اخي صاحب الموضوع
اهنئك على غيرتك وعلى قوتك في الدين بارك الله فيك ورزقك خير الدنيا والاخره

اولا كما تفضلت احدى الاخوات اخذت مساله عباءه الراس والكتف عناد وهي من ابسط حقوقك اخشى ان تاخذ مسائل الاخرى عناد ايضا اذا رأت منك الانصياع في النهايه
الحل
اولا بما انها تخاف الله فهذه نقطه مهمه وايجابيه في ايجاد الحل بسهوله والامر لا يستدعي الطلاق بأذن الله
قل لها لن تخرجي من بيتي تمشيه او سفره او اي شي وانتي لابسه تلك العباءه واجلسي في البيت ليس من واجب الزوج اخراج زوجته لذالك اكرميني اكرمك و اذا خرجتي من غير اذني تلعنك الملائكه
اسال الله لك التوفيق والسداد

اتقو الله يامن تحرضون الرجل على زوجته وتقترحون الطلاق عليه لأنه فقط تلبس عباية كتف وجعلتوا من رفضها جريمه تستحق الطلاق انظروا الي مجمل اخلاق البنت تجدوها تستحق التضحيه ففيها الخير الكثير بشهاده الرجل فهي لم تفعل حرام بلبس عباية الكتف فهي جائزه ولو تنازل فهذه حياة زوجيه تجب فيها التضحيه اذا رفض الطرف الاخرأما العناد فسيؤدي للفشل ولو الكل أخذوا بمبدأ العناد وعدم التضحيه وهي لم تسمع كلامي لوجدت ثلاثة ارباع الأزواج مطلقين أخشى يامن أشرتم عليه بالطلاق أو حرضتموه أن يصيبكم أثم لو طلقها

التأني والتأني ثم التأني

عناد وطلاق !! يالله هالكلمه صار تردديها مثل روية الماء
اخوي لاتفكر انها بسالفه العبايه انها ممكن بالمستقبل تفرض رايها وتعند وتلمح لك بالطلاق بكل موضوع
بس هي عرضت نماذج تعايشت معها وحبت تبين لك الصوره في نقاشاتكم المتباعده ومو قصدها التهديد


بس بسالك
انت شفت شكلها بالعبايه اللي ع الكتف ؟ انا متفهمه موقفك ونظرتك للهالنقطه بس شكلها ملفت؟
غير كذا انت لاحظت مسألة العناد المتزمت متخلل نقاشاتكم الثانيه غير مسأله العبايه ؟ وتحاول تدخل نماذج ناس تطلقوا وتلمح افهم يافهيم ؟

معليش انا ضد ومو معناه اصرارها انها ممكن تكمل بعد زواجك ع هالمنوال لان طبيعي بتتغير اشياء فيك وفيها فلا تقدم النظره السيئه ع الزينه والايجابيه بدليل شهادتك للبنت باخلاقها

اعرف وحده كانت تشتغل وخطبها واحد يقرب لها من بعيد وهو يبيها وكانت رافضه تترك العمل ويحاول وقت الملكه انها تدرس عادي
بس شغل لا والف لا وانها بيسلمها مبلغ وقدره مقارب لراتبها وهي قالت شغلي وما اخليه لو ايش وسجلت هالشي بالعقد ابد سنه و ست شهور بعد زواجها الا وهي مستقيله !! والبعض قعد يضحك عليها غيرتي كلامك ومنتي قده و و و ردت عليهم يوم استقلت استقلت بقناعه هو صبر علي لين ما اقنعي يوم اقتنعت تغيرت نظرتي وهو مو مقصر علي بشي وهذي هي الحين تكمل ماستر والله يوفقها

لاحظ اخوي انا ماذكرتها الا ابين لك ان فيه اشياء قابله للتغيير مع الوقت من دون خساير تذكر
وانت الاكيد انك بتأيدني عليها لانك سبق و قلت لها من خلال نقاشك معها

اقتباس:

هذي عاده وليس طبع بالانسان صعب انه يغيره

يعني انت عط نفسك فرصه ليه الطلاق! والبنت مشهود باخلاقها حرام تخسرها
علشان
عبايه!! وللان حاطه ببالي عباتها ساتره بغض النظر عن انها اقنعتك بحجتها او لا
من جد قهر لانك من جد تمدحها بكل شي !
فهذي ان شالله بتحفظ سرك , بيتك , غيابك, حتى كلمتك اللي انت شاك ومبيت النيه السيئه انت وبعض الاعضاء انها ممكن تعاند و و وتمشي كلامها على كلامك في كل شي بعدين !

سؤال للاعضاء اللي يقولون طلق ؟
البنت وش اللي فيها شي ينعاف ويستدعي الطلاق؟ عبايه وعناد ؟ علشان توقعات وسلوكيات متوقعه منها مستقبليا! احسنوا الظن ولو لاحظتوا هو بالاخير عنّد وحط براسه الطلاق !
العناد في اغلب الاشخاص بس تتفاوت نسبته من شخص للثاني في حدته وما أتوقع زوجته من الشخصيات حادة العناد و اللي تفرض رايها والا كان تذمر من سوالفها ونقاشاتها الثانيه معه ؟ ونا ماشفت هالشي علشان
يطلق

اخوي انت لا تكرر الموضوع معها بهالفتره علشان ماتشحن نفسك بشي ضدها اكثر لان من خلال نقاشكم
بديت تفكر بكلامها وتحلله بمبالغه والشيطان شاطر وبدى يشين نظرتك لها ويقربك اكثر لطلاقها


تذكرت سالفه قيلت لي وحبيت اضيفها من باب الاستفاده
يوم كنت بالثانوي كانت لي زميله الله يذكرها بالخير تتذمر من تصرف ابوها كل جمعه معها ومع اخوانها
ابوووها كان مولع بالثقاافه وكان يتبع معاهم هالشي من هم صغار كان لازم كل جمعه يجيب لهم
كتب كلن ع حسب عمره واستيعابه وكان يجبرهم ع القراءه لان نهايه االيوم يسالهم عن المقتطفات اللي خلصوها
الشاهد حدّهم من جميع الجهات بس والله انهم الحين من المثقفين وكل ماتذكروه يدعون له


لا تزوجتها اشتر لها عبايه وقلها اتمني عيني تشوفك فيها وخلها بالدولاب وبعد فتره حدها عليها
الطرق وش كثرها لو تكب كلوركس يقلب لونها وخلها تمسك معك طلعه وتمشيه ذاك اليوم

الله يهديكم ان شاءالله

الله يعينك ان شاءالله
كان لازم تسأل عن العبايه من البدايه
انت عارف انا تقدملي رجل متدين واخبرناه ان عبايتي عالكتف وقال عادي انا مو متشدد واذا قال لا ابي عالراس برضه عادي هالاشياء ثانويه المفروض مانقف عندها

انت يا انك تتنازل يا هي تتنازل واذا كانت عاقله وتبي تحافظ على زوجها وبيتها تنفذ طلبك وعاد اشوفها عاديه انها تغيير بس الله ييسر امرك

__________________
حسبي الله لا اله الا هو عليه توكلت وهو رب العرش العظيم

الله يهديها ويصلح بالها يارب انا من رئيي لا تستعجل بطلاق عشان سبب زي كذا البنت فيها خير بس
بنفس الوقت فيها عناد وغرور شوي صدقني بعد الزواج راح تتغير وراح تشوف اعرف كثير بنات واختي من ضمنهم كانت تلبس عبايه عل كتف وبعد رفض زوجها غيرت ولبست عبايه عل راس
الله يهديها ويصلحها لك ويديم عليكم السعاده يارب

هداك الله لا تشدد فيشدد الله عليك .. الحجاب دين ولا يرضخ لأهواك .. العناد يولد الكفر ..

من الآن حل الموضوع معاها قبل الزواج .. لأنه من حقها أنها تعرف نيتك في إجبارها بعد الزواج .. هي تحدد إذا كانت ستقبل أم يغني الله كل من واسع فضله ..

__________________

اللهم إني استودعك المسلمين في كل مكان.. فإن ودائعك لا تضيع..
اللهم ارزقني سعادةً تجعلني أسجد لك باكية.. وارزقني بعدها سعادة لا تنضب أبدا .. اللهم آمين برحمتك يا ارحم الرحمين ..

ماكان الين في شئ الا زانة وما نزع من شئ الا شانة


هون عليك .....اخي صدقني طيبتك وحبك لهااا يجعلهااا تنصاع لاوامرك بس الهوينا علي زوجتك
لا تستخدم اسلوب الامر والعناد ....
بعد الزواج بين لها من خلال نظراتك انك غير معجب بهااا بدون نقاش عقيم
ممكن تستغرق وقت طويل بس في النهاية تقتنع
اسرد لك قصة بناتي مع خالهم طبعااا خالهم شخص ملتزم وموضف في هيئة الامر بالمعروف وبناتي عبيات علي الكتف
وهو يا خذهن للسوق والمنتزهات بدون ان يفرض عليهن لبس عباية الراس ولكن يناقشهم باسلوب حلوا وراقي
وهن في كل مرة يقولن لقد كسفتا خالي بطيبة وحنية وصبر علينا علي انه خالهم يسمع تعليقات من اصحابة بالعمل عندما يقابلهم لماذا اهل بيتك بهذة الصورة والبس وانت قدوة وموجهه
وهو يرد عليهم عليكم بالصبر حتي تظفروا بالنتيجة
فدعوة الرسول لقومة استمرة اكثر من 23 عام
فما بالنا بجيل ظهر فية فتن كقطع ليل المظلم

كلام ممتاز

أوافقك الرأي وبقوهـ وأقول للأخ خزنة ملك لاتتزوجها لين مايطيح اللي برأسها وتترك العباءة
تطلقها الحين أهون من إنك تطلقها إذا تزوجتها
أنا أعرف كثير حريم كانوا يلبسون عبايات كتف وتركوها علشان أزواجهم
والحين يقولون كيف كنا نلبسها عباية الرأس فخر وتاج على رأس المرأة على عكس الكتف
لكن زوجتك !
جداً غريب تمسكها بعباءة الكتف
لو كانت عباءتها رأس وقلت لها ألبسي كتف صحيح مايصير تتركها مهما كان
لأن الرأس أشرف وأكمل .

__________________

^

ليس حق للزوج ! من وين جبت هالحكي ؟؟

وبعدين لو بناخذ الامور من منطقك يوم قلت :
ياصديقي .. البنت الي ما تتنازل عن اشياء تافهه بداية زواجها .. اعرف انه بكره ممكن ما تتنازل عن اشياء اكبر ..

معنى ذلك ان الرجل الي لا يتنازل عن امور يعرف انها
تسعد زوجته بداية الزواج ( كقاعة الزواج او سفرة شهر العسل مثلا )
معناها ما راح يتنازل عن اشياء اكبر بعد الزواج .. واحسن لها تتركه !!

تقول شي تافه .. طالما هو شيء تافه فهل يستحق الموضوع كل هذا العناد ؟؟

مشكلة بعض الرجال يلومون كل بنت عقلها صغير وبالاخير ما يفرقون عنها
بشي !!!!!1

__________________
شتان .. بين من تسيره مبادئه ، ومن تسيره مصالحه