السلام عليكم

بدخل بالموضوع على طول

حنى عايله نتكون من 6 اولاد وبنتين وكلنا متزوجين

والوالد والوالده متوفين الله يرحمهم

كنا بكل عيد او مناسبه نجتمع فبيت الوالد الله يرحمه بس بيت الوالد بعناه

وقلنا لخوي الكبير يوم العيد الصبح راح نجتمع عندك لأن بيته فله كبيره وحنا بيتونا صغيره كلها اجارات

وبعدين هو الكبير ولازم تكون الجمعه عنده

للأسف انصدمنا من مرت اخوي ترفض وتطلب من اخوي ان حنا ما نجتمع عندهم

واخوي الكبير مسكين شخصيته ضعيفه وما يقدر عليها

وانا من يوم عرفت بالسالفه وانا منقهر منها

هي اكبر حريم اخواني والمفروض تكون مثل الام لنا ولأولادنا

بس للأسف طلعت مو شي

وش الحل برايكم يا جماعه

لآزم تقنع اخووك ويكوون له شخصيه قويه عليها ع الاقل ..

مافيها شي لو الجمعه تكون عنده ..

أو انكم تستاخرو استراحه وتروحوو فيها ..


كل سنه والجميع بخير .. =)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

يمكن هي مفكرة ان كل الشغل راح يكون عليها

خلي مرتك تحكي معها واتفقوا انتو ان الشغل مقسم بينكم
الاكل
الشرب
الحلويات
المصاريف
تنظيف المكان بعد اللمة


لا يمكنك اجبارها على استقبال العائلة
لكن تصرفها في غير محله

__________________


اللهم اعنا على ذكرك وشكرك وحسن عبادتك

الحين أخوكم قالكم لا تجون عندي ؟
ولا بس دريتوا ان مرته ما تبيكم ؟!!

العيد علينا كلنا ما يتحمله اخوي الكبير بلحاله

وبعدين اكثر من اربع خدامات بيكونون موجودات

يعني ما نبي منها الا بس الشاهي والقهوه

بس الردي ردي وانا اخوك

بصراحه حريم الاخوان اغلبهم كذا ومدام هيا رفضت واخوكي موقادر عليها اجل موبكيف اخوكي بكيفها شفوا استراحه افضل ولا ذلوا نفسكم لها مستحيل تكوم حرمة الاخ مكان الوالده

ايه قلناله قبل يومين مجتمعين عند اخوي سحور وقال باللفض هذى (( الوره )) اللي عندي عيت نجتمع بالعيد فبيتي

مع هذا الراي

أخوي لا تخربون عيدكم و بهجة نفوسكم علشان هالسبب

يمكن تكون عندها أسباب خلوها بكيفها

و إذا صارت الجمعة غصباً عنها صدقني ماراح يكون لها طعم

حلاة الناس يوم تجتمع و نفوسها صافيه

العيد ما يكون عيد إلا إذا حس الإنسان المسلم إن جميع أعماله في رمضان انقبلت و طلع من هالشهر و هو مغفور له

فليش تعطون الشيطان فرصة في أول يوم له بعد رمضان إن يفرق بينكم و أنتم أخوان

اللي ما يقدّركم و يحشمكم لا تعطونه أكبر من حجمه لأنه ما يستحق و في النهاية هو اللي راح يتضرر نتيجة أفعاله غير العقلانيه

مافيها شي إذا اجتمعتوا عند واحد منكم

الأهم يا أخوي هو اجتماع قلوبكم و تعاضدها قبل أرواحكم و مو مهم في أي مكان

تكونون بعيد عن بعض و قلوبكم على يد واحدة أفضل من أن تكونوا مع بعض و قلوبكم تنافر بعضها البعض

الله يلم شمل أسركم على الخير يا رب

و كل عام و أنتم بخير مقدماً

__________________

مبالغتنا في الاهتمام بالأشخاص الذين نحبهم تجعلنا نخسرهم أكثر من رغبتنا في الحفاظ عليهم !

أنصحك يا أخي الكريم إنكم ما تتخلون عن جمعة العيد بهذا السبب يعني حتى لو مرة أخوك ما تبيكم تجون يوم العيد تقاطوا واجتمعوا في استراحة أو لو تخلونها في أحد بيوت الإخوة البقية حتى لو كانت صغيرة , لأن حقيقة عدم جمعتكم في يوم العيد بداية تباعد وهذا ما أخافه بعد وفاة الوالدين .
الله يجمع قلوبكم .. ويسخر مرة أخوك لأخوك .

__________________
{ اللهم صلي وسلم على محمد وآله وصحبه تسليما كثيرا }