعاد عنه وإذا كانوا في صف واحد بالمدرسه حاولي تنقلينه لصف آخر وإذا كنتي تعرفي أم صديق ولدك بإمكانك تنبهينها على هاذا الموضو ع وتنصحينها بأن تنتبه لولدها وتراقبه وزوجك لازم يعرف بالموضو ع هاذا لأن كل هاذا بسببه إمسكيه وقولي له أنت السبب إللي وصلت ولدنا لهاذا الحال الحين واجب عليك إصلاح غلطتك بدون عنف لاكن لايضربه لأنه الطفل ماله ذنب كل الذنب والغلط عليه هو وأنتي لازم تتخذي موقف جاد بهاذا الشأن مع زوجك وفهميه إن ولده بكره لو مسكوه بالمدرسه ومعه مثل هالمقاطع الفاضحه يتبادلها مع أصدقائه وسألوه من وين جبتها وفين حصلتها وش بيقول لهم
مع أبوي أبوي جابها عندنا في البيت وحطها بالجهاز وأنا نسختها وش فضيحة أبوه قدام المدير والمدرسين لما يستدعونه ويقولون له ولدك يروج بالمدرسه مقاطع إباحية
وين يحط وجهه ذاك الساع زوجك لازم يحس بغلطته إللي أرتكبها بحق ولده وهاذا طفل الآن أي شئ يتلقاه أو يشوفه يعلق بذاكرته و يحب يطبقه
فإنتبهي عليه وحاولي إنك توجهينه وتنصحينه بالطريقه الصحيح خليه يثق فيك وأعطيه الأمان إفهميه بدون صراخ وعصبيه أو ضرب لأن لو أتخذتي أسلوب الضرب والعنف في هاذا الوضع راح يتأزم الوضع وماراح يثق فيك ولا راح يسمع لكلامك
وأهم شئ إنه يغير أصدقائه السابقين بأصدقاء جدد متربين على الفضيله وتسجلينه بحلقة تحفيظ للقرآن الكريم وقوي عنده الجانب الديني وأنتي بنفسك إغرسي في نفسه وقلبه مخافة الله وزيدي له من جرعات الحب والحنان العاطفي وحسسيه بثقتك فيه
وإحساسك فيه بأنه طفل صالح ويخاف الله عز وجل وجاهديه بكل ماتستطيعي لإخراج ماإختزنته ذاكرته من تلك الأمور الفاضحه حاولي إنك تفرمتي ذاكرته تارة بالترغيب بما عند الله وتارة بالترهيب بعذاب الله

نسأل الله بأن يهدي لك ولدك ويحفظه لك من كل شر وسؤ وأن يبعد عنه الفتن ماظهر منها ومابطن ونسأل الله بأن يهدي زوجك ويصلحه وأن يريه طريق الحق والصلاح وأن يرزقه التوبة عن ما يفعله عاجل غير آجل يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الف شكر لك تمعنت بكلامك وسوف اعمل جاهدة لذالك