زوجتي مهملة في واجباتها الزوجية والأسرية(مستجدات#253-395)

22-09-2011, 03:12 AM

#11

متورط بمرتي

عضو نشيط

تاريخ التسجيل: Sep 2011

المشاركات: 240

صبحكم الله بالخير جمعياً

وشلونكم وش اخباركم وش علموكم يا أكوس ناس

احدثكم وانا على الجبهة امام معقل المعزبه وقاعد اكتب شوي شوي اخاف يسمعني احد

الوضع والحمد الله مطمئن ولا فيه هجمات مرتدة منها ولا قذائف صاروخيه ارض جو شكلها ملتزمه بهدنة المدام الله يستر متى تفض الهدنة وتبدا بإشتعال الثورة

اليوم بعد ماجيت من الدوام الله يسلمكم طبعاً نايمة لانها جاية من الجامعة قعدت مع ابوي وكان عندنا ضيوف في العصرية وتقهويت وقعدت الى بعد المغرب وطلعت وقعدت اتفرج على التلفزيون لين اذن العشاء وصليت وقلت خلني انبطح جنبها مادام انها نايمة اخذ لي غطة ساعة،،

نمت نومة صاحين نايم مادري شلون جاية هالنومه وصحيت عقب ساعة ودخلت وقعدت العب ابو ليلى المهلهل الي هو ولدي

حصلت قهوة وتمر وتقهويت وهي جالسة وانا جالس وكلن منا براطمه مغطيتن خشته وتطالع في خشتي كنه مكتوبن عليه ابتعد امامك حقل الغام

قالت بتعشى هنا قلت لا وقمت وتسبحت مابقى شامبو ولا لوشن ولا معقم الا وحطيته الي يدخل الحمام يحسبن انه داخل في قزاز

واروح وامشط القذله واحط من هالكريمات الظاهر حتى مكياج حطيت واخذ لك ذيك الغرشة مليانه عطر وارشها رش من راسي الى اصابع رجولي حسيت جتني دوخه قلت شكلي سكرت وانا مادري

واطلع من الغرفة وانا اتمايل قلت ياولد اثبت لاتقوم الحين تخثرق بالحتسي

والبس شماغي وامر من عندها قلت يمكن يغمى عليها من ريحة العطورات واسوي برمه قدامها وادنق على مفتاح سيارتي ابيها تشم ابيها تكلم بغيت انفض ثوبي عشان تشم بس ماحولك احد مره.

اخذت مفتاحي ومشيت وهي على جلستها وانزل عن خواتي واسولف معهن شوي الا تجيني رسالة تقول ترى مافيه خبز ومعلبات لفطورك ولا رديت عليها رحت معزوم على عشا وبعدها رحت شريت الاغراض وادق على العيال قالو حنا في الاستراحه قلت تراني جايكم والسهرة صباحي يالربع لو تبون ارقص لكم بس تقعدون :14:

المهم سهرنا ورجعت البيت الساعة 2 ونص وافتح المعتقل الا ماهنا حس مره وادري ان المعزبة تسعبل من النوم وهاذي هي اخر المستجدات حيث ينتابها بعض الهدوء النسبي

محدثكم متورط بمرتي من خلف ابواب المعتقل

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 07:37 AM.

روابط سريعه