رأيي بيكون مختلف شوي

اخواني
المسأله مالها علاقه بكبرى وصغرى
كثير من العوايل متزوجين الصغار قبل الكبار ولا فيه اي نوع من الحساسيه

يعني حرام المسأله نصيب وزواج مو ترضية خواطر

اخوي حاول فيها مره اخرى ولو تقدر تتواصل معها عن طريق الايميل او اي شي وتشرح وجهة نظرك
يعني والله الواحد مايدري وش يصيرله بكرا
الحق عمرك وعجل زواجك وعش حياتك يعني انت موقف رغبتك وحاجتك الانسانيه وقاعد تنتظر اخت خطيبتك تحصل هالاشياء اللي انت قاعد تدورها

اخوي افرض ماحصل لا سمح الله يعني الله ماكتب لاختها زواج او اي شي ونت تكون قاعد تنتظر وتعبان من الغربه

انا ما اهاجم خطيبتك او اهلها هم ناس عاشوا بمجتمع وهالمجتمع يتحكم بحياتهم


اقول انت فلان الفلاني تعيش بغربه ولحالك وترغب بالارتباط ولكن فلانه الفلاني "اخت خطيبتك" موقفه هالشي

لاحظت اخوي سخافة الامر ؟ فيها ظلم لك ولخطيبتك
حاول فيهم مره ثانيه ولكن بعد فتره يعني لعل الامور تختلف

وشغله اخيره
فيه ناس يقولون اخطب لأختها !! يعني الرجال جاي يخطب وبالاخير يقعد يدور لاختها عشان يتزوجها
هذا لعب ياناس مو زواج ولا رغبه بالستر يعني هو مو ناقص هم الغربه وهم الدراسه بيقعد يخطب لاختها بعد

ياناس قسم مجتمعنا لعب فينا لعب


الله يوفقك