بعرف حبيبتي .. هاد هو جهاد النفس .. مرة تغلبك ومرة تغلبيها الى أن يجي اليوم اللي تطاوعك نفسك

ما قلتيلي .. مافي مسجد أو دار قرءان قريبة تقدري تروحي لها ولو مرتين بالأسبوع ؟؟ ما بتتخيلي أثر الجماعة والقوة اللي تصير عندك .

أو تقدري تقولي لزوجك انك تحبي تروحي للمسجد الفلاني تصلي المغرب مثلا لأنهم نصحوكي انه صلاة الجماعة تريحك نفسيا ... يمكن إذا أخذك المسجد يدخل هو كمان ويصلي ويمكن يتعرف على صحبة طيبة تساعده

__________________

نعم اختي هاد اللي راح اعمله ان شاء الله .. انا بحاجة لصحبة صالحة تعينني وأتصور أن هذا سيكون من أكبر المعينات ان شاء الله ..
أما بالنسبة لزوجي فهو ما عنده مشكلة يعني لو قلتلو بروح عل مسجد ما بيعارض ان شاء الله .. وهو صدقيني في حواليه ناس طيبين بس بنفس الوقت في بعض الأشخاص اللي ممكن يضعفوا نفسو ويشجعو ع الشرب .. بس أملي في الله كبير وما راح يخذلني .. يا رب

والنعم بالله ... ما خاب من اعتمد عليه سبحانه وانتِ ان شاء الله بدأتِ بالطريق الصح
لكن كل شي يحتاج ياخذ وقته فلا تستعجلي وأنا متأكدة وواثقة تماما بأنك راح توصلي

عندي كمان كلمتين صغار ممكن يساعدوكِ ان شاء الله حبيبتي

حاولي تكثري من ذكر الله ... يعني احسبي حسابك تكوني تستغفري طول ما انتِ على المجلى تنظفي الصحون .. أو وانت قاعدة تنتظري شي معين اشغلي نفسك بتسبيح واستغفار .
الاستغفار فيه فتح للرزق وفيه تفريج للهم وفيه شرح للصدر . وراح يساعدك كثير على تثبيت صلاتك .

المسلسلات والأغاني الافلام بلا منهم إذا كانوا عندك بالبيت ... في الان خيارات وبدائل كثيرة وحلوة .. في محطات اسلامية مسلية مثل الرسالة واقرأ ومحطات أطفال حلوة فيها أناشيد تحفظيها حتى تعلميها لإبنك .في محطة فتافيت تاخذي منها أفكار لتبدعي


اليوم صيام حبيبتي جرين أشرب معك الشاي المسا ان شاء الله .. وينك يا حلوة ؟

__________________