اقتباس:
المشاركة الأصلية كتبت بواسطة oO عفراااء Oo
طيب اخوي
هل لزوجتك اخوات متزوجات ؟
وهل المعاملة هذه يتعاملوا بها معلكل انسابهم ولا مقتصرة عليك انت فقط ؟
اذا كانوا يعاولوا كل انسابهم بنفس الطريقة فقد تكون هذه طباع متأصلة فيهم ومايفهمون بالمجاملات والروابط الاجتماعية
واذا كانوا يخصوك انت لوحدك بهذه المعاملة فأظن والله اعلم ان زوجتك قد يكون لها دور في الموضوع
بمعنى إنها ماتذكرك بخير قدام اهلها وتشتكي منك من وراء ظهرك عشان كذا هم يتجنبوك وماودهم يندمجوا معاك أكثر
عن نفسي زوجي واهلي ماكانوا يعرفون بعض قبل الزواج
وبعد الزواج كانت علاقاتهم ببعض في الشهور الأولى سطحية عشان ان كل طرف منهم مستهيب الثاني
لكني كنت احرص اني اذكر زوجي بخير قدام اهلي واعدد حسناته وامدح تعامله معاي
واقول لهم كمان انه يمدح فيهم ويحبهم واحيانا اشتري لهم هدايا واقول انها منه
ونفس الشئ اسويه مع زوجي يعني اقوله ان اهلي يذكروه بالخير ويمدحوا فيه ويقولون لي دائما اني توفقت بزواجي وانه نعم الرجال
والحمدلله مع الوقت صاروا قريبين من بعض وحريصين على التواصل والسؤال على بعض كل اسبوع رغم بعد المسافة
وحريصين كمان على ارسال الهدايا لبعض في كل المناسبات
لدرجة ان زوجي صار يهادي اهلي اكثر مما يهدي لي انا 
اللهم ادمها نعمة
|
النقطة هاذي اشك فيها بصراحه من ناحيتها اتوقع انها تقول شي رغم اني سئلتها كذا مره بس تقول لا ولله والله اني ماتكلم فيك وانا ماأظمنها مادري ليه احس انها طرف في الموضوع،،،
بالنسبة هل التعامل مختص فيك او لا وهل عندها خوات متزوجات
طبعاً هي خواتها كلهن متزوجات من عيال عمهم يعني شغل بدو البنت ماتاخذ الا ولد عمها بس هي كانت اخر وحدة وعيال العم خلصو وكلهم هم وعيال عمهم جيران ساكنين جنب بعض وانا الي جيت من برى شاطح وتزوجت عندهم وعزايمهم كلها بينهم يعني في اليوم يتقابلون مليوووووووون مره واي مناسبة عندهم ابد بينهم اعزمني واعزمك، بمعنى انهم يعزمون بعض ويعزمون عيال عمهم الي هم ازواج خواتهم طبعاً انا ساكن في الرياض وهم في مدينة قريبة من الرياض حتى اخر مره امها لاحظت اني ماعاد اجي كثير لهم وقالت تعالو انتو صرتو ماتجون قلت لاصارت مناسبة خلي العيال يتصلون ونجي على الاصول اما نجي بدون عزيمة ولا عزيمة لبنتك معصي حست اني كرشتها وصارت مكالماتها لي سطحية مره بعد ماشافت تغير جذري اول كنت كل اسبوع وانا محضر بست الحسن والجمال لاقالت مشينا قلت مشينا بس الحين صار الوضع غير
وبعدين تشتكي من ايش هي وجهها
تحمد ربها والله لو انها غيرها كان تبوس الارض الي تمشي عليها بس هي فيها شوفة نفس وتعتقد انها جميلة والمفروض انها تتدلع وهي في الواقع عادية ولو انها ماخذه غيري كان ممكن يحط لها القمر في كف والنجوم في كف وامها مصدقة انها حلوه ومثل ماقال القرد في عين امه غزال وهم كلهم تربية حريم اهم شي الحرمة عندهم يعني بالعربي رجالهم تمشي بأوامر الحريم
عموماً انا حاط في بالي انهم اخر اهتماماتي هي واهلها بعد لاني بصراحهة ندمت وماتشرفت بالنسب هذا بعد تعاملهم من اول ماتزوجتها
والانسان يحب يفتخر بأنسابه ويبيهم يشرفونه في اي مناسبة لكن مع النوعيات هاذي ماتوقع لان الموضوع بالنسبة لي مسئلة وقت وادور لي وحدة ثانية ماهو مدح فيني ولا في ابوي بس الشهادة لله لنا مكانتنا والكل يتمنى نسبنا ويعرفوني الرجال زين ويعرفون تعاملي معهم للدرجة ان واحد من قرايبنا قال لابوي ترى لكم بنتين من بناتي لولدك يختار فيهم ماني مجبور على مره مادري تعتدل ولا تبقى على وضعها ولا على هالنسب الي مادري وين عايشين فيه فمن الطبيعي اروح للناس الي تقدرني وتعرفني زين وان شاء الله بعد ماتزين الامور
التعديل الأخير تم بواسطة متورط بمرتي ; 29-10-2011 الساعة 08:12 AM
29-10-2011, 08:00 AM
ضوابط المشاركة
العرض الشجري