غلاتي ..

انتي عارفة ان حياتكم كلها مليانة اغلاط ولكن طبعا ستبدئين بنفسك
والحمد لله انك تكررين محاولات التغير للافضل .. واذا استمريتي فباذن الله
ستصبحين افضل ..

ابدئي بنفسك وطلعي زوجك من راسك الان .. ونفذي كذا خطوة ايجابية :

- حافظي على صلاتك في وقتها والاهم تعلمي الخشوع فيها ( هذي فايدتها الاستقرار النفسي )
- استغفري الله واذكريه كثيرا ( وهذي فايدتها زيادة الاستقرار النفسي )
- قرري الان انك ماراح ترجعين للمكالمات وان الله سيغنيك عنها بماهو افضل ( تقوية ارادتك)
- تواصلي مع زوجك بشكل غير مباشر بالافعال الايجابية من نظافة البيت وملبسك الخ الخ
(تودد له )
- ان تواصلتي معه مباشرة انتقي احسن الكلام واقله ( تجنبا للمشاكل والصدامات )
- تذكري ان حياتكم خاصة بكم ومحد له دخل فيها لذك لاتعودي ابدا لافشاء الاسرار والتفاصيل لاحد
بالضبط زي غرفتك الخاصة ببيت اهلك هل يدخلها الناس ؟ ( دافع عشان تحفظين اسرارك )
- حاليا لاتحاسبين زوجك على اي غلط مهما كان (لانه الوقت ليس المناسب + صورتك البشعة
بعينه تخليه مايشوف اخطاءه ابدا فاول شي تصححين صورتك بباله ثم العتب بعد ذلك حتى يكون
اكثر قبول لكلامك وعتبك )

وانتي لمن تجملين صورتك بعينه وتظهرين له محاولاتك الصادقة بالتغير للافضل
فستعود ثقته بك تدريجيا ويصبح اكثر تقبل لكلامك ووقتها تقدرين تتكلمين

هل انتي صبورة بما يكفي عشان تطبقين هالخطوات ؟

__________________
شتان .. بين من تسيره مبادئه ، ومن تسيره مصالحه