السلام عليكم
اليوم صار لي موقف ماراح انساه طول عمري ......
قلت لزوجي ابغى اخرج اتمشى وخرجنا على البحر وا تعشينا واحنا راجعين في الطريق وكنا ماشين في طريق عام وزوجي ماشي بالسرعة المكتوبة على اللوحات وهو ماشي انا شايفة شئ ابيض على الارض وحسبته كيس ومكانه مايتحرك وطنشت الا وقربنا الا وهيا قطة وخلاص تقريبا صارت قريبة من السيارة وزوجي انتبه لها لانها صارت قريبة من كفرات السيارة الا وزوجي يبعد عنها بطريقة جنونية وصارت السيارة ماهي متوازنة وتروح يمين ويسااااااااااار ويمين ويسار لان زوجي في هذه اللحظة يفكر انه موت البسة وخايف عليا وخايف على روحه
وبفضل ثبت زوجي السيارة انا مااعرف ايش صار لي شفت الموت قدامي .....
اول ماسأل ماتت القطة ؟ صار لها شئ ؟
ماسأل عن نفسه ......
قلت له ايش فيه
قال كان في قطة في الطريق ولمن قربت انتبهت لها وكانت تطالع فيني وصار اللي صار
ورجع مرة ثانية واخذ لفة ياكبرها يبغى يطمن عليها ورجعنا لهل ولقيناها على نفس جلستها وماصار لها شئ وعندها ولدين واقفين وهما في طريق عام تخيلوا عشان مايخلوا احد يدعسها
قلت لزوجي ماشاء الله عليها حية احنا اللي كنا بنموت
قلت بالله تروح ثلاثة ارواح (انا وزوجي والجنين اللي في بطني الله يثبته لاني في الشهر الرابع )
بسبب قطة
قال ايش اسوي اموتها ؟؟؟؟؟؟؟؟؟
انا هنا استغربت وجاني مية سؤال بالله انا لو كنت مكانه ايش اسوي ومن هذه الاسئلة ...؟ وفكرت انه انا روح وبرضوا هيا روح والرسول عليه الصلاة والسلام وصانا بالحيوانات


يااخواني واخواتي لو كنتوا مكان زوجي ايش راح يكون تصرفكم لاني في حيرة ؟؟؟؟؟؟؟؟؟؟؟

باستمرار أواجه موقف مثل موقف زوجك لأن القطط الضاله تملأ شوارعنا
وما أفعله هو محاولة تلافي القطه وأحيانا القطط قدر المستطاع , بتهدئة السرعه أو الإنحراف عنها يميناً أو شمالاً
ولكن بدون أن تصل لدرجة الإخلال بتوازن السيارة , وتعريض نفسي ومن معي للخطر
وإذا لم أستطع تلافيها , أبقى على ما أنا عليه وليحدث ما يحدث ولا ألوم نفسي بعد اجتهادي حتى لو ماتت القطة .

فكرتيني بموقفي مع زوجي واحنا بشهر العسل
ماشين بالسيارة في أمان الله ...
الجوال طاح من يد زوجي وصار عند رجوله ..
كان يحاول ياخذ الجوال وطبعا مو مركز عالشارع ..
انا انتبهت أن فيه قطة عالشارع
والسيارة قربت منها وزوجي ولا على باله، مايدري عنها
صرخت من الفجعة وزوجي حاس أـبو السيارة
ووقف على جنب اش بك ؟ ، قلت القطة ... حسيت وده يصفقني ساعتها
قال خرعتيني وبتجيبين لنا مصيبة عشان الـ ....
وإلى يومي هذا إذا شفت قطة عالشارع أصرخ وكل مرة تهزيء وما أتوب

زوجي إذا انتبه يهدي سرعته إلى لما تعدي القطة ..
وإذا ما انتبه أنا أصرخ وهو يحوس بالسيارة
والله أدري إن اللي أسويه غلط ، بس حاولت مو قادرة، الصراخ وراثة فينا ..

__________________

الحمد لله رب العالمين ولا مره صارت فيني بس اكثر شي يخوف عنا الغانغورو

والبط ووقت تمر البطه مع اولادها لازم السير كلو يوقف لحين يمرو واللي يصدمهم لازم ياخذهم للطبيب ومن ثم يحققو معه

ليه ما توقف

والقطط ايضا اذا ضربناهم او الكلب لازم ناخذهم للطبيب او المشفى الخاص بالحيوانات

والا اذا احد شاف نمرة السياره يمكن توصل للحبس

بس دايما القطط تكون سريعه جدااا بحيث تمر بلحظه

زوجك المفروض من وقت ما شفتو شي من بعيد وانتي حسبتيه كيس

فورا يخفف او بالقليله رجلو يضعها على الفريم او المكابح بحيث انو يكون مستعد للتوقف

اول زواجي صار فينا بلبنان خرجت امرأه فجأه من بين السيارات وحامله طفل عمره يومان يومها خرجو من المشفى

وصار فينا مثلك االسياره تبرم فينااااااااااااا وما كانت تتوقف ولا يعرف يوقفها والله متت رعبه يومها

واهل المرأه سلمو علينا وعرفو انو الغلط منها

__________________
http://live.gph.gov.sa/
اللهم اني استودعك اولادي

بارك الله فيك اخي ابو حكيم ......
ويكتبه في ميزان حسناتك

الله يوفقكم يااختي ام عمر وخالة قرين
الله يكفينا شر الحوادث
وياريت وقفت على كذا
بعد اللي صار كملنا بالسيارة الا وتظهر قطة ثانية تجري في السكة قدام سيارة زوجي
بس عدت وماصار لها شئ
وصلت البيت خرجت من السيارة الا وقطتين يضاربوا بجنبي
ويزعقوا وانا حطيت رجلي
وجري ماادري كيف جاتني السرعة
وجري على العمارة
مشكورة على ردكم
الله يوفقكم

وعليكم السلام ورحمة الله وبركاته

اعتقد انه تصرف لا اراديا خوفا من انه يقتل القطه

وعادة كثير يحاولون يتجنبون يصدمون قطه او اي كائن حي قدر المستطاع

فطبيعي اللي صار لولا انه بالغ شوي في ردة الفعل وماقدر يتحكم بالسيارة وعرضكم للخطر

عموما الحمد لله على سلامتكم

__________________