لحن السعادة تألمت من كلمة (هو الآن عايش بالعسل)
انا أركض خلفه وارسل واحاول اكلمه ورافض ومااستوعبت انه طلقني الاقبل شوي جا اخوي وجهه متغير لانه استلم صكي
ساكت مانطق
قال لامي وامي قالت لي
تخيلوا يقولون طلقك اقول لا انا ماتطلقت

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !

أختي أسمحيلي بقسا عليك
إلي باعك عشان وحده وباع عياله صدقيني مايستاهل منك دمعه
إلي متي وأنتي كذا
انما الصبر عند الصدمة الاولى
أختي قريت لك في موضوع ثاني أن المطلقه تعيش هم وغم وحياتها لازم تطلع تعيسه عشان شخص باعها
ومستحيل الوحده تعيش نفس ماكانت مع زوجها
أقول لك وبالفم المليان تقدر تعيش أحسن والله تقدر وصدقيني السعاده في النفس لا مال ولا زوج ولا عيال
السعاده كلنا نعرف طريقها لو كنا مو ملتزمين لكن السعاده الحقيقه في طاعه الله مو في زوج ولا عيال

عزيزتي مايستاهل هالحب صدقيني مايستاهل
الحمدالله عندك عيالك أمك بري فيها وتوكلي علي خالقك الدنيا شوفي أقرب مثال أمير راح ترك الدنيا بعد عز ومال وملك وكلنا ماشين في هالطريق ماراح عشان نجلس أحنا لكن الله يرزقنا الجنه

وسبحان الله كلمه دايم أسمعها من أبوي مايقدر الله إلا كل خير
شي كتبه الله خلاص لازم نحسن الظن في ربنا ونحمد الله علي كل حال ونصبر
انا إلي خلاني أرد ردك في موضوع للمطلقات الله يعوض عليهم

أختي أكثري من إنا لله و إنا إليه راجعون ، اللهم آجـِـرني في مصيبتي و اخلفني خيراً منها
وقول لاحول ولاقوة إلا الله
فاهي دواء من تسعة و تسعين داء أيسرها الهم

__________________

نايم بالعسل والورد والفل بعد لكن تأكدي إنه ظالم إذا على كلامك باعك من أجل إنسانة حقيرة
والظالم مصيره ياخذ جزاه
ياحبيبتي انا مطلقة وكان بينا حب ووالخ لكن مجرد ماباعني معاد صرت اشوف الا نه عابر سبيل بحياتي وانتهى
مافي بقلبي الحين ذرة محبة له
ولا أفكر حتى فيه
وانا أبيك تكونين كذا قوية
وأبغاك تقوين إيمانك بقضاء الله وقدره ربنا قدرك لك هالشئ فهووووو خيررررررر لك لكن لا تستعجلين فرج الله قريب
والله يخليك لا تذلين نفسك خلاص ليش تكلمين وترسلين الرجال مايجي بالغصب
وكلي أمرك لله والحياة لم تنتهي عند ولد عمك
لا تخسرين صحتك وحياتك وأكررها مليون
الله يكون بعونك وتأكدي أنها فتررررة وتعدي بإذن الله لكن حاولي ماتفكرين كثير

__________________

دعووووواتكم لاختكم لحن السعاده

عندي فراغ كبير... وجو اسرتي وظروفي يساعدني افكر فيه..
بصراحة بعد ماطلعت من العدة احس بمشاعر متناقضة
فرح وامل..وحزن والم.
فرح اني ممكن الاقي فرصة واتزوج..بس افكر باطفالي ومااقدر..
وبصراحة مااتوقع في حب مثل حبي انا وولد عمي..
بس الحمدلله على كل حال
الله كريم ونعم بالله
الواحد لما يحزن ويشكي ترى مو معناه مو راضي بالقدر..
مجرد تنفيس..

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !

الفراغ سهل أمره مارسي هوياتك دوري لك على شغل إذا انت مو موظفه
تقدرين تسوين أشياء كثيرة حتى لو انت في بيتك المجالات متعددة
عندك اولادك الله يخليهم لك فكري بتربيتهم ووالخ
جو أسرتك خليه على جنب حياتك وحدها ومنفصله عن حياة اهلك عشان كذا لا تلتفتين لهذا الشئ
الحب بيومين يجي وبيومين يروح يالغاليه انت انظلمتي وربك معك وبيجيك إن شاء الله الزوج الي يعوضك ويعوضك عيالك لكن تفاءلي واحسني ظنك بالله
ورددي دائما اللهم إني أسأل حسن الظن بك وصدق التوكل عليك

__________________

دعووووواتكم لاختكم لحن السعاده