أختي أنا دخلت الموضوع وقريته وبصراحه رائى معروف في هالنقطه عشان كذا ماحبيت أقوله وتركت المجال لغيري ممكن يشوفون الموضوع من وجهت نظر مختلفه ونفسيات الناس تختلف في تقبلهم للأمور

وأنا أي نصيحه أو كلمه قلتها في هالمنتدي أعتبر نفسي في نفس الموقف والحمدالله أني أحب لنفسي مااحب لغيري

ورائي في موضوعها بماأنه مدحه صديقه في الغالب الصديق لايذم صديقة
الرجل يعدد بسبب العائله كلها تعدد وهو يقتدي بسنه العائله الكريمه ممكن تقليد مو رغبه قويه أو حاجه

لكن لو سألت عن وضع زوجات هذه العائله ؟
لأنه في العوائل إلي تعدد في الغالب عندهم الحرمه ولا شي أو قاسين علي المرأة أو بمعني أصح لا يقدرون المرأة

شوفي ياقلبي أنتي قلتي تنصحين أختك وأنا هالنصيحه لو أنها أختي قلتها لها
أنا أضرب لك مثال قريب جدا قريبتي نفس وضع صديقتك لكن أكبر عمر من صديقتك في الثلاثين تقدم لها رجل معدد وبصراحه أنا لما عرفت تمنيت من كل قلبي ترفض هالزواجه لكن وافقت والنتيجه طلاق بعد كم شهر من الزواج

عزيزتي إذا أهي علي كلامك جميلة وتوحي أصغر من عمرها لا توافق علي المعدد وتصبر ممكن يخطبها إلي افضل منه خاصه وأنها علي قدر من الجمال
والرجال المعددين يخطبون المرأة لو أنها في سن الاربعين يعني لاتخاف من هالنقطه إضافه لكذا صديقتك فيه بنات في سنها ماتزوجو وهم أكبر يعني مو كبيره أو تخاف محد يتقدم لها
وبصراحه أنا من وجهت نظري مااشوف المعدد رجل لقطه ينخاف يضيع لو بعد كم سنه ولا حصلت رجل ماعنده حرمه توافق علي المعدد
لكن إذا صديقتك محتاجه للزواج ولها رغبه قويه فيه توافق وتكون علي إستعداد للمشاكل من زوجته والضغط النفسي علي الزوج وعليها
وصديقتك لازم تتقبل وضعها الجديد كزوجه ثانيه مو وحيدة زوجها

الله يدلها علي إلي فيه خير وبركه

__________________