السلام عليكم

هذي مشكلة صديقتي

صديقتي متزوجه وزوجها يشتغل بمستشفى اختلاط

طبعا وحده من زميلاتها بهذا المستشفى وكانت تراقب زوجها من بعيد لبعيد (هي موصيتها) فكانت تقول لها بكل شي

وان وحده من الي هناك معجبه بأسلوب زوجها وبشخصيته

مر يوم من الايام
تقول صديقتي زوجي حس بشكي فيه وقام يعلمني بكل شي لانها هي الغبية كانت تقول له اهاا اجل ذاك اليوم كنت تبي شاهي حس انه فيه احد يراقبه فصار يعلمها بكل شي

المهم مرت الايام والي كاننت معجبه فيه توفى احد قريب لها وماداومت اكثر من اسبوع

تقول زوجي جاني يوم واعترف لي قال ترا خويي دخلني انفايت معها في البيبي على اساس اني اعزيها!!!

هي قبتتتتتتتت وماتتت وقالت له بأي حققق تدخل وكذا قلب السالفة عليها وقال لها هذا جزاي اني معترف لك واني ابد ماخنتك تضايقت وبكت وصارت معاد تثق فيه وحلف لها بس يظل احساسها مو راضي يصدقة
المهم قالت له يوم من الايام عطني جوالك تبي تدور البن حق ذيك البنت مالقته وارتاحت بس لازال الشك موجود لان جهات الاتصال حق زوجها نقصو كثير فشكت انه سوا لها ديليت المهم مشت السالفة ولازاال فيها شك قاتل وكل يوم هوشة معه بسبب هالشي

لين جا اليوم الي طاحت فيه على رابط لهذيك البنت رابط موقع الأسك مي اسأله تقول بعض الاسئلة والكلام حسيت انه زوجي من كتاباته واسلوبه له نمط معين انا عارفته وحافظته زييين اشتعل النار بقلبببببها وتحلف وتقسسم انه هو الي كاتب هالكلام طبعا بالفصحى وتعرف اسلووبة زيين بس مافي دليل يخليه يعترف لانه كاتب لها بدون لقب او نك يدل بس اسلوبه مكشوف عند زوجته وهي محتاااااارة والله كلاها الهم ماتدري وشلون تخليه يعترف ان واجهته نكر وحاولت اساعدها بخطططه ماقدرت للعلم انها لقت اكثر من كلام مكتوب للبنت بنفس اسلوووووبة بليز ساعدوها

المشكله انو مافي اي دليييل عشان تمسكها عليه وتقولو ليش سويت كداا ..

الله يكووون في عونها وييسر امورها .. =)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

ممممم طيب وبعد مآ توآجهه وش تستفييد
كذآ كذآ مارآآح ترتآح ولا رآح تثق فييه
يعني ماله دآعي الموآجهه
هي محتآجه تجلس مع نفسهآ وتقرر وشلون تتصرف
يآطنش وتعيش حياتها معه وتبطل تفتش ورآه وتبطل تخلي صديقتها تراقبه
يآتوآجهه وتعيش بنككد وشكك طوول عمرهاا
وبعدين في شغله ترى هي مالهاا حق تخلي صديقتها تراقبه وعيب توضحح للناس انها مو واثقه بزوجها
في امور ومشااككل لاازم تبقى خآآصه يعني وش يضمنلها ان خويتها مو ناشره غسيلهم بمكان عملها
واككيد هي ماترضى ان زوججهآآ يراقبهاا في اي شككل من الاشكاال
وبعدين هي يوم تزوجته كاانت تدري انه يشتغل بمكان مختلط ماله داعي تككبر السالفه وتراقب
اذا هي ماتتحمل كاان من البدايه مارضت تتزوججه

كلامي لصديقتك

اخيتي لا تفتحي على نفسك باب ..

طيب افرضي اعترف وقال ايوة انا على علاقة فيها
عجبك ولا شيلي اغراضك و على بيت ابوك ؟؟ ايش بتسوي ساعتها ؟؟
انكاره دلالة على انه متمسك فيك ومايبي مشاكل

فانصيحة ابعدي عن التجسس
واعرفي انك بنكدك و كثرة مشاكلك تقللي من رصيد الحب و الاحترام بقلبه
وهذيك (اذا كان فعلا في علاقة) رصيدها يزيد لانه يلاقي عندها الحب و الراحة

المفروض تغيري من تصرفاتك معاه .. دلعيه و هنيه و حبيه بزيادة
ارجعي ابني الثقة بينكم و خليه يرجع يصارحك بكل شي
وادعي سبحانه انه يكفي زوجك كيد النساء و يخليه لك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

هذا رد صديقتي

السلام عليكم حقيقة اشكركم على حلولكم لي ويعلم الله اني في قهر لايوصف طبعا ااناا حياتي صارت جحيم كل يوم اتهاوش معه بالرسائل بالجوال الفاظ ماتنقال من قهري بدال مايخفف علي يزيدني اكثر قلت له دامك غلطت صحح الغلطة الي انت غلطتها عشان اثق فيك قال لي انتي تبين حل يصغرني قهرني قهرني دعيت عليه بكل انواع الدعاوي تغير اسلوبه معي صار مايهتم لي ولايدق علي ويدور الزلة علي انقهرت منه كل ليلة ابكي واحس اني بموت انا عند اهلي وهو لأن والده تعبان مسافر معاه فصرت كل ما اتذكر هذي السالفة صرت ادعي عليه صرت مثل المهووسة كل شوي ادخل موقع هذيك الحقيرة اشيك كتب لها شيء او لا انا ان واجهته بينكر مستحيل يعترف على نفسة وبيغير من اسلوبة بالكتابة وماراح اعرفه مادري ياناس وش اسوي انا تعبت تعبت تعبت

بصراحه هي الغلطاااانه
اولا هي شكاكه خلقه وغيووووره فوق المعقول ..
يعني هي تزوجت رجل يشتغل بالمستشفى يعني وافقت وعارفة هالشئ
المفروض تتقبل وتقدر ووضعه بشكل لا ضرر ولا ضرار ..

وبعدين وين ثقتها اصلا فيه من الاول ..؟
تخلي صديقتها تراقبه وتنقل لها كل تحركاته ..!؟
وين الثقه بين الزوجين ؟
وين احترام الزوج ..؟
وين الزوجه الحكيمه ..؟
وين الثقه بالنفس ..؟
هل ترضاها هي على نفسها لو كانت تعمل ممرضه فيوصي زوجها
واحد من الموظفين عليها يراقب كل تحركاتها ايش نظرتها له لو عرفت .!؟
( بيطيح من عيني ولا يثق فيني ولا يثق بنفسه ومنتقص من روحه وهالشئ
راح يؤثر سبيا من نظرتي له ) ..

واذا على سالفة انه عزاها بالبيبي وانفايت كمان مع صاحبه وقبت فيه
اجل وش بتسوي اذا عزاها بالمستشفى ..؟
السالفه عاديه ماستحق كل هالعصبيه منها ..
ولو الموضوع يثير الغيره اوكي بس مو بهالصوره ..!؟
وبتصرفها اصلا فقدت انه يبوح لها بااي شئ ..

بعض الزوجات للاسف هي فقط لزوجها ( زوجه ) وليست
زوجه وصديقه ...

وتقول الحين زوجي لا يدق و يدور علي الزله
يعني هي اللي ماتدور عليه الزله ..؟

وبعدين اللي تحب ماتدعي على زوجهاا ..
ياليت ستعيد توزانها من جديد وتنظر لحياتي
بشكل عقلاني اكثر بعيد عن الشك والغيره القاتله
والتهووووور .. ( وتعتذر عن تصرفاتها الاولانيه ) ..
خليها تثق بنفسها اولا وبزوجها ثانيا ..
ولما تشوف شئ او تحس بش يستحق الشك
هذاك الوقت تتصرف بحكمه ورويه ..

الله ييسر امرها ويلهمها الصواااب ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

الله يهديها ويصلحها هي الغلطانة
كيف تخلي صاحبتها تراقبه وتتجسس عليه عييييييب فشلة والله
وفوق هذا بدل لاتحتويه أكثر عشان يبعد عنها زادت الطين بلة بطولة اللسان والأسئلة والحنة والزنة
هي إيش استفادت الحين تقول زوجها مطنشها وماعاد زي أول معها
خليها تصلح غلطها وتروح تعتذر منه وتطلب السماح وترجع لبيتها

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

مشكورة حبيبتي بس هي حساسة خلقة هذا ردها علي بالمسن

كيف اررروح واعتذر منه واصالحه وهو فتح لها بـاب ومجـال بالانفااايت يعني كل مره بتصير مناسبة او عزا او مرض بيقعد يسسسوي كذا او هي بتسوي كذا هو سمح لها تتمادى كيف بثق فيه ولا اتقبلة ليش ماتحسسون فيني هو قال لي بسوي لك كل الحلول الي تبين بس ماني عارفة ان واجهتهم ويا بعض ممكن تزيد وتقهرني فيه ماادري شسسسوي تعبت نفسيا طيب لو احسن الظن فيه ليش ما استشارني اول وقال لي بدخل انفايت اعزيها ليش يوم سوا فعلته وحس انه ممكن يجيني خبر جا واعترف لي ليش؟؟؟وعقب تغير اسلوبة ومعاملته لي طيب ليه مايحس فيني انا زعلي وعصبيتي ردة فعل طبيعية كأي وحده ليش هو مومتقبلها لانه غلطان وماعنده حجه

طبيعي يتغير عليك .. شك وغيره قاتله وتجسس وماتبغينه يتغير ولا يتضايق ...؟
ياعزيزتي لا كونين مثل الدبور اللي زن على خراب عشه ..

وباسلوبها هذا ودعاوي وكلام جارح وشك وتجسس .. لا تلوم زوجها لو التفت لموظفه عنده هاديه
وراكده ..!

اعرف شخص يعمل في مستشفى .. وزوجته تشك فيه 24 ساعه وتفتش من وراه وكل شوي قابه فيه
اخرتها طفش منها ومن نكادتها وكاد ان يطلقها بالاخير تندمت ورجعت له وعقلت ..

اتمنى تعتذر له وانها كانت شوي معصبه ونفسيتها متعبه وتضيف كلام طيب ..
بعدها تخف شوي من غيرتها وتتعامل بهدوء وحكمه اكثر ..

كم عمرك صديقتك ..؟

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

اولا: اسلوب المراقبه غلط و لا يجوز شرعا و لا أخلاقا. و لابد ان صديقتك تبعد عن مثل هذي الامور، بالذات تفتيش الجوال، أحسه عمل طفولي و يعبر عن قلة ثقة في النفس.

ثانيا: الرجل يعمل في مكان مختلط، ما راح نوادي ليله لا سمح الله، هذا عمل، ما فيها شي، و لا هو سبب يدعو للشك، و إذا بتشك لهذا السبب، فالمشكلة فيها و لازم تعالج نفسها.

ثالثا: كل رجل في الدنيا يبحث عن قلب يرتاح له، إذا ما وجده في زوجته، راح يبحث عنه في مكان ثاني، سواء مع هذي البنت أو مع غيرها. و بالوضع اللي وصفتيه، لو زوجتي تسوي كذا (و انا اعمل في مكان مختلط جدا و عايش الوضع) لو زوجتي تعمل معي كذا، كنت إنفصلت عنها بدون تردد، لان هذي إهانه للزوج.

و أخيرا، إختي الكريمة، صيغة سؤالك كأنك تبحثي عن مكيدة للإيقاع بالزوج. هذا عمل ينطوي على عدائيه و خالي من المحبة و المودة و الرحمة اللي يقوم عليها الزواج. و إذا صاحبتك بتمشي في هذا الدرب، لازم تتذكر شغله مهمة، أن العصمة في يد الزوج، فإذا حاصرته بهذي الطريقة العدائيه، لا تزعل لو جاء اليوم اللي وجد الزوج نفسه مضطر يستخدم كلمة "إنتي طالق" و يفك عمره من النكد.

عسى الله يوفقكم.