السلام عليكم ورحمة الله وبركاته
كيفكم اخواني واخواتي

مالكم بالطويلة
المهم احب ادخل على مشكلتي على طول...

اممم عرفت وحدة عن طريق الصدفة بالمنتدى وتطورت علاقتنا اكثر واكثر ويشهد الله كل هالفترة ماجلسنا مع بعض الا واحنا قلوبنا صافية وبيننا مودة ومحبة لابعد حد
ومع مرور الوقت صار كل واحد يفتقد للثاني لين وصلت لدرجة ادمنتها وبصراحة اول مرة ادمن على انسانة كل شي فيها يعجبني شخصيتها اسلوبها الى اخ... وانا ادري ان علاقتنا غلط بغلط بس والله كل شي صار بغمضة عين ماندري الا واحنا مدمنين على بعض يوميا متقابلين
والحين بنصلح غلطنا وعلاقتنا بالحلال يعني ابي اتقدملها وابيها زوجة لي لاتقولو لي كيف تثق فيها او علاقتكم بنيت بالغلط وهالكلام كل هالكلام ادري فيه بس خلاص حبيتها مابي بدنيتي غيرها زوجة وهي نفس الشي واثق فيها ثقة عمياء
المطلوب منكم تساعدوني بالمشكلة...الي هي انا بمنطقة وهي بمنطقة وهي من قبيلة وانا من قبيلة
ابي طرق وحلول كيف اقنع اهلي نتقدم لهم ونروح لمنطقتهم وبنفس الوقت اهلها بيسئلون من دلكم علينا وكيف عرفتونا شي طبيعي ...وياخواني محتاج مساعدتكم اصلح غلطتي من الحرام للحلال وتكفون مابي نصايح ومابني على باطل فهو باطل ,, كلنا خطائون وخير الخطائون التوابون ..

وكيف اقنع اهلي ونجي لعندهم وطبعا اسئلة طبيعية اهلي بيقولو ايش عرفك على هالبنية من هالمنطقة وفكرت اقولهم عن طريق زميل لي بس اخاف اهلي يقولو لاهلها عرفناكم عن طريق زميل لولدنا ويسئلوني اهلها من هو هذا الزميل ..؟
اظن مشكلتي واضحة .....؟
وتكفون كل شخص يحط نفسه بمكاني ويقترح علي بحلول منطقية لان غير هالانسانة مايملي عيني

وربي يسعدكم دنيا واخرة

السلام عليكم ..

مافيها شي اخي الفاضل ناوي تصلح غلطتك وتخطبها بالحلال ..

شووف اذا عندك اخت كبيره او صغيره ومتفاهمه معااك خلاص عرفها على البنت وخليهم يتكلمو

وبعدين عادي اختك تقول لأمك في وحده وموصفاتها حلو وووووالخ.. نخطبها لأخويه .. وهي تسير صاحبتي

الله يتمم لك على خير يارب
=)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

اممم اعتقد انه انسب حل

تقولون لاهلها ناس مدحوكم لنا

واهلك ماواح يتدخلون في قرارك


اسآل الله ان يكتبلك الخير والسعاده الي بالحلال


موفق

الاهل الي يقول من وين ومنو دلك وش اسمهم يبغون ادق التفاصيل احس ما يبون يزوجون قولهم عن طريق اهل الخير شافوا بنتكم في عرس


ولا عن طريق خطابه لان الخطابات عندهم طلبات من جيمع المناطق



واختك تتعرف عليها يكون افضل بس مو كل الاخوات تتقبل



بس اخاف لما تتقدم تشوف النظره الشرعيه تنصدم لانه يحصل كثير يكون الكلام والوعود شئ والواقع شئ


الله يقدم لك الي فيه الخير

الله يوفقكم يارب

ويسعدكم

عادي طريقتك حلوه


كلم الوالده وقل لها أنك تعرفت عليها عن طريق زميلك مثلا


ونصيييييييييييحه قبل لاتتزوجها ياليت تشيل من رأسك

الشك

لأن كثير يشك بزوجته بعد الزواج


إذا أنت واثق فيها توكل على الله


وتقدم لها والله يسعدكم

__________________
الله يصبرني على فراقكم يا أهلي
الله يجمعني معكم بالقريب العاجل

اااااااااه ذكرتني باللي مضى...
انا رايي لك انك تخلي اختك تتعرف عليها
وهي تقول لاامك انها تبغى تخطب صحبتها لك
ومبروك

الله يجزاكم الف خير
بالنسبة لاخت جروحي كثيرة/ بالعكس اذا فيني ذرة شك ماكان فكرت بها الخطوة... وربي يسعدك

واقتراحاتكم مناسبة

بس ودي بحلول اكثر اقناع

أخي الفاضل عليك بصلاة الإستخارة قبل كل شيء و من تم سيتبين لك من أي باب تدخل لهذا الزواج

اخي مارح نقول مابني على باطل فهو باطل
دام انك قررت تتزوجها وتصلحون خطئكم بما يرضي الله هذا اجمل شيئ اسال الله ان يوفقكم
اما بخصوص اقناعك لاهلك اظن الشيئ بسيط انت قول لوحدة من خواتك وهي بتساعدك
مثل مقالت الاخت مثل انها تتعرف عليها وتقول انها عجبتها وحابة تخطبها لك
ونفس الشيئ النسبة لاهلها تقول لهم شفتها عرس وتعرفت عليها ولا بمكان عام
ولا حتى النت مافيها شيئ بنات

وان شاء الله خير
موفق