ندمانة تأكدي ماراح يضيع شيء عند رب العالمين ..
سواءً رجعتي أو لا .. فـ كله خيرة .. ولا تنصدمين ولا شيء
توقعي كل شيء يصير .. وكل شيء هو الخير لك ..

وتذكري دائماً حديث الرسول صلى الله عليه وسلم :
ما يُصيب المسلم من نصب ولا وصب ولا هم ولا حزن
ولا أذى ولا غم حتى الشوكة يُشاكها إلا كفر الله بها من خطاياه

__________________

هو يختبر طاعتك بأمور تافهه فتجاوزيها بنجاح

لاترسلين خلاص لاترسلين
لاتكلمين لاتكلمين

سايريه لأن المصلحه لك


زوجك يشبه شخصيتي عزة نفس وكرامه فاللي يكسر قلبي صعب يفوز به مره ثانيه
ومن حبه لك وبداية أقتناعه أنك صادقه بحبك ولستِ مغصوبه سيسمح لك بالأستحواذ على قلبه لكن الثمن غاالي
بعد تنازلات منك وتذلل وملاحقة له

وهيأي نفسك بعد الرجوع أنه لن يكون بمثل أندفاعه ولانصه وكل مايكن لك لن يظهره سيحتفظ بأغلبه داخله ليحمي نفسه من أنكسار أخر

الله يوفقك ويولّف مابين قلوبكم

امحق رجال

يبكي ابو زوجته وام زوجته..

وش تسوى الحياه!!! مقابل هالذل والاهانات..

والله لو انه من العايله الحاكمه.. ما علقت بنتي ولا اختي فيه..

استغفر الله العظيم واتوب اليه من هالاشكال اللي نافخه روحها عالفاضي

اسمحيلي يا صاحبة الموضوع .. ترى افعال طليقك رفعت ضغطي وتجيب المرض

إي أكيد لازم تطلعين له ..
بس في شيء مهم كنت أبي أقوله وذكرني فيه المصلح ، اللي هو أني أنا ما أفهم من كلام طليقك يوم قال لك لا ترسلين ولا تتصلين أنه يبي يشوف تطيعينه ولا لا ، أنا أفهم من هذا الكلام أنه يبي يشوف أنه حبك له بيجبرك تتصلين وترسلين ولا لا ؟
يعني يبي يخليه مقياس للحب ، فإذا شافك اتصلتي وارسلتي مع انه منعك من هذا الشيء فأنتي تحبيه فعلا ..
وعشان كذا أتوقع قال لك المصلح اتصلي به وأرسلي له ..

إن شاء الله نسمع عنك أخبار حلوة بعد جيته لكم ..

__________________

ادخلي عنده هذي فرصتك ،،،
اتوقع بعد اتصالك امس حس انك تبينه فـ غيّر رأيه وتنازل وجاكم
البسي كويس واكشخي وياليت تلبسين شيء هو يحبه ،،

وحاولي يخلونكم اهلك لوحدكم ،، يعني مثلاً لما يطلع ابوك تدخلين انتِ ،،
بيني له مشاعرك ابكي قدامه تفاهمي معاه باسلوب لبق وبدوووون مكابرة ،،،

حتى لو كابر انتبهي لاتكابرين يمكن كـ ردة فعل يبي يكابر لكن خليك طبيعية واهم شي
خلي نظراتك بريئة ومحبة ،،، يعني لاتجلسين تناظرينه من فوق لتحت كأنكم بتتهاوشون

لا ،، تعاملي معاه مثل ماتمليه عليك مشاعرك نحوه ،،
اذا صرتوا لوحدكم سوي زي ماقلت لك امس :
ناظريه شوي ،، بعدين قولي مباشرة احبك ،،، وابكي

بيحاول يهديك لكن ابكي وارتمي ع صدره ،،،

الله يسخركم لبعض يارب

__________________

ماعندك جاكيت صغير تلبسينه فوق الفستان عشان يصير استر لك
قدام اهلك وتكبرين بعينه

__________________