انا اجاوبك انا اعرف نسا كثير مطلقات في الابدايه يكون الامر صعب مهما كان بينهم عشره وبعدين مع الايام تنساه والله اعرف واحده تقولي نسيت حتى شكله ربنا يجبر كسر المطلقه ويساعدها على النسيان وفي حريم ما تقدر تنسى طليقها بسهوله وبذات اذا حصل الطلاق غصب عنها وترفض الزواج وتعيش على الذكرى وفي حريم اول ما تنخطب تنسى طليقها وتنسى كل شي عنه ولا كانه كان موجود من الاساس وسلامتكم وضحه الفكره
وعن تجربتي الشخصيه كنت اموت في طليقي وبعد ما طلقني حبيت طليقي اكثر من اول ومع الايام عرفت ان الخيره فيما اختاره الله وان الحياة راح تمشي سواء رضينا ام ابينا ورجعت لطبيعتي وصرت راضي بنصيبي وسلا متكم

__________________

يَا ذِكْرَيَاتِ الصِّبَا عُودِي لِذاكِرَتِي

فَقَدْ يَجِدٌّ إِلَى لُقْيَاهُمُ أَمَلُ

سبب الطلا ق وما ادراك ماسبب الطلاق تعددت الاسباب والموت واحد
انا كنت احب طليقي وهو قريبي اختارني من بين البنات كلهم زوجه له وكانت الخمس سنين الاولى من حياتي اجمل سنين عمري وكنت ادرس في المدرسه وبعدين اتخرجت وجا تعيني وافق زوجي على تعين صار يزورني بين فتره والثانيه وانا نفس الحكايه اجيه في الاجازات واحيانا افاجئه بالزيارات ومره دخل مشروع وخسر كل فلوسه وكان مدخل معاه ناس وكتب على نفسو شيكات وورط الرجال والناس يبغو حقوقهم والله وقفت معاه وبعت ذهبي ورحت البنك وطلعت قرض واعطى الرجال بس برضو ما كفت قام قلي طليعي سياره ونبيعاه قلت ابشر با ابو فلان من عيوني واسوي زي ما قلي كان يبقى من راتبي بس 300 ادبر نفسي بيها الى اخر الشهر وكان اهلي دايما يسئلو فين فلوسك وانا اقول احوش والله لو تعرفو كم في حسابي تنصدمو يعني حركه عشان اهلي ما يسئلو عن الفلوس لان حالي تغير كاني وحده فقيره وفي يوم من اتلايام جا اخويه يبغى فلوس قلت ماعندي خرج من بيتي زعلان رجعت دقيت عليه وشرحت ضروفي سمعني زوجي زعل وقال انت فضحتيني عند اهلك ورمي عليه طلقه وانا باقيلي 15 يوم واخلص العده واصبحت امراءة مطلقه ومديونه وفي رقبتي طفلين لانطليقي طلقني انا ولا طفال

أولا: جزاك الله خير على مشاركاتك المفيدة جداً
ثانياً: يا اخوان ويا اخوات لاتقولون هذا يعتمد على حسن اختيارك حتى لو أخترت أفضل امرأة في الوجود هي بشر مثلنا قلبها لحم ودم ما تقدر تتحكم فيه حتى الله عذر رسولنا عليه الصلاة والسلام
والرجال أجمعين في المحبة القلبية عند التعدد لأن هذا شئ لايملكه الشخص نفسه والقلوب بين أصبعين من أصابع الرحمن يقلبهما كيف يشاء

أنت من جدك ولا تمزحين
وقفتي معاه وقفة ما يوقفونها الرجال وعشان زلة بسيطة منك طلقك والله راحوا الرجال
حسبي الله ونعم الوكيل تذكري قوله تعالى ((ولنبلونكم بشئ من الخوف والجوع ونقص من الأموال والأنفس والثمرات وبشر الصابرين ـــــــــ الذين إذا أصابتهم مصيبة قالوا إنا لله وإنا إليه راجعون أولئك عليهم صلوات من ربهم ورحمة وأولئك هم المهتدون))
وصدقيني أي شئ تسوينه في الدنيا سواء خير ولا شر بتحصلينه يوم القيامة والله ما يضيع أجر الصابرين

دمعت عيني وانا اقرا ردك غصب عني وصدقني انا ما امزح واغلب المدرسات زي وضعي وعارفه ان الي صرلي خير لي وانشاء الله اذا تجاوزت الازمه يمكن اقدر افضفض في اشياء كتير ولا تنسونا من دعواتكم

.........

........

أقول لكل من شارك في مشكلتي بيض الله وجيهكم كل واحد باسمه وأخص بالذكر القائد المغوار
أبو فيصل جزاه الله عنا كل خير واسأل الله أن يجزيكم الفردوس الأعلى من الجنة وأن يحقق لكم ما
تتمنون في الدنيا والآخرة وجميع المسلمين
ولا تبخلون علينا بالمزيد من النصائح في كيفية تهدئة الوالدة والرأي العام عند الأهل والأقارب لأن هذا بيكون أول زواج لي
والإخوة الأخوات المعارضين للزواج من المطلقة ياليت يعطوني خبراتهم وتجاربهم لأني ما أستغني
عنها جزاهم الله كل خير