تصرف زوجتك يدل ان عندها ثقه تقريبا 99% انك ماراح تتزوج عليها و الثقه جاتها من أمرين ..
1\ هي تعرفك و تعرف انك طيب و ماتقدر تجرحها و يبدو انها متاكده من هذا الشي حتى لو كان على حساب نفسك .
في نساء ذكيات تعرف نقاط ضعف زوجها من غير مايحس و تستغله من هالناحية
2\ و جود أختك عند أخوها ..
الغالبية العظمى من الزواجات اللي مثل كذا أخ و أخت متزوجين من أخ وأخت
الزوجات يرتاحو فيها نفسيا لعلمهم انو الرجال مايقدرون يضحون بثنين زوجته واخته لو كره زوجته راح يفكر في أخته ..

و اسلوب زوجتك كانو هي تبغى ’’ تطيب نفسك من انك تخوفها او تهددها’’ مرهـ ثانيه و بنفس الوقت تبغاك تتاقلم على طبعها غصب و انها ماراح تتغير ..
اسلوب زوجتك حسسني انو هي عندها قابلية للتغير بس المشكلة تكمن انها ماتحب احد يقولها تغيري او تحس انك انت ماتستاهل تتغير عشانك او تحس انو فيها تقليل من شأنها لو بتغير و تفضل الكسل على انو تجتهد عشان تفضل معجب فيها او تحبها ..

و كلامها الاخير معك .. انو تبغاك تطلقها كذب مو من قلبها ابدا بس يدل على برود اعصابه انها متاكده انو كلامك مجرد كلام ..

__________________