15-09-2011, 08:52 PM
|
المشاركة الأصلية كتبت بواسطة روعة المعنى
حياك الله اخ مستعجل
كلنا نعرف ان الطبيعة النفسية للنساء تختلف ففي بنات تقدر تتاقلم (مع شيء بسيط من الصعوبة ) مع زواج زوجها عليها وفيه بنات لا تستطيع التاقلم الا بعد فترة طويلة ومعاناة اليمة قد تحتاج خلالها الى جلسات علاج نفسي وقد تنهار في النهاية اذا لم يتم العلاج والمساندة بشكل جيد وشي ثاني ممكن يساعد او مايساعد البنت تتقبل زواج زوجها عليها الي هو : مستوى تعامل زوجها معها من بداية الزواج وحتى حين قراره بالزواج عليها فمثلا البنت الي زوجها من بداية الزواج تعامله معها من احسن ما يكون ولم يبخسها حقوقها تكون اقدر على تقبل فكرة زواجها على زوجها من البنت الي زوجها من بداية الزواج ما عطاها حقوقها كاملة ( زي الي سكنها غرفة وحدة ) وبعدين مرت السنوات ويوم ربي فتح عليه قرر يتزوج عليها !! لاحظ هالحركة تتكرر كثير والناس ما تنتبه ولاتحس .. تجي البنت بداية الزواج توقف مع زوجها لما تكون ماديته ضعيفة وتكافح وتحرم نفسها متع كثير مراعاة لظروفه ثم بعد مرور عشر سنوات او خمس طعش سنة لمن ربي يفتح عليه اول شي يسويه يتزوج عليها !!!!! ولمن تنهار يبدون الناس يلومونها ويشجعونه ويقولون ما سوى شي غلط .. ولكن ماحد يلتفت لتضحياتها وصبرها عليه ! هذي بالله عليك لو رفضت زواج زوجها عليها نقدر نلومها ؟؟ وايضا كذلك البنت الي تتزوج الرجل وتتحمل بعض اطباعه السلبية كالبخل او سلاطة اللسان او الانانية (مع ان بامكانها تطلب الطلاق ويحق لها) وتتحمل وتحاول لانها تامل نفسها انه بيتحسن مع مرور الزمن وتتفاجا انه بيتزوج عليها ! هذي ايضا ما راح تتقبل فكرة الزواج عليها بسهولة كلامك صحيح .. زواج الزوج على زوجته ليس مسوغ لطلب الطلاق نظريا هالكلام صحيح لكن الواقع يفرض عكس هالكلام احيانا لان زي ما قلت نفسية المراة + ظروف الزواج (الي تختلف من حالة لحاله ) هي الي تحكم اذا المراة تقدر تتاقلم مع زواج زوجها او لا ثم ان المراة اذا لم تستطع التكيف نفسيا مع الوضع الجديد فلا يكلف الله نفسا الا وسعها وليس هناك بالاسلام ما يلزمها قطعا ان تتحمل ماهو فوق طاقتها وترضى بوجود زوجة اخرى لزوجها .. لذلك فطلبها الطلاق - حتى وان كان مكروه - ولكن افضل لها من ان تعيش ضغط نفسي لا تطيقه .. وبما انك تكلمت عن ثوابتي والتي هي ديني ولله الحمد .. فانا اعوذ بالله ان اكون من المعارضات لشرع الله تعالى واحاول قدر الامكان اني على الاقل ماكره الرجال او النساء في التعدد واظن هالشي لا يتعارض مع كوني احرص على راحة نفسيتي لا زال عندي كلام كثير ولكن ابي اشوف رايك بما قلته الان الف شكر لك |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري