السلام عليكم ورحمة الله وبركاته
كل عام وانتم بصحة وسلامة
احترت بين ولدي المراهق وأخي البالغ 23 سنة ، قبل العيد بيومين أو ثلاثة اتفقنا أن يوصل أخي ولدي لصديقة وتفاجأت باتصال من ولدي وهو يبكي ومنهار ويشتكي من خاله أنه خاصمه وضربه ضربا مبرحاً
أخي يقول عشانه ولدك صدقتيه وولدي يقول عشانه أخوك ماتاخذين حقي، وحالف يخبر أبوه ...
وأنا في حيرة ...

__________________
من علامات صحة قلب المؤمن انه إذا فاته ورده أو طاعة من الطاعات وجد لذلك حسرة على فوات الأجر ..

وش سبب الضرب اختي ووين صارت السالفة؟؟

__________________

مكرر..

__________________

يقول اخوي أنه طول لسانه عليه وهو ولدي يحلف أنه ماصار هالشي؛بس أني كنت زعلان في نفسي وساكت لأنه رفض ينتظره في مشواره وبس قلت الله بلاشي نذاله ، بس أنا لاحظت أن أخوي الله يهديه كان معصب ليلتها ،
وهو من النوع الكتوم وحليم جداً وإذا زعل شين وإذا ضرب افترى...
صارت بالشارع وكمل عليه الضرب بالبيت...

__________________
من علامات صحة قلب المؤمن انه إذا فاته ورده أو طاعة من الطاعات وجد لذلك حسرة على فوات الأجر ..

اسمحيلي ...
انا ارفض الضرب ايش ماكان ... فما بالك ضرب مبرح ويتصل ولدي يبكي ومنهار ...!؟
ماله حق يضربه وان كان خاله ..
وطبيعي يقولك ولدك ان ماخذتي حقي بيخبر ابوه .. لان كرامته انهدرت ..
تفاهمي مع ولدك .. واتبعي الاسلوب اللي يناسبك ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

لو مكانك اجلس مع ولدي لوحدنا، و امسك فيه تهزيييييييئ بكلام محترم
انه لا عاد يقلل من احترام خاله و زي كذا، و إنه مايدخل ابوه في اي مواضيع
تخص بيت اهلك وواخواله

ثم امسك اخوي و مايكون ولدي موجود، عشان هيبة خاله...
و اكلمه كم كلمة،، بإنه لا عاد يمد يده على ولدك

و انه طول ما انت عايشة و ابوه، فماحد له الحق انه يربي ولدك غيركم
و تعملي حالك زعلانة من تصرفه و بشرط ولدك مايكون موجود

و بعد كذا، اتركي الموضوع فترة و لاتكلمي هذا و لاذاك
لحد ما كل واحد فيهم يحس بغلطه و يتصافوا و يتصالحوا بنفسهم
و مع بعضهم

يعني ماعليه يا أختي

انتي ليه تكبرين المسأله

هو صحيح انه غلط يضربه وهو على حسب كلامكـ مراهق يعني 15 عمره وفوق

لكن انا من رأيي أنك ما تتدخلين في الموضوع وتسكتين وهم يتفاهمون بينهم

انتي يا اختي ما تدرين وش مسوي ولدك لابد انه مسوي شي غلط وغلط كبير بعد واخوك ما ضربه الا لمصلحته صدقيني اساسَ لو كان اخوك يكره ولدك كان ما وداه من الأساس يمكنه شاف صديقه شخص سيء او انه شاف على ولدك شي

صراحه عندي ولد اخت عمره 10 سنوات

لكن وش اقولك افعاله وقلة أدبه كأنه عمره فوق العشرين يعرف اشياء انا ما اعرفها

ودايم مناقر انا وياه واضربه وماهو عشاني اكرهه او اكره اختي لا والله عشان مصلحته ومصلحة امه

انسان لسانه وسخ وهو توه صغير وحركاته حركات ناس دشير مدري من وين جايب هالحركات ولقيته يطلع اشياء قبيحه في الإنترنت ، راسه يابس جداً جداً ومسوي نفسه كبير ويطلع من البيت يدور في الشوارع ما يرجع بيتهم الا المغرب بعد ما يطلع من المدرسه لكني تدخلت وفهمة ابوه والحمدلله صار يقر في البيت

وكنت دايم اهاوشه وأأدبه لكن اختي دايم تزعل وفي النهايه تركته ، يصير فيه اللي يصير ما علي منه تعبت صراحه من اختي دايم تقولي مالك دخل فيه ولدي وماعليك منه

في النهايه يا أختي

الخال والد

لاتخافين ما يبي الا مصلحة ولدك

بالتوفيق

__________________
استغفر الله الذي لا إله إلا هو الحي القيوم وأتوب إليه

أختي الضرب مايجيب نتيجة ..!!
فكيف ويكون ضرب مبرح.!!!
إن أردتي أن لايطلع والده على ماحدث بينهما فحاولي تقريب وجهات النظر بينهما .. وذلك بما ذكرت الفاضله (روح الطير)
بدون عناد ..حتى لو ردّ عليكِ ابنكِ تحاملي واصبري وأقنعيه بيسر وسهوله حتى يتقبل .
وكذلكِ أخوكِ بعد أن تذكريه وتشكريه على حرصه على ابنكِ ذكريه بما قالت أختنا .. ولعل الله أن يقرب قلوبهم لبعض.

__________________
كيف اقاوم الهم والألم. بالسجود راحة واطمئنان.

نهاية نوال..!

يجزاك خير على مرورك، أنا معاك ارفض الضرب مع اني اضرب بس اتحاشاه قد ماأقدر، وفعلا ضربه ضرب مبرح وبشهادة الصغار اللي كانوا حاضرين من البداية لدرجة وديناه المستشفى موكره فيه بس أخوي عصبي ويفقد اعصابه إذا زعل...

__________________
من علامات صحة قلب المؤمن انه إذا فاته ورده أو طاعة من الطاعات وجد لذلك حسرة على فوات الأجر ..

شكراً عزيزتي على هالنصيحة القيمة الله يجزاك خير ، وفعلا هذا اللي صار ، بس النقطة الأخيرة ماصارت وخصوصاً ولدي أحسه حقد عليه..

__________________
من علامات صحة قلب المؤمن انه إذا فاته ورده أو طاعة من الطاعات وجد لذلك حسرة على فوات الأجر ..