الفقرة الأولى : بإذن الله بسوي اللي قلت لي عن تحصين البيت لكن لسة ماعندي كل المقادير
لكن بستخدم البخور مرتين ثلاث باليوم لعلها تطرد الخبائث
الفقرة الثانية : بإذن الله بطبقها كلها لكن بسألك لو شغلت التلفزيون بالصالة والراديو بالمطبخ ينفع ولا لازم أشغل شيء بغرفتي ؟
وبالنسبة للنوم على البطن .. يجيني شيء يخليني ما أنام ولا يجيني النوم إلا إذا صرت على بطني لكن إن شاء الله راح أكون على شقي الأيمن بنية تطبيق السنة و يطرد الله الخبائث عني وأنام براااااحة
ودعاء تغيير الملابس بإذن الله ماراح أتركة الله يجزاك الجنة ماكنت عارفة بهالشيء !
وأما الغضب فهذه حكاية آخرى !
من بعد ماتدمرت نفسيتي من تلك اللمسات القذرة وأنا صايرة ( أغلب الأحيان ) عصبيييية مالي نفس أحد
وأعصب عصبية شدييييدة عكس السابق كنت جداً جداً حليييييمة فأعتقد إن هذا هو اللي يخرب علي كل شغلي !
ومثل ماقلت لك بكلامي السابق أسوي وأقول أشياء وأندم بعدها بثواني قد لاتتعدى ثانيتين !
أستغفرالله العظيم وأتوب إلية ياربي تهديني وتصلح أحوالي وأحوال المسلمين ..
والرقية أمس بديت فيها لكن بسألك هل صحيح الرقية 40 يوم ؟
ولا لحد ما أشفى تماماً وما أشوف أي أعراض لفترة معينة ؟
بإذن الله بسوي اللي أقدر علية والله تشجعت بعد كلامك هذا إني أسوي المستحيل لأجل الرجوع كما كُنت
وأما الخبيث يستمتع فيني !! / مدري وش أقول تتوقف حروفي هـنـا ما أقول إلا ( لا إله إلا أنت سبحانك إني كُنت من الظالمين )
- ما الأعراض التي تظهر عند قرائتك او استماعك للرقية الشرعية ؟
أغلب الأحيان / تعب .. صداع
أحياناً / أحس شيء يحرك ملابسي من الخلف و تعرق في الظهر
تتساقط دموعي دون سبب تنمل بأحد الجهتين
وأكثر آية اتأثر فيها ( وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَـكِنَّ الشَّيْاطِينَ كَفَرُواْ يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَآرِّينَ بِهِ مِنْ أَحَدٍ إِلاَّ بِإِذْنِ اللّهِ وَيَتَعَلَّمُونَ مَا يَضُرُّهُمْ وَلاَ يَنفَعُهُمْ وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاَقٍ وَلَبِئْسَ مَا شَرَوْاْ بِهِ أَنفُسَهُمْ لَوْ كَانُواْ يَعْلَمُونَ(102) وَلَوْ أَنَّهُمْ آمَنُواْ واتَّقَوْا لَمَثُوبَةٌ مِّنْ عِندِ اللَّه خَيْرٌ لَّوْ كَانُواْ يَعْلَمُونَ(103) البقرة
أحياناً / ما أحس بأي تأثر
- هل يوجد شخص تتعبين عند رؤيته ؟ او تظهر عليك اعراض غريبة عند رؤيته مثل خفقان القلب ؟
نعم
1 / خالتي أحس بخفقان في القلب + يتلعثم لساني أعجز أتكلم رغم إني أشوفها كل أسبوع
2 / عائلة صديق أبوي خاصة هذي العائلة إذا شفتهم يجيني خفقان في القلب ويتلعثم لساني وأحس بحرارة
والحين صايرة أكرهم رغم إني ماشفت منهم إلا كل خير بس مدري ليه !
- هل تتهمين احداً بأنه عانكِ ( اعاكِ عين ) ؟
نعم
1 / بنت خالتي
2 / صديقتي
طيبين معي وعلاقتي معهم حلووه لكن أسلوبهم يخليني أخاف منهم لايصيبوني بشيء من عيونهم
بقول لك مثال على أسلوبهم / مثلا شافوا وحدة متوفقة بحياتها وحبوبة وطيبة والكل يحبها يقولون لها أنتي الكل يحبك ويحترمك ومتوفقة بحياتك ياسعدك أنا مالي حظ وتعبت وراء هالناس وما أحد يحترمني وماتوفقت بحياتي ( مايقولون ماشاء الله وأسلوبهم أسلوب حسد ! )
- ماهو الحادث او الموقف الذي من بعدة بدأ معكِ هذا العارض ؟
تعبت وأنا أفكر ما أذكر نهائي لأنه أول مابدأ فيني قبل 8 شهور تقريباً وكان يجيني على فترات متقطعة مو مثل الحين دائماً لكن متى بدأ يزيد علي قبل 4 أشهر وما أذكر حصل لي موقف معين غير أني طلعت بقصيدة شعرية قدام الطالبات والمعلمات .... إلخ وكان أكثر من 400 شخص تقريبا بعدها بيومين أو ثلاثة جاني هالشيء
__________________
المستحيل .. هو مالم يكتبه الله لك ، وليس ماعجزت عن تحقيقه أنت!*
15-09-2011, 01:52 PM
ضوابط المشاركة
العرض الشجري