13-06-2011, 08:19 AM
13-06-2011, 08:45 AM
13-06-2011, 09:12 AM
|
المشاركة الأصلية كتبت بواسطة haia2011
احلامي بسيطه هلا فيك
انا ابدا ترا مو مع الاخت يونا بعمل فضيحه لأسباب كثيره اهمها سمعة عيالها لكن انا استفزني انه يبي يورط بنات بكريات وانقهرت حرام عليه هذول البنات لو طاح الفاس بالراس ممكن ينذبحون بكل بساطه لكن انا قصدي ان خطتي تساعدها بالخلع والحضانه وممكن تقدمها للشيخ حتى لو بدون تدخل الهيئه يعني بدون فضايح ويتم غلق الموضوع بالمحكمه وانا ضد ان الوحده تجلس تدور على الطرف الاخر في العلاقه وهم البنات لان انا مريت بمشكله مماثله لكن اخف طبعا ورفضت التقصي ورا الحرمه اللي تعرف زوجي فعلاً انا قريت مشكلتك وعجبني طريقة تفكيرك وتعاملك مع الأمور .. الله يكملك بعقلك يعني انتي اصيله وبنفس الوقت مو متهاونه بحقك الله يقوملك اياه بالسلامة ويبعد عنكم كل شروكل مؤدي ومؤذية لكن الاخت يونا زوجها منتهي وخالص وانا اشوف الخلع هو اقرب واصلح حل |
13-06-2011, 09:17 AM
|
المشاركة الأصلية كتبت بواسطة دااانيه
اهلين ملاك يونا ..
أول شي الله يكون في عونك ويجعل لك من كل هم فرجا ومن كل ضيق مخرجا ومن كل بلاء عافيه ويحفظك ويحفظ ولدك ويحفظ اللي في بطنك إن شاءالله من كل شر .. قلوبنا معك ولا نملك لك سوا الدعاء ثاني شي .. أنا فاهمه إنك تبين تبلغين الهيئه عشان يكون معك دليل مادي على سوء أخلاق زوجك وبالتالي يكون سهل عليك ترفعين عليه قضية طلاق في المحكمة ويطلقك منه الشيخ ... لكن أنا خايفه يدري إنك انتي ورى البلاغ وهالنوع ممكن ينتقم منك بعدين أو يأذيك الله يحفظك فياليت تدرسين الموضوع زين قبل الاقدام على اي خطوه ! أما بخصوص انهم يفضحونه، الهيئه ما تفضح .. بس بيكون له ملف في وزارة الداخلية وبعدين يطلعونه وانتي بتستفيدين من الواقعه عشان اجراءات طلاقك منه تتم بسهوله بدون خلع ... أعرف وحده نفس حالتك زوجها جاب لها الأمراض وكل يوم يرجع آثار المكياج والقرف في ثيابه ورافض يطلق وامتنعت عنه فتره عشان صحتها بعد ما استشارت شيخ ولجأت لربي بالدعاء وألحت فيه وسبحان الله انمسك مع وحده وصار له ملف في الداخليه من سكات بدون فضيحه بس اخوانه وابوه وخاله دروا واخوانها هي طبعا وبعدها طلقها من الخزي قدام أهلها وكلن راح لحاله !! أنا أشوف والرأي الأخير لك طبعا .. انك تتوكلين على رب العالمين وتدعين إن ربي يخلصك منه على خير ويكتب لك مافيه صالح لك وترتبين أمورك من ناحية وظيفه تنفعك عشان تكونين مستقله مستقبلا وتزنين على اهلك في موضوع الطلاق يمكن الله يهديهم ويساعدونك ويتفاهمون معه يطلقك بالطيب ويترك لك عيالك تربينهم ويعيش هو حياة الضلال اللي هو فيها ... أما إن كنتي تبين دليل ملموس وهو إن الهيئه تمسكه يبي لك تنتبهين زي ما قلتلك بحيث إنه مايعرف إنك انتي اللي ورا البلاغ وتراقبينه وتتأكدين انه بيروح لأحد من اللي يعرفهم وتتأكدين من العنوان وتبلغينهم .. بس أعتقد صعب عليك تعرفين كل تحركاته!! وليش ما تجربين ترسلين له مسجات من رقم مجهول تذكرينه بعذاب رب العالمين وتخوفينه من اللي قاعد يسويه بأسلوب يهزه شوي ! وتذكرينه إن عنده عيال !! وإن الدنيا دواره والزاني يزنى به ولو بجداره .. وتذكرينه أن لذة ساعه تجيب له مرض ممكن يفتك فيه وتروح صحته ويخسر دنيته وآخرته .... يمكن ربي يفتح على بصيرته وقلبه ويهتدي !!! ما يندرى ؟ احتمال يكون لها وقع في نفسه ولو بعد حين خاصة لو كانت مكتوبه باسلوب كويس ... الله يكون في عونك وطمنينا عليك،،،، |
13-06-2011, 09:19 AM
|
المشاركة الأصلية كتبت بواسطة ماعدت أنا
الملاك يونا
أسأل الله جلّت قدرته أن يفرج همك ويزيح عنك ما أغمك الفاضله بالنسبة للرقم الذي اعطتك اياه المرأة لصاحب الهيئة أرجو أن تنتبهي فـ كثرة اتصالاته تريبني أختي لاتثقي بكل من يكتب في المنتديات واحذري من كثرة الأرقام فرّج الله همك ويسّر أمرك |
13-06-2011, 09:20 AM
13-06-2011, 09:23 AM
|
المشاركة الأصلية كتبت بواسطة haia2011
السلام عليكم
اختي انا عندي لك خطه ماتخرش الميه تحتاجين للخطه رقم بدون اسم ووحده تثقين فيها وبنت جدعه على قولتهم شوفي ياقلبي تروحي انتي وهو مول مثلا وتكوني متفقه مع البنت انها تحضر وترقمه يعني تعطيه رقمها اللي هو بدون اسم وتعمل علاقه معه عن طريق الجوال وتسجل عليه المكالمات وتحفظ المسجات ولو قدرت تطلبه يصور جسمه ويرسل الصور يكون افضل وياريت لو كان كل هذا من جواله اللي بأسمه الحقيقي علشان ينصاد وبعد كل هذا تتفق تتقابل معه بمكان وتتفقين مع الهيئه قبل وتمسكه ولنفترض خرجوه واكتفوا بتعهد انت وقتها يكفيك اللي صارله وبيكون معك الدليل في المحكمه اللي هو الجوال وضبط الهيئه وبكذا راح تكسبي الخلع والحضانه فانا اشوف انك تخططي مثل هالخطه او حتى تخليها تراسله بدون مقابلة المول ويمكن تستدرجه وتغريه يعني تقله انا بنت بكريه وتستهبل عليه الين ينصاد00 والله يعينك ويفرج همك وهم كل مهموم |
13-06-2011, 09:26 AM
|
المشاركة الأصلية كتبت بواسطة nan_bar
أختي روحي بيت أهلك ولاتطلعي منه وقفلي جوااالك نهائياً حيطلعوووك بالقووّة مستحيييل وقسم بالله لو قادمي كان أكلته أكل (أما شين وقوي عين). . كثري من الإستغفار الإستغفار الإستغفار على قد ماتقدري،،،،،،،،،،،،، |
13-06-2011, 09:30 AM
|
المشاركة الأصلية كتبت بواسطة أحلامي بسيطة
قلبي معاكي ..
فكرة هيا كويسة ومعقوله .. بس اتأكدي إذا الموضوع بيصفي على تعهد وورقة من الهيئة بس ولابتصير فضيحة له .. تعرفي للأسف برغم كل شي هو أبو أولادك وفضيحته من فضيحتهم والدنيا تدور والناس ماتحرم وتحب تعيب سبحان الله صدقت السيدة عائشة حين قالت الناس يعيبون ولايغيرون .. والله يغير ولايعب وانتي حبيبتي ماستحملتي كل هالسنين عشان بالأخر تنهيها بفضيحة لأولادك وخصوصاً بنتك الي جايه اسأل المولى أن يحميلك اياخ ويحفظها من كل سوء واخر اطقسي على الموضوع وأتاكدي من الإجراءات انا بصراحة مو من السعودية وماأعرف شو وضع الهيئة بالضبط بس كأني قرأت بواحد من الردود انهم يسترو ومايفضحوا وماتطلع سيرة الشب أو البنت لبره. وإذا فيها فضيحة الله يعينك وتابعي بموضوع الخلع الله يزرع الرحمة في قلب القاضي ويرزقك ربي بواحد متفهم |
13-06-2011, 09:32 AM
|
المشاركة الأصلية كتبت بواسطة أمير الحرف
الله يفرج همك أخت / الملاك
وانصحك لا تأخذي بكل ما كتب هنا لانه راح يعمل لك اضطراب فكري !!!! من كثرة الافكااار والحلول والتوجهات وووو .. الله يسهل لك امرك .. |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
