والله انك صادق اول مايضيعو الاولاد
الحمد لله على كل حال احيانا اقول ليتني ما اطلقت وقعدت في بيتي واربي اولادي كان افضل بس كل شي باراده الله والحمد لله على كل حال

__________________
ريم نواف سابقا

الله يخلي ولدك لك بس تبي رايي لاتضيع ولدك ولاتهمك فلوس امه انت المسؤول الاول والاخير عنه
لاتعطي مجال لامه تكرهه فيك

500بلحالها ماتسوي شي شهريا خصص يوم لولدك واذا امكن كل اسبوع مره خذه للعثيم او اي مول فيه العاب وخله يلعب ويتعشى معااك

جيب له كل شهر بطاطس وحلويات وكراتين عصير النكهات اللي يحبها
كل شهر اذا جاك الراتب خذه لستي ماكس او سنتر بوينت وجيب له طقم حلو وبجامه وشي زي كذا

لاتبخل عليه بشي تراه الحين محروم من الحياه الطبيعيه

اذا جت مناسبات انت جيب له لبس اذا امه ماتحسن التصرف
وعطه 500 شهريا اذا وفرت كل شي بتصير ال 500 كفايه وزود
بس اذا انت حاط ال 500 لكل شي اسمحلي والله ماتسوي شي

الله يخليك له ويحفظه لك

500 ريال !!!
وش تسوي بهالوقت فى ظل غلاء المعيشه 1000 ريال ممكن تكفى مصرفه الشهري فقط

غير المناسبات وكسوه الصيف والشتاء !

بخصوص أهلها وطلبهم للسلفيات خير ماعملتو أنكم صرفتوهم بأدب ولكن لـ أبنك راجع حساباتك ترى والله ماتكفى وأنت أدرى بظروفك وقدرتك الماديه

انا برايي انك تتزوج بنت حلال تخاف الله فيك وفي ولدك وتخلي ولدك ببيتك عشان انت تربيه وتصرف عليه براحتك واذا مو بنيتك زواج خذ ولدك كل شهر وديه الملاهي وجيبله اللي يحبه ومو لازم كل شهر ملابس خلها كل شهرين او ثلاثة وبالنسبة للمصروف كطفل اشوف خمسمية كويسة في الشهر والله يعينك ويخليلك ولدك وتحياتي

إحتسب كل ريال عند الله وأنظر لهم وكأنهم فقراء ترجو في مساعدتهم وجه الله
وما نقص مال من صدقه وأنت فعلك وكرمك لن يضيع عند الله وربما كان ماتدفع لهم تطهير وتزكية لك