روح حبيبتي..

اذكري الله يا بنت.

ربج عالم بحالج يا روح .. والله لا يكلف نفساً إلا وسعها .. فلا تحسين بالتقصير أو الذنب لأنج لو بصحتج وطاقتج أكيد ما بتقصرين.

ادعي للوالدة الله يبارك في عمرها ويهون عليها ويأجرها ويصبّرها على هالابتلاء .. هذا أكثر شي تحتاجه الحين .. ولا تخلين الشيطان يوسوس لج ترا ساعات الاستجابة وايدة ولله الحمد .. ادعي لها عقب الصلاة المكتوبة .. ادعي في الثلث الأخير من الليل إذا رفس النونو يسهرج .. ادعي لها في أي وقت يا روح .. الدعاء الصادق والنية الصافية مقبولين بإذن الله.

أما عن ولدج فإذا يصير تخلينه في هالفترة عند أهل زوجج .. على الأقل ترتاحين من كثرة الحركة لين تولدين بالسلامة وعقب ترجعينه.

وقالو لج قبل بطلي عزة النفس هذه ترا مب وقتها الحين .. ثقلي يا ستي على زوجج مثل ما تبين .. ترا اللي في بطنج ولده مثل ما هو ولدج.




الله يطمن بالج ويسمعج عن الوالدة كل خير يا رب.

__________________


اللهم طِيبَ الأثر .. وحُسْنَ الرحيل.