نظره تعميميه خاطئه .. هناك من يتمسك بعادات الدين منها براء .. الان الامر متعلق بفئه معينه
وليس بمجتمع باكمله ..
لكن الغالب وش نفس النظره ونفس العادات حلال علي الولد حرام علي البنت
اقتباس:
ظلمت ِالقضاء وعممت ِ عليه من تجربه سمعتيها ..
شوفي أختي هالكلام كله علي لسان صاحب القصه والمرأة هاذي هو بنفسه تكلم عن القضاء وبعض القضاء
وأتوقع فيه قضيه ظهرت قتل معلمه لو تشوفين القضيه وتشوفين حكم القاضي
اقتباس:
ي قاضي تحضر الزوجه ادله وقرائن تدين الزوج وتثبت ماتقوله .. تكون الحضانه لها ..
وتقدر تستناف الحكم من جديد بحيث تحضر مايثبت ومنها طلب القاضي من الزوج تحليل الدم ..
الاخوات هنا نصحوا اختنا تناهيد تروح المحكمه عشان ولدها .. محد قالها لاتروحين ترى المحكمه
بصف الرجل ..!؟
من تجربه عممتي وهذا ليس من الانصاف ...
طيب أوكي حكم القاضي لها بالحضانه وشلون تجبر الرجال أنه يعطيها العيال
بنت خالي نفس الحكايه حكم لها القاضي بالعيال لها خذتهم خذهم الرجال ولا سأل لا في حكم قاضي
وطبعا البنت راحت لأخوها قال أخوها ماعلي منك والثاني والثالث
النتيجه لو يحكم لك القاضي وهالكلام لازم رجال يجيب لك عيالك تقولين شرطه ومدري إيش الغالب ماعندهم هالسوالف
اقتباس:
كلنا معلمات ..؟
فيه موظفات بنك فيه موظفات في جهات حكوميه وفيه طبيبات ووممرضات ..
وفيه حتى مدربات رياضه ..
وان كان الاغلب معلمات بس مو معناه ان فيه امر غلط ..؟
أنا من محيطي البنات إلي أعرفهم فوق 15 بنت بس هذولا إلي أعرفهم تخرجو وكلهن في البيوت إلي لها سنه وإلا لها سنتين كذا جالسات بلا هدف تقوم وتنوم وبس وش تسوي وظايف مافيه زواج مافيه تكمل دراسه مافيه طلعه ترفهه عن نفسها مافيه ..
وانا من محيطي اكثر من 20 بنت منهم متوظفات قطاع خاص .. ومنهم حكومي .. ومنهم تكمل دراستها
وانا محدثتك اغلب حياتي اما دراسه او عمل
وفيه بنات مالهم حيل بشئ همها تنام وتاكل وتتفرج على التي في او تجلس على النت .
اذا فيه كذا وكذا ..
مااعمم نظرتك ولا اعمم نظرتي ..
كم نسبه موظفات البنك وكم نسبه موظفات الجهات الحكوميه والطبيبات
وكم نسبه إلي هدفها في الحياه تكون معلمه ماعندها شي غيره
أصلا لما تسمعين يقولون لك زوجته موظفه تلقائيا مدرسه ماتجي في بالك أي وظيفه ثانيه
اختي شوفي أنتي قلتي محيطي وأنتي كل وقتك دراسه وعمل
وأكيد أنتي حكمتي على جو العمل والدراسه
لكن بما أني في الجامعه وعلى وجه التخرج وقبلي دفع تخرجو أعرف حالتهم وبصراحه أنحبط لما تكلمني فلانه لها 3 سنوات في البيت كذا بلا هدف دراسه مافيه تكمل
الدراسات العلياء مو سهله لازم معدل عالي لازم إختبار قدرات ولازم أول شي واسطه وماتقدر
ولاننسى أيضا بنات القرى أو المحافظات ماعندهم جامعات عشان تكمل فيها دراستها والاهل طبعا يرفضون تروح لحالها
الوظيفه مالقت وش تسوي في البيت كذا تقوم تنوم بلا هدف حتي نفسايتهم ضاربه
بصراحه خلاص الوحده لو ماودها تتزوج ولاتفكر في الزواج هالفتره تنجبر توافق عشان لايصير حالها كذا
علي أقل أسم أني متزوجه وعندي عيال
وحتي هالنظام حافز ألحين يوظف الأقدم في التخرج ووظف البنات إلي لهم 10 سنوات وأكثر متخرجات والاغلب أنهم متزوجات لكن البنات إلي البيوت علي حالهم
وبعدين إذا أنتي سمحت لك الفرصه تكملين غيرك ألالف ماقدرو والله أني أعرف بيوت فيها 4 بنات كلهم متخرجات وجالسات وبعضهم ألحين عمرها فوق 27 يالله كذا تروح سنين العمر
أعرف وحده أهي وخواتها ثالث مطلقات كلهم في البيت جالسات لا عمل ولاشي ألحين أهي بعد محاولات قبلت في الجامعه وبتكمل بعد إيش وصل عمرها فوق 25 وكل هالسنين في البيت
أنا كنت أتكلم مع بنت عن هالنقطه والجلسه في البيت حلوه أحاول أقنعها وطبيعه الحرمه تجلس في البيت
أهي تقول تجلس في البيت إلي متزوجه عندها عيالها وزوجها أما احنا البنات وش نجلس نسوي بصراحه فراغ قاتل
أختي مع إحترامي أنتي مو منصفه أبدا في نظرتك وحكمتي علي مجتمعك إلي حولك وعلي نفسك
لكن ماحكمتي علي بنات بالألف في عمر العشرينات عمر الإنتاج والطموح لكن حكم عليهم بالسجن في البيت
اقتباس:
متاكده ..!؟
الاحوال مافيه قسم نساء .؟ المحاكم مافيه قسم نساء ..؟
التربيه والتعليم ..؟ وزارة الشؤون الاجتماعيه ..؟
شي طبيعي جدا نصف المجتمع نساء وبشر مو حيوانات الله يكرمك مايتكرمون يحطون لهن قسم
اقتباس:
من بنات عمتي وحده طبيبه والثانيه اخصائيه وبنت خالتهم طبيبه مشهوره ..
طليقي عرض على وظيفه بمستشفى وانا اللي رفضت لاسباب تتعلق بشروطهم ..
صديقتي اختها طبيبه وتكمل دراستها بكندا مع زوجها الطبيب ..
اختى ترغب ان تكون صيدلانيه والدي غير معارض ..
أنتي أيضا عممتي علي مجتمعك كل المجتمعات هالشي في المجتمع السعودي وكم مره ناقشو هالموضوع
والمملكه مو إلي فيها قليل ومن عروق مختلفه ومناطق
لكن القبائل المتشدده تحلم في هالشي وغير قابل للنقاش وحتي يخيرونها يالطب يالزواج
يعني إذا دخلتي طب ماراح تتزوجين
لاتقولين هالشي مو موجود ؟!
اقتباس:
عيني بعينك
طلعت لي هويه وطنيه بدون رجال ..
فتحت لي حسابات بنكيه بدون رجال ..
كنت اسافر من الدمام لجده بدون رجال ..
خلصت لي اوارق مهمه بمستشفى ومريت على المدير يوقعها بدون رجال
فيه امور ماكانت احتاج فيه لرجل وفيه مواقف ممكن احتاج ..
انقدي يااختي بس بدون اجحاف ومبالغه ..
طيب أهلك يوافقون ثلاث ارباع الشعب السعودي تبطي تطلع هوية
أختي أنتي حكمتي علي نفسك بس الأغلب أتحدى تسافر لحالها
ممكن إلي تسافر لحالها الحرمه الكبيره متزوجه
أما بنت ناااااااااااادر جدا وإلا ممكن بنت ماتزوجت لكن كبيره في السن
فيه ناس ممكن يوافقون لكن الغالب لا أول قبل فتره كان غلط البنت معها جوال وإلي إستغربت هالنظره لين ألحين موجوه عند البعض مالها جوال إلا لما تتزوج
وحتي بنت مره قالت لي في الجامعه أمها ترفض تحط ميك أب أنا علامات تعجب ليه ترفض !!!!
قالت لا البنت ماتحط مكياج إلا لما تتزوج
يعني ماتحسين بالحياه إلا لما تتزوجين وإلا موتي
اقتباس:
ياعزيزتي انا فاهمه مقصدك وشفت بعض العينات لكن انا ضد تعميمك ..
اتفق معك فيه من الاباء من يسلب حقوق النساء .. ولكن لا نعمم ..
نحن لسنا مجتمع ملائكي .. وايضا لسنا بمجتمع شيطاني ..
دافعي عن حقوقك من حقك ابداء رائك لكن بدون اجحاف او استعمال لغة التعميم ..
وسلامتك يااقمرر ..
شوفي أحنا عندنا قاعده ظالمه وأهي الشر يعم والخير يخص
وممكن الأب متفتح وعقله نظيف أو الأخ لكن يبقى عندنا نظره المجتمع هل بيقبل البنت تسوي كذا أو لا
إضافه لكذا مستحيل تقارنين حياة البنت وصعوبتها عندنا للبنت مثل باقي الدول في برنامج من زمان عن أتوقع موضوعه هموم البنات وهذا مقطع بس يبين نموذج تفكير الشخص السعودي
كان البنت بدون عقل وشوفي الإعجاب إلي يلاقيه أنا تذكرت المقطع وانا أقرى كلامك
شوفي إلي لابس تشيرت بنفسجي تقولين حق بنات وجالس يتكلم أختي وأختي ولاتطلع
و الله يسلمك
__________________
قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه