المشاركة الأصلية كتبت بواسطة يـا رب

ربي يعينك اختي ... حــــــاسه فيك وباللي تعانينه
عانيت ما عانيتي واللي زاد الأمر سوء عندي أن الزوج كان نفس طينة أمه وأخواته! من حب الغيبه والنميمه.. الحمدلله الذي عافانا مما ابتلاهم وفضلنا على كثير من خلقه تفضيلاً
وكانو نفس طريقة تفكير أهل زوجك أن الحشيمه والاحترام لهم واجبه حتى لو اساءوا وأن الحريم مثل الجزمه وأنتي بكرامه الرجل يغير متى ما بغى! وأنه من الواجب علي إخبار أمه واخواته بكل صغيره وكبيره بحياتي ومن حقهم هالشي طبعا وهم من النوع اللي يغتابون اخوانهم وحريم اخوانهم واحيانا خواتهم!!! وأنا صعب جداً علي أني أثق بهالنوعيه من البشر

بس كنت أعـــدي وأطنش الكثير من الإهانات ولا أقوله ولا أقول لأهلي ولا لأي أحد

بالاخير انهرت ولم استطع الصبر أكثر وعدت لأهلي بعد شهور قليله من الزواج ... فقــــط!

لكن الآن بالرغم أني افتكيت منهم وارتحت من القلق والتوتر اللي كانوا مسببينه لي إلا أني احيانا يضيق صدري واتنكد من المواقف اللي مريت فيها ومن الاساءات وأنه ليش ما رديت عليهم واخذت حقي وليه سمحت لهم يتمادون معي وأتمنى اتخلص من التفكير بهالأشياء ... حسبي الله وكفــــى



حسبنا الله ونعم الوكيل كم تريحيني هذه العباره


وفعلاً صدقتي السؤال عن أهل الزوج قبل السؤال عن الزوج ... ولكن بعضهم منافقين ويطلعون لك الوجه الجميل قبل الخطبه وأيام الملكه أو تلقين تعاملهم مع الناس راقي بس مع زوجات اخوانهم غير لأنهم يعتقدون انها عدوه وبتاخذ اخوهم منهم ويبدون بالاساءه من أول ما تتزوج ولدهم


نصيحتي لك
أول شي أحمدي ربك أن زوجك عرف طبعهم وأنه مو مثلهم لكن حرصيه على بره بأمه وهي أهم شي
تعاملي معهم برسميـــه وقللي زياراتك لهم واذا زرتيهم خلي كلامك كلمه ورد غطاها لا تعطينهم حق ولا باطل
لا تتكلمين بحريم عيالهم ولا تجيبينهم بالطاري عندهم لا بزين ولا بشين
خصوصياتك خليها بينك وبين رجلك لا يدرون عنك بشي أبد

المشاركة الأصلية كتبت بواسطة رذاااذ

اكثر مايضايقني هو التحدث عني بالسوء امام المجتمع وانا والله بريئه
من كل هذه الاكاذيب

الى متى سوف يستمر تصويري ببشاعه !

الزمن دوار وكفى ......

المشاركة الأصلية كتبت بواسطة يـا رب

كنت بالسابق اتضايق من هالشي أنهم يتكلمون عني بسوء أو يتكلمون بخصوصياتي أنا وطليقي اللي كانو يعرفونها رغما عني أو بعد طلاقي أني أنا الغلط ويقولون أشياء مو فيني وزي ما تعرفين هالأشكال عيالهم وبناتهم أبرياء ملائكه منزهين من الغلط

لكن اللحين صار ما يهمني هالشي
خليهم يتكلمون لين يشبعون أنا الكسبانه
حسناتهم لي وسيئاتي لهم
وهذا نوع من الظلم ويابخت من نام مظلوم ولا نام ظالم وتأكدي أن الظلم تعجل عقوبته بالدنيا وبتشوفين حقك راجع لك عاجلا أم أجلا
وتأكدي أن هالنوعيه من البشر مكشوفه للجميع لأقاربهم ومعارفهم لأنهم إلا ما يكونون تعرضوا لأحد باساءه وانكشفوا على حقيقتهم .... طالما أنتي تعاملين الناس باحترام ولا قد اساءتي لأحد والناس عارفتك تطمنـــي