ياجماعه وش فيكم الله يهداكم....البنت تقول شافت طليقة زوجها مصورها وهي عاريه في غرفة النوم يعني شافت حركاتها وجسمها والله قهر خصوصا يوم تفتكر ان زوجها شاف هالمقاطع زمان وكانت عاجبته وهو الي مصورها...انتوا بس تخيلوا نفسكم في نفس الموقف ..ماتغارون وتطقون من الغيره..

ليش تحاسبونها على كلامها وتنبشون في مواضيعها السابقه تبحثون عن الزله عشان تبررون موقف زوجها وكانها ارتكب جريمه ولاتبون دموعها تنزل...وهي ماشافت شي هين اتحدى اي زوجه فيها انوثه وغيره على زوجها وماتسوي مثلها..

بغض النظر عن ردة فعلها وبغض النظر عن اي قرار تتخذه ...انا بتكلم عن المقاطع الي شافتها وردة فعلها تجاهها كزوجه لها مشاعر واحساس وغيره..

وانتي يااختي دام زوجك كسر الذاكره امامك واعتذر منك خلاص سامحيه وبلاش تكبرين الموضوع وتروحين بيت اهلك .. ادري انك كل يوم بتتذكرين المقاطع الي شفتيها ويتعكر مزاجك..بس كل ماتذكرتيها اتعوذي من الشيطان..والايام راح تثبتلك اذا كان زوجك صادق او لا ..واذا فيه شي راح تكشفينه لو بعد سنين..لان ربي يمهل ولايهمل...

واتمنى انك تغيرين المعرف حقك عشان زوجك لايشوف مواضيعك القديمه لان مثل مانتي مقهوره حتى زوجك راح يموت قهر لو شاف موضوعك القديم ويمكن يطلق على طول الرجال ماعندهم صبر يااختي ولايعترفون بشي اسمه ماضي او طيش..الماضي والطيش حلال لهم بس لكن المرأه لا..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها