مشكلتكم يا الرجال عجولين مره .. مره مره
إذا جاتك تستحي ما أعجبك وتبي الجريئه
وإذا جاتك على الطلب تحرك إبليس
الوضع طبيعي جدا يااخوي توها صغيره وش دراها
بقولك تجربه صديقتي مثل خطيبتك ..
كانت مثل البسه تعرف البسه أو زي ما يقولون القطوة
تتفرج كراتين إلى وصلت للثانويه اهتماماتها طفوليه جدا
كل شي كل شي فيها طفولي ..
ولما تملكت وهذا الكلام قبل 10 سنين تقريبا خطيبها
كان يتضايق منها ومن اسلوبها وكان يقولها متى بتكبرين متى أحس انك بنت مو طفله
وشوي شوي تغيرت فتره الملكه كانت سنة يمكن وإلى قبل ما تعرس تغيرت مرره وصارت مو تعشقه
إلا تكتب قصايد غزل و تاخذ رايي وصارت جريئه بفرق شاسع عن بدايه سوالفهم مع بعض وكل هذا بفضل الله ثم اسلوبه عرف يدخل لها
ترجع لنفس إسلوبك إنت وتعاملك معها حببها فيك وانقل عاطفتها من افلام الكرتون إليك
وهذا طبعا يبي له وقت مو بسرعه كذا ..
الله ييسر أمرك ويحقق مرادك ويهنيك فيها ويجمع بينكم على خير