حبيبتي أخوك هاذا يبغى له السجن يتأدب فيه حتى يعرف حقوق أمه وأهل بيته وأمك إذا راحت بنفسها تشتكي عليه راح يأدبوه زين إن كان مريض عالجوه وإن كان مسوي نفسه مهايطي هم يشوفوا شغلهم معاه زين مثل أخوك هاذا وش يبغى في بنات الناس يتزوجهم يبغى يعذبهم أول شئ يتوظف مثل الرجال ويعتمد على نفسه
وبعدين يتزو ج بس أهم شئ أنتي وأمك لاتسكتون له أبد وبعدين أنتي وش حقه تنتحرين أو تقتلين وتضيعين عمرك وشبابك بسبب واحد مثل هاذا حبيبتي الدنيا ماهي سايبه وفلتانه عندنا حقوق الإنسان ومراكز الشرطه والإمارة والمحاكم معبية البلد وبتاخذون حقكم من فوق مناخيره إذا كان صاحي أما إذا كان مريض فالعيادات والمستشفيات النفسية ودار الرعاية موجوده والحمدالله حنا في دوله تحكم بالحق والعدل والله لوأنا مكانك أنتي وأمك لآخذ حقي من وسط عينه ماذبح النساء وقهرهم وكسر كرامتهم وأهانها وأذلها وظلمها إلا سكوتها عن حقها السكوت والخوف عن حقوقنا هو إللي سلبناعزتنا وكرامتنا وحرمنا حقوقنا وخلا الناس الظلمه والخونه تدوس رقابنا سمعنا باللي يضرب بنته وإللي زوجته وإللي أخته هاذي تنبلع ويمكن تقدر تسامح لوكانت بسبب أخطاء تستحق عليها الضرب لاكن يضرب أمه وين حنا عايشين شئ يرفع الضغط ويطير العقل من الراس أمك ليش ساكته وموقفها سلبي لهاذي الدرجة وأختك الصغيرة وش ذنبها يمد إيده عليها وش سوت له علشان يتكلم عليها أنتي لازم تشوفي له حل أنتي وأمك إذا مد إيده على أمك أتصلوا على الشرطه خلي أقرب دورية تجي تشيله شيل لمركز الشرطه بعدين الشرطه راح تتصل على أبوك وراح يجي ولو شاف الوضع وصل لشرطه راح يستحي ويتحرك و يشوف للولد حل ويبعده عنكم معليش يا أختي بصراحه إنرفع ضغطي وأنا ما أعرفكم بس حسيت بقهر عليك وعلى أمك أ كثرشئ أنتي لمتى بتحمينها وتدافعي عنها هاذا رجل ماراح تقدري تقاوينه وتضاربينه مالك جهد فيه لازم أحد يساعدك ويوقف معاك بوجهه حتى يفيق من إللي هو فيه ونسأل الله لك العون والسداد .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

سالت مرار وتكرار هل إذا تصلت على الشرطه ياخذووونه وياخذون على توقيع فقط ...

أم يتاخذون إجرآء آخري ..يختي آخاف اتصل وياخذون توقيع عليه ويرجع يطلع لنا عيوووننا ...


انا آبغي اتاكد ماذا تفعل مع الشرطه إذا إتصلت عليها ..إن كان سيتاخذون مع إجراء آخري والله ساتصل


لكن بعد ان آستنفد كل الحلول حتي لا آلوم نفسي ولاآشعر باني ظلمته ...

شكرآ لك ع مشاعرك الطيبه لا آراك المولى مكروووه