السلام عليكم ورحمة الله وبركاته
دكتور انا عارفه اسئلتي كثيرة بس انا وصلت للنهاية ويئست صراحة ومنهاره
انا سبق وكتبتلك مشكلتي اني ولدت بالشهر السادس ولد طلع عندو متلازمة نونان وتوفى بعد كم يوم
وطلب مني انا وزوجي نعمل تحليل جينات مع انو قالو الغالب انها طفره ونسبة تكرار االموضوع بالحمل التالي نادرة
المهم اليوم كان عندي موعد اول شي مع دكتور نساء وقلتلو الوضع قلي انو تقربو بعض انتي وزوجك او في هالشي بالعايله قلتلو لا وبعد كلام كثير قلي تعتبر طفرة جنينه وليست وراثه بس قالي اعمل تحليل الجنيات وحولني على دكتورة مختصه بهالشي المشكلة مو معروف متى نقدر نسوي التحليل لان في عالقائمة كثير قبلي ومو معروف متى يجي دورنا المهم لما رحنا عالدكتورة المختصة بالجينات وهالاشياء قالتلي نصيحة لوجه الله لاتعملي التحليل ولاشي احملي وتوكلي على ربك واحتمال تكراار هالشي ضئيل جدا وبعدين بما انو صار عندك تاريخ بهالشي الحمل الجاي رح نكون جدا دقيقين بالسونار وهالاشياء ورح نقدر نعرف لو في شي لاسمح الله وقالت وقت الحمل ناخد من ماء الجنين ونقدر نعرف لو في تشوهات او اعاقات لاسمح الله قلتلها طيب لي مااعمل التحليل قالتلو لان لو طلع في مشكله بالجينات مالها علاج وانتي بالنهايه رح ترجعي تحملي بس انو رح يفيدك التحليل انو لو طلعت النتيجه سلبية رح ترتاحي نفسيا مو اكثر انا صدمت جدا كيف مافي علاج وخايفه اعمل التحليل وخايه احمل بس قررت اعملو بمشفى خاص اسرع سؤالي الان هل فعلا مافي علاج؟
وهل لو حملت كم نسبة حدوث تكرار هالشي
والله يادكتور متمنيه المووووت من كثر حزني ويئسي ساعدني ربي يخليك