ياخي العزيز .. ابسط حقوقك انك تحدد ملبس او شكل العبايه الي تشوف انها مناسبه لحرمتك ..
ولو هي عاقله وشاريتك .. ما عاندتك على شي تافه ( عبايه ) .. يعني بمعنى لو هي عاقله كان قدرت طلباتك لها وقالت والله وشي العبايه بالنسبه لرضى زوجي !
على الاقل هي تفهم كبر هذا الشي بالنسبه لك ومع ذلك ماتبي تغير من العبايه ..
صحيح ان اهم شي القناعه .. لكن مبدئياً انت مب ظامن انها راح تقتنع بعباية الرأس 100% بعد الزواج !
بمعنى اخر .. لو ماتغيرت الحين ماراح تتغير بعد الزواج خصوصاً انها بتكون ( تمون اكثر ! ) بعد الزواج ..
وهي قالت لك من البدايه ولمحت لك .. ( في ناس تطلقوا لهذا السبب ) ..
يعني الموضوع عندها كبير وغير قابل للتنازل حتى لو تودد لهآ زوجهآ وطلب منها انها تلبي هذا الطلب البسيط بكل لطف !
ياصديقي .. البنت الي ما تتنازل عن اشياء تافهه بداية زواجها .. اعرف انه بكره ممكن ما تتنازل عن اشياء اكبر ..
المسأله مهب مسألة حلال او حرام ( لانهم كلهم حلال على حد علمي )
المسأله مسأله تقدير لرغبة الزوج .. بمعنى .. اذا طلبت مني خطيبتي شي معين _ مهما كان_ وعرفت من خلال سؤالها وطلبها المتكرر ان هذا الشيئ مره مهم بالنسبه لها .. ( وانا اقدر اسويه ) او على الاقل ماعندي اعذار مقنعه .. اذا طلبت مني هذا الشيئ .. اكيد راح اسويه لاني مستعد اتنازل عنه لأرضاء زوجتي لأنني فعلاً احبها ولا ارغب ان اخسرها علشان شيئ ( اقدر اسويه ) او شي تافه مقارنه برغبة خطيبتي القويه !
..
المسأله مسألة تقدير للزوج .. فضلاً عن انه حق من حقوقك ان تلبس زوجتكـ العبائه التي تراها مناسبه !
اولاً واخيراً .. انصحك ( تزبد لها ) .. تعطيها كلام كاش .. فهمها ان هذا الشيئ مهم جداً بالنسبه لك وقلها تقارن بين هذا الرغبه الي عندك وبين حبها للبس عباية الكتف .. وبعدين تختار هي الي يناسبها .. انت او العبايه ..
لما تقولها هذا الكلام لا تنسا مراعات الكلام الطيب واللين .. وانك ااذا لبيت طلبها راح تكون سعييد جداً .. وشاكر ومقدر !!
وبالنسبه للقناعه .. تجي مع الوقت .. مشكله الناس الي هنا مايعرفون ( يا ابيض يا اسود ) يعني يا حرمه تلبس عباة كتف وتكون ملتزمه جداً جداً جداً .. او تكون تلبس عباة راس وتكون من داخل مش ولابد !! يعني اختر !!!! وهذي فرضيه خاطأه وغبيه جداً ..
اتمنالك التوفيق ..
التعديل الأخير تم بواسطة Jan 9 ; 30-07-2011 الساعة 06:30 AM
30-07-2011, 06:26 AM
ضوابط المشاركة
العرض الشجري