يااخي اذا كنت ترى فيها زوجة المستقبل وتحبها ليش المكابره والعناد انا اسفه لكلامي لكن انا امراه واعرف باللي تحسه انا اشوف ان الطقاقه من حقها يمكن انت تشوف انها مالها داعي لانك رجل وهذا مو مهم عندكم يالرجال لكن الحريم اهم شي وترى كلام الحريم كثير وبيجرحونها لو تقول زواجي مافيه طقاقه واقل وحده بتقولها اجل عزاء ماهو زواج وغيرها من المسخره وشماتة الحريم اللي ماتنتهي وكثير ماراح يحضرون الزواج حتى قرايبها صدقني انا قريبتي تزوجت بدون طقاقه وقليل اللي حضروا ولا من الحريم الكبار بعد والناس الباقيه عذرهم ماعندهم استعداد يضيعون وقتهم بالطفش وترى الطقاقه هي اللي تحلي الزواج وتقدر تطلب دق اسلامي بدون موسيقى وخرابيط لكن بولاشي من عذرها يااخي وهي ليلة عمرها ودها تكون كامله ولو تذكرتها ترجعلها السعاده مو تشعر بالحزن وصدقني المراه ماتنسى ليلة زواجها وشهر العسل لو بعد سنين وحتى لو عاشت مبسوطه معاك لكن شهر العسل وليله الزواج كانت سيئه بتجلس تتذكرها طول عمرها وتتحطم انها ماعاشت احساس وفرحة العروس اتمنى انك اقتنعت اخوي ولا تهدم حياتك على سبب تافه الحياه الزوجيه اكبر من كذا