05-11-2011, 09:17 AM
|
المشاركة الأصلية كتبت بواسطة الفردوس غايتي
سبحان الله
وكأنك تتكلم عني أخ شاطيء , نفس حياتي مع طليقي ونفس تصرفاتي والله غير ان الزياده اني كنت انشغل عنه متعمده بشغل البيت واهتم للطبخ كثير احاول اهرب منه ومن جلسته وهو كان مثلك تماما طيب جدا ورومانسي لدرجه كل صديقاتي يتمنونه وانا ما احس بأي شي تجاهه بالعكس اتمنى له الخير والسعاده لكن بعيد عني وليس بقربي انا كنت مغصوبه عليه وظلمت نفسي بالصبر عليه طول فتره زواجي عذاب نفسي محد يتحمله والله العظيم يا كم بكيت وبكيت في الليل على سجادتي اتمنى انام واصحى وما الاقيه جنبي يطلقني ولا اموت وماعاد اشوفه شعور صعب اوصفه كنت ابي الطلاق لكن مااقدر اطلب اتطلق لانه مافي سبب واضح هو رجل بشهاده اهل واهله وجميع الاقارب وبشهادتي ايضا .. لكن وش اسوي اذا قلبي مو قادر يتقبله كإنسان في حياتي .. كشريك فرض علي ويجب ان اقوم بكل واجباته بحب ورضا نفس ... يا الله شعور صعب والله العظيم الى ان جاء فرج الله وتطلقت قبل سنتين لكن ما ضاع الا اولادي .. ارتحت نفسيا وتشتت أولادي الحمدلله على ما كتب الله وهو تزوج الحين واسمع اخباره مبسوط ومن ديره لديره ووالله ويشهد علي الله اني فرحانه له لدرجه ما تتخيلونها وساعات لما اتذكر وش كنت اتجاهل مشاعره ابكي واستغفر وادعي الله يسامحني واتصدق عنه يااخوي ترى حنا حريم ونحس بالرجال لكن وش اسوي ما دام القلب عيى يقبله ما هو بيدي بيد اللي خلقني والله لا يكلف نفسا الا وسعها .. ناس قالو عين وناس قالو محسوده اقري على نفسك والعلم عند الله نصيحه لوجه الله لا تتعب ولا تتعبها معاك خذها في جلسه مصارحه وحط النقط على الحروف حرام سنين الشباب تروح بتعب وعذاب نفسي .. قول لها يابنت الناس انا بتزوج عليك تبين تقعدين مع عيالك بالمعروف اهلا وسهلا ما تبين فارقها بإحسان .. أو جرب خذها عند شيوخ يرقونها احتمال يكون احد حاسدها عليك أو حاسدك عليها عشان كذا مو قادر تتهنى معها ولا تتهنى معك الله ييسر أمرك ويفرج همك اعذرني على الإطاله لكن قصتك قلبت مواجعي والله وكتبتها وانا بدموعي على نصيبي لكن لا يعلم الانسان اين العوض في حياته هذا رايي وان شالله محد ينتقد رايي لانه من تجربه |
05-11-2011, 09:18 AM
|
المشاركة الأصلية كتبت بواسطة مدن السلام
اخي العزيز
اسال الله في هذا اليوم الفضيل ان يجبر مصابك وييسر لك امرك يارب وان شالله لن يطول الامر كثيرا حتى ترى الفرج باذن الله |
05-11-2011, 09:40 AM
05-11-2011, 10:21 AM
05-11-2011, 10:24 AM
|
المشاركة الأصلية كتبت بواسطة بحر بلا شاطيء
اختي انا ماقلت بطلق ولاقلت خلاص بتزوج
قلت بعطي اخر فرصه لبعض بعدها خلاص بيكون واضح وضوح الشمس انها تكرهني بعدها بحاول افهم منها اذا تبي الطلاق بس ما تقدر تقولها لسبب انها تكره لقب مطلقه او انها ما تبغى تبعد عن اطفالها ويمكن انها دايم تبكي عند اهلها تبي الطلاق بس هيم يضغطون عليها انها ماتجيب طاري الطلاق عموما هذي راح تكشفها الايام واعرف صدق مشاعرها واذا كانت كارهتني بس مجبورة تعيش معي راح احاول اشوف طريقه افهمها أخوي أعتقد واللـه أعلم بأن زوجتك كآرهتك وكآره بنفس الوقت لقب مطلقه أنت أعطهآ فرصه 6 شهور .. وإن شآءالله تبآن الحقيقه ادعي لي انها تعترف بالحقيقه وتذكر اسبابها اذا كانت مو متقبلتني يآرب بهاليوم المبآرك .. أن ربي ينزل على قلبهآ حبك وتعترف بحبهآ لك وتتغير وتكون نعم الزوجه لك يآرب وعسى ربي يبعد الفرآق عنكم .. ليش اطلقها طلقه وارجعها بعد اذا تاكدت من كرهها او عدم تقبلها لي خلاص كل يروح في حاله ويعيش حياته بالشكل اللي يشوفه مناسب له الحل هذآ أتوقع أنهآ بيبين حبهآ لك .. أذا حست أنهآ بتفقدك رآح يبآن الحب وتتغير لأن أنت مدلعهآ ومومقصر معهآ فهي تكبرت عليك وأعتمدت بأنك مآرآح تتخلى عنهآ فـ الطلاق حل أذآ شآفت أنك بتتخلى عنهآ ..لأن يمكن تحبك ولأنك تحبهآ مو خآيفه من الفرآق يعني تقول لو مااسوي له شي ماراح يتخلى عني .. لأنه يحبني وش اللي جابرها انها تتعدل بعد زواجي وليه تنتظر مني اتزوج عشان تتغير بقلك شيكيف تتهميني اذا تزوجت راح اظلم بنت اخرى وانا صابر على زوجتي خمس سنوات واكثر اللي جبرهآ بتحس أنه بتشآركهآ وحده ثانيه فيك وبتفيق من غفلتهآ وبتحس بقيمتك .. وبينقص شي بحيآتهآ لا إن شآءالله ماراح تظلم بنت أخرى .. أنا قلت هـ الكلام لإنك أنت من البدآيه عآرف بأنهآ بدون مشاعر وماتهتم لك فـ أنت ظلمت نفسك وظلمت البنت معك والأطفآل الحين فكنت أتمنى بأنك السنه الاولى قررت قرآر شجآع و طلقت لأن الوحده أذا ماأهتمت بزوجهآ بأول سنه أو مافيه بوآدر أهتمآم مآرآح تتغير أبدآ .. الشي على الركزه الأولى هذا اللي ان شاء الله بوصله واتاكد اذا هي دافنه عمرها معي خلاص بحررها واخلصها مني وانا الله بينسيني حبها وامري لله هذآ اللي أنا أحسه بأنهآ دآفنه نفسها .. لأن كثير بنآت عآيشآت كذآ ومرت علي تجآرب صديقاتي بس إن شآءالله ربي يغيرهآ وتكونوآ أحلى أثنين يآرب وياك اختي جزاك الله خير |
05-11-2011, 10:37 AM
|
المشاركة الأصلية كتبت بواسطة بحر بلا شاطيء
اختي ندمانه
اشكرك على اهتمامك بالموضوع لاشكر على وآجب وآجبنآ بهالمنتدى ننصح ونفيد ونستفيد وعسى ربي يكتب لنا ولكم الآجر اختي انا داخل باسم مستعار يعني مافي احد منكم يعرف من انا ولا من زوجتي كل مافي الامر طرحت موضوعي لعل وعسى ان تتغير حياتي او تعترف زوجتي ببغضها وكرهها لي لنتحاور كيف نرتب الامور باقل الخسائر جزاك الله خير |
05-11-2011, 11:31 AM
05-11-2011, 12:45 PM
05-11-2011, 01:05 PM
05-11-2011, 03:48 PM
|
المشاركة الأصلية كتبت بواسطة أمة الحليم
أخي الكريم , لتحليل لمشكلتك نقول 1) زوجتك -فيما أري- تحبك ، ولكنها ربما لم تتعود علي التودد لك واستقبالك عند العودة إلي المنزل وو ... الخ من الأمور التي تنشدها 2) عليك مراجعة تصرفاتك معها وطريقة تعاملك معها جيداً فربما تصرفت معها تصرف وأنت لا تذكره سبب لها جرح عميق في نفسها جعلها تبتعد عن مجالستك . دائم اراجع تصرفاتي واتفاهم معها اش تحب تشوفني فيه وش الاخطاء اللي انا ارتكبها لهذا الصدود 3) كون أنها وعدتك بالتغيير فذلك يعني أنها تريد التغيير فعلاً ، وكونها تتغير أيام ثم تعود مرة أخري فهذا يعني أنها تريدك أن تساعدها في الإستمرار علي هذا التغيير فإن كنت تحب حقاً فلا تتأخر وكن صبور وكحل لهذه المشكلة نقول : 1) دعك من النظر في العيوب قليلاً وانظر إلي المميزات بعين واسعة وتأمل فيها والله احاول اني ما التفت للعيوب ولكن انا بشر واحتاج من يبادلني المشاعر 2) أعطها جرعات مكثفة من الحب والحنان في كل وقت وكل حين دون أن تنتظر رد فعل منها فسواء كان رد فعلها جميل أم محبط لا تتوقف عن اعطائها جرعات الحب ، امدحها كثيراً واثن عليها وعلي مواقفها وتصرفاتها حتي وإن كانت تصرفات صغيرة ، فللحب والثناء وقع كبير في نفسية المرأة كائناً ما كانت . مغرقها من الجرعات مو مكثفه احس تخطيت مسمى مكثف وهذي النقطه ماني غافلها 3) علمها كيف تتعامل معك ، يعني أخبرها بأنك تحب أن تراها متزينة لك ، وتحبها أن تستقبلك عند عودتك من المنزل وأخبرها أنك من أسعد الناس بها وأنك ستكون أسعد وأسعد إن هي استقبلتك عند عودتك إلي المنزل ، وأخبرها أنك مشتاق لها كثيراً وأنك سترجع من سفرك يوم كذا وأنك تريدها أن تستقبلك عند الباب علي أكمل زينة ، ولا تنس أن تأخذ لها هدية جميلة ، وإذا استقبلتك فبالغ في وصف سعادتك باستجابتها وبترحيبها بك وكرر هذا التصرف في كل مرة . وهكذا مع كل شئ تريد تعويدها عليه عليك أولاً أن تعلمها اياه وتشجعها علي تطبيقة بالفعل والكلام صدقيني سويت ذا الشي واحرقتي على المفاجأة اذا قرأت الردود الله يعطيك العافيه 4) استغل أيام العيد المباركة وبهجتها واجعلها مسافة للتقريب بينكما وبالغ من التودد لها واظهار مشاعرك تجاهها وأجعلها تفتح لك قلبها وتكلمك عما تكنه لك ، اسألها ما هي مميزاتي في وجهه نظرك وماهي عيوبي في وجهه نظرك وأخبرها أنك لن تحزن من رأيها بل انك راح تتغير وتكون أفضل زوج لها ومن هذا الكلام الذي تعرفه ، أعطها الأمان لتتكلم وتبوح لك عما بخاطرها وبالغ في اظهار حبك ومشاعرك تجاهها ، وأخبرها بكل النقاط التي ذكرتها في الموضوع بطريقة ايجابية يعني امدحها وقل لها أنك أفضل من رأيت وأنا من أسعد الناس بك ولكن لو تفعلي ذلك سأكون أسعد وأسعد وهكذا وهذا والله اللي حاصل وقاعد اسويه واني صادق معها لابعد الحدود استعن بالله وتوكل عليك وادعه في كل وقت ونفذ هذه الخطوات وإن شاء الله ستحل مشكلتك وأخبرنا بجديدك |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
