حياك الله اخي انا قرات كلامك ومن جد حسيتو من قلبك وهادي اول خطوه للتغيير انك تكون من جد تبغاه من قلبك ....
في ايه ف القران الكريم ابغاك دايم تتذكرها تقول "ان الله لايغير ما بقوم حتى يغيروا مابأنفسهم " صدق الله العظيم ...
والمعنى اللي ابغى اوصلو اذا تبغى ترجع زي اول مااحد يقدر يساعدك غير نفسك اولا لازم يكون عندك اراده للتغيير ولازم تغير اصحابك الحاليين وتغير كل شي حتى ابسط الاشياء اللي كنت بتسويها غيرهم حتى لو بقيت لحالك بس مامعك احد لفتره فقط وانا متلك اصلي سطر واترك سطر متل مايقولون بس اناعندي حل لهاد الشي وانا جربته بنفسي لما تدخل التواليت الله يكرمك ويحفظك قبل لاتخرج اتوضى كل مادخلت ماتخرج الا وانت متوضي هتقولي لشي هقولك مثلا اذا اذن العشا وانت مومتوضي الشيطان يقولك خليها شوي انت موقادر ويحبط فيك بس لو انت كل مادخلت وخرجت كنت متوضي هاد راح يعطيك دافع انك تصلي !!!
والاغاني بما انك بدات تسمعها مااقولك اتركها لان مستحيل احد صار يسمع اغاني بيتركها فجاه كده وانا اتحدى الا مارحم ربي انت تقلل منها تدرجيا يعني حاول تسمع اغنيتين ثلاث هاد بالكتير ف اليوم قلل منها الين يجي يوم ماتصير تسمعها واستبدلها ماراح اقول بااناشيد مثلا بموسيقى هاديه هاد ف البدايه طبعا يعني ادخل واختار موسيقى من النت تكون هاديه وحملها وحاول تستبدل كل الاغاني اللي عندك بموسيقى اكيد مهما وصل فيك الطرب ما راح تدندنها لان مافيها كلمات تدندن مضبوط !!!
وبكده حلينا مشكله الصلاه والاغاني بالنسبه للبنات انت تقول عايش بره ف الغرب يعني تشوف بنات اشكال والوان واللي تعجبك واللي ماتعجبك اذا بدك راي لازم تتجوز سواء كنت تبغى او ماتبغى وتفهم والداتك الله يحفظها ليك بكل شي وتقولها اني صرت ماابغى اتزوج واني تغيرت وو و و و راح تبدا تدور ليك بجديه ع بنت وحقيقي انت ذكرت شيء مهم انت ما همك يعني عقلك الباطن ماهمو البنت تكون جميله لعلاقاتك اللي مريت فيها قبل كده همو تكون جميله عشان اللي بتشوفو بره من البنات ولازم تختار واحده جميله فعلا عشان تقدر تبعدك عن كل الاشياء والعلاقات الخارجيه غير الزواج وكمان لازم تتحدث لوالدتك عن هاد الامر
وتتزوج حتى لو ماتبغى وخلي ف فتره خطوبه كبيره عشان تتعرف ع شخصيه البنت وكمان تحبها وتحبك وبكدا اخترت واحده جميله وحبيتها واتزوجتها وكلو ف حلال ربنا ....
اخر شي المذاكره شوف والله انا نفسي ماادري اش صار فيني لاجيت اذاكر كان ف حدا يجري وراي مااعرف اذاكر بس شوف اصحابك او اي حد تعرفو نجحو وذاكرو واجتهدو و و و وانت محلك سر قاعد مكانك حاول تخلي هاد دافعك اشمعنى هم اتقدمو وصارو ونجحو وذاكرو وانا يمكن اللي ربي منعم علي باشياء اكتر منهم ما سويت ربعهم !!!!!! اكيد انت مو واحد غبي والحمدلله عقلك كبير زي مهو واضح من كلامك واكيد كمان مو قليل لان مستواك الاجتماعي والمادي كبير وكمان شكلك زي ما تقول حلو ليش ماتكمل هاد الصفات بنجاحك علمي انا مااطلب تتفوق بس ع القليل انجح وحاول تذاكر وتجتهد اذا حسيت ما تبغى تذاكر قوم غسل وجهك وسوي ليك كاسه شاهي او نسكافيه اوي مشروب تحبو واتعوذ من الشيطان وغير المكان اللي كنت بتذاكر فيه وراح ان شاء الله تذاكر ومابين كل ساعه والثانيه خد بريك ساعه سوي فيه ما بدالك اتفرج ادخل نت كل اي شي وترجع ترد تكمل وان شاء الله يارب اكون افتدك بنصايحي واسفه اذا كنت طولت عليك بس حبيت اشمل كل اللي ذكرته ف كلامك والله يوفقك ويسعدك ويرضيك بزوجه صالحه جميله تغنيك عن اي علاقه تانيه امين يارب .....
اختك شروق