شكراً لإستجابتك اخي الفاضل
سأحاول ان اتكلم بإختصار وفي نقاط
_بدأت هذي الحاله من 8 او 9 سنوات تقريباً احياناً تزيد واحياناً اخرى تختفي لأشهر
- كنت قد تخرجت من الثانويه العامه بنسبه ممتازه ومتفوقه مقارنه بإخوتي وبنات العم والأقارب
_في فتره تخرجي ودخولي للجامعه تقدم لي شخص متزوج ورفضته واخذ ينتظرني سنتين ظهر وقتها شائعات كثيره مره موافقتي ومره رفضي ووسط غضب من زوجته واقاربها وكلامها ورغبة والدته الملحه علي
-دخلت الجامعه تخصص لم اكن اريده ابدا ومازلت اعاني من عدم رغبتي به برغم تخرجي وبصراحه لا اشعر اني استوعب شي فيه
في السنه الاولى من الجامعه تقريبا الترم الثاني كانت نقطة التحول وبداية ظهور هذه الاشياء
-فقد كان لدي اختباروكان يوم ثلاثاء وهممت بأخذ غفوه لاستطيع مواصله المذاكره فتوضأت (لست متأكده ولكن كانت عندي عاده قبل ان انام اتوضأ)..تقريبا الساعه 12 وربع وماهي الا اقل من عشر دقائق اشعر بأشياء غريبه مثلا احد يشد شعري فاصحو واقول بسم الله وامسك شعري اقول شكلي اتحلم وارجع انام,,واشعر بفأر ينط علي واصحو وما اشوف شي اقول يمكن فار دخل من المكيف بالرغم انا بالدور الثاني وصعب يوصل ..او اني اتحلم والمره الثالثه او الرابعه حسيت بنفس الفار ولما صحيت كأني شفته طالع من الغرفه خفت شوي وطلعت اجري لحضن امي لاني كمان شفت مثل الدخان الاسود يطير وكان هذا حلم وبعدين ماعاد جاني نوم ورجعت كملت الدراسه ورحت للجامعه وانا مواصله وخايفه من اللي شفته
_الاسبوع اللي بعده بنفس اليوم كان يوم الثلاثاء بس الوقت غير تقريبا 1 ونصف اظن يادوب دقايق الا وحصيت وخايفه من شي ولا شخص بهيئ’ الوالد الله يرحمه ولابس ابيض غتره وثوب ويتبسم وقلت بسم الله ورجعت نمت قلت يمكن لان الوالد سافر خارج السعوديه وكنت شايله بخاطري ما ابغاه يسافربس كأني شفته طلع من الغرفه ونفس الشي كان فيه دخان اسود ورجع نفس الدخان واحد يخنقني وانا اصرخ ولا احد يسمعني بالرغم ان جسمي كله يتحرك اثناء الحلم بس ما احد يسمع(كنت بغرفتي لوحدي) ويدوب قدرت اصحى وحلقي فيه الم كبير وامي جلست تقرا علي لاني صحيت منهاره وقالت نامي عندنا بغرفه اخواتي ..ودقايق نفس الشي دخان اسود واحسه جاني وواقول جاني واصحى وانا ابكي واحس الم بحلقي واقول لأخواتي ليه ماتساعدوني يقولون مانسمعك ووحده كانت صاحيه تقول ما اشوف تتحركي عادي اقولها انا جالسه اكسر الدنيا من الحركه تقول ماشفت شي
-جابوا اهلي مويه مقري عليها استمريت اسبوع عليها وكنت اشوف بوادر بالنوم ع طول اصحىواشرب
_الحمد لله خفت الحاله كثير
_صرت اشوف هالجني من فتره لفتره نفس الشي يخنقني واتحرك وما احديسمعني اصحى وحلقي جدا متأثر يستمر الالم لفتره يوم تقربيا اقل اكثر..
-اجلس بالايام افكر بالحلم..صار عندي قلق بالنوم..اخاف انام يجيني..واذا نمت وسمعت اي صوت اصحى وماعاد ارجع انام حتى لو كنت تعبانه يعني نومي جدا خفيف
- عدت سنوات الدراسه وكنت احسها بقوه ثقيله ..استيعابي للمحاضرات جدا بطئ مو مثل قبل قلت يمكن نظام الجامعه غير عن الدراسه ..مستواي جدا اتغير قلت يمكن لاني مااحب القسم هذا...اتخرجت بمعدل نوعا ما كويس
_اتزوجت..بعد زواجي بشهر تقريبا مو متذكره الا انه ببداية زواجي نفس الحلم رجع وكانت تقريبا ع الساعه 11 الصباح زوجي كان قريب واستغرب من خوفي وصحوتي من النوم مفزوعه
-الثلاث اشهر من بداية زواجي كنت اشرب دوا للكحه يسبب نعاس لاني ماكنت انام كثيرخوف من الزواج ومن الحياه الجديده ومن كل شي
-الاحلام المزعجه من فتره لفتره بعد زواجي قبل الزواج كان مجرد الدخان الاسود وهذا اللي يخقني..اما الاحلام كثيره وتخوف..اموات مثل جدي جدتي عمي وبعد وفاة والدي الله يرحمه كثيييير احلم فيه
-لما ارسل الحلم لشيخ يفسره يقول سحر او عين او نفس انا استبعد السحر اقول مجتمعنا صعب يصير فيه كذا..نفس الخطيب الاول سمعت ان عندهم نفس قويه ..بس انا احاول استبعد اي شي لاني ما ابغى اصير موسوسه كثير خاصه
-قبل زواجي حاولت اروح لشيخ مرتين وماحصلته
-من ضمن الاحلام حلمت بطرحتي اللي لونها اسود كنت اطلعها من حلقي وكانت طويله واشد فيها وبالحلم شفت اثنين من اولاد اختي واختي ووحده افريقيه وولدها وكان فيه ريحه جدا كريهه كانت قريبه مني وبتريقه قلت لوحده من اخواتي شكل السحر اللي قال عنه الشيخ بالحلم راح
_بهالفتره كثرت الاحلام عكس اول قبل كانت تجي اشهر متباعده جدا اما هالفتره متقاربه بهالاسبوع مرتين حلمت بالجني والمره الثانيه كان فيه حلم مزعج فار كبير قد الارنب وكنت بوسط اخواتي نضحك وعادي واسوي اني مو خايفه منه بس قرب مني وصحيت وانا مفزوعه وخايفه وكلي عرق وزوجي كان نايم قريب وصحي وقال وش فيك قلت ولا شي استغفرت ورجعت نمت وحلمت بالجني ويكلمني وكأنه صوت زوجي ويقول بتحرقيني قلت ايه والله لأحرقك يقصد بذكر الله
-احلامي بالجني من فتره اتغيرت زمان كنت اخاف واجلس اقول الله اكبر ويضغط بقوه ولما اصر يخف ويروح اما لي فتره احلم اني اقول استغفر الله واركز عليها الين مايروح ويكون يكلمني وكأنه يتحداني واتحداه ومره احلم اني اقوله انت ضعيف وتجي في بالي ادمنتك هي قالت هالكلام عنهم بالرغم اني ما اقرا موضوعها لاني اخاف يأثر علي واتحلم فيها لاني اتأثر بكل شي اقراه او اشوفه بس بعد فتره فتحت موضوعها وقريت هالجزء انهم مخلوقات ضعيفه واحنا اقوى منهم..وحيانا لما يجيني اجلس اقرا المعوذتين والاخلاص كل سوره ثلاث مرات ويروح ..اخر مره قرات الاخلاص ثلاث مرات ولما جيت اقرا الفلق نسيتها قلت (قل اعوذ برب الفلق..واعيد اعيد ماعرفت الايه اللي بعدها وقلت بنفسي علشان مايحس بضعفي قرأت سورة الناس ثلاث مرات ورجعت قرأت سورة الفلق ولما وصلت ومن شر حاسد اذا حسد ركزت عليها وكأني بقهره وراح
_صلتي بالله من بداية الموضع كانت جدا قويه وكنت جدا ملتزمه وماكنت انام الا وانا متوضيه وكنت احافظ ع الاذكارلاني كثير اتأثرت بالوالد الله يرحمه وبمدرساتي الملتزمات بالابتدائي فصار كلامهم دايما معاي بالمتوسط والثانوي
-بعد اللي صارلي صرت نوعا ما نص نص بس لو اغلط ارجع واتندم بس ماكنت اسمع اغاني لاني احسها تزيدني تعب وضيقه وكان دايما تفكيري اللي احسه يسبب لي مشاكل ابعد عنه حتى لو احبه بس فيه اشياء ماقدرت اطبق هالمبدا
-الحمد لله احس اموري تمام وكل شي يصير معاي اقول يمكن يمكن..بس بموضوع الوظيفه احس الموضوع متعقد شوي لاني اخذت دورات كثيره بغير تخصصي وكلها حلوه ومطلوبه وحتى تخصصي جدا مطلوب وكل ما احد اتصل علي علشان الوظيفه سبحان الله ماتصير من نصيبي مثلا المفروض اروح يوم السبت علشان مقابله علشان وظيفه مو رسميه وزوجي اتحجج مافيني حيل ومشغول وخليها بكره ولما جاء اليوم الثاني صحيت بدري وانتظره واتأخر هنا وهنا ولما رحت إلا وحده بدقايق سابقتني وصارت من نصيبها بس قلت نصيب واخواني دايما يقولون حظك طايح بس عندي امل بالقرارات الجديده ان الوضع بيتعدل وكمان كثير نفس حالتي واحاول ما احط هذا تعطيل