الله يعينك

لك انا بتضايق اذا حدا ما يندهنى باسمى حتى لو ابوى او امى

والله الاخوان ما قصروا بالرد الله يعينك

والله يالغلا
سؤي مثل ما يسؤي
ناديه يا هيه انت ولد هع لين يعرف ان الله حق
واذا زعل وهذا اللي بيصير اعطيه على بلاطه اذا نطقت اسمي انطق اسمك

شكرا للجميع على ردودكم فيها الي بجاني و الي اسعدني و شكرا على النصايح و الافكار الي راح اطبقها ان شاء الله
صدقوني يمكن تعتقدون ان المشكله سهله او عاديه بس لها ابعاد بالنسبه لي ما احب اوصلها
انا عايشه معاه بروحنا من اول زواجنا و اهله يزورونا باستمرار و يمكن لهالسبب ما يناديني باسمي تعرفون للحين ما اعرف السبب الحقيقي اصلا كل الي اقوله تخمينات لانه هو غامض
ادري ان متزوجين من زمان و لازم اتعود بس ما قدرت
انا الله انعم علي بكل شي الحمد لله و ما احب اغار من احد او عيني تصير على غيري
بس بسببه صرت اغار لو احد نادى زوجته باسمها اخواني او اخوانه
انا بشر بعد احب اسمي و احب اسمعه منه ما هموني الناس كلهم ما ابي احد يناديني غيره
نك نيمي بالمنتدى ناداني فيه شخص و اهداني قصيدتها رغم انه اسمي غير بس قالي هالاسم هو الي يناسبج اكثر و لهالسبب اخترته
يعني معقوله بس الناس تشوف و تحس و هو لا

حبيت بس اقول الي بخاطري سامحوني و ببداء بالتطبيق و برد عليكم بالي يصير

مشكورين و يزاكم الله خير

اختي نفس مشكلتي وأنا متزوجة منذ عشرون سنة هههههههههههومايناديني الا لما يكون معنا أحد او نكون مع احد غضبت كثيرا وتكلمت معه كثيرا وهذا أثر علي فلم أعد اناديه الا عند الحاجة الشديدة يعني باسمه ما عليك الا الصبر والله المستعان هي في الحقيقة تدخل على القلب

القضية ليست قضية نسيان اسم بل تعود
رايي والراي لكِ
اذا كح فكحي واذا قال ياهيه ردي هلا ياهيه وبس ممكن يحس بقساوتها ووقتها بيناديك باسمك
لاكن ان تكون فجوة بينكما بسبب كحه او مايناديك باسمك فهذا ليس من حقك
والله يهديكما

__________________

When you're out of my dreams
I will be in the best case

عندك حلين
اذا ناداك لاتردين الا اذا ناداك باسمك
الحل الثاني
عاملية نفس المعاملة , ناديه ياهيه , كحي , انت
اللي تبين
المهم لاتنادينه باسمه
اذا زعل قولي ليش فيها شيء ؟
لو فيها شيء كان ماقلتها انت لي ؟
وصيري جادة شوي بالموضوع
صراحة وش هالاحترام ؟ اجل يكح وتجين ؟؟
الحين الحريم تزعل لاناداها باسمها تبي حبيبتي وحياتي
وانتي يكحكح وتجين
يامال الشرقة ـــ<< لاتزعلين

ما شاء الله تبارك الله
ماعاد فيه عبارات تصف الحاله اللي أنا فيها
يا أخت مبسم هيا >>> غلطانه لما اخترتي هالنك نيم .. دوختينا طال عمرك
خصوصي ان اسم هيا صاحبته عزيزه علي
>>> قررت أرسل لها sms فيها هالقصيدة

وأختي الغالية لا تظلمونه أشترك معك في نفس الموهبة وعندي حب إلقاء على توسع فنونه
ونادر القى وحده مبدعة في هذا الفن ما شاء الله عليك..

أسعدني ردك ومشاركتك الشعرية الجميلة
والحين بروح أعيد قراءة بعض المقتطفات الشعرية اللي احتفظ بها في جهازي
بارك الله فيك..
وعذراً منك أختي مبسم هيا
ولك دعوه مني بظهر الغيب أسأل الله أن يجيبها لي

الله يكون في عونك
احيانا بعض المشاكل تركها أفضل من حلها

المهم الحلو في الموضوع إنك متأقلمة 12 سنة

بالنسبة لرأيي حاولي توصلي معاه لنفس المرحلة اللي سبق ووصلتي لها
وحاولي تكوني في هذه الفترة فوق مسألة ملاك ... بمعنى توضحين له شدة فرحك ... ولو طلب شيء وناداك باسمك لا تجيبينه له بالطريقة العادية جيبيها وانتي متكلفة وواضح عليك الفرح وكأنه قدم لك هدية ووضحي له ان هذا الشيء ما راح يفرق معاه بس بالنسبة لك يشكل فارق كبير ...

ودام انه
ذكريه بالرسول صلى الله عليه وسلم وكيف كان يدلع زوجاته وكيف كان يناديهم

والله يوفقك

كل شي ينحل

انتي خليك هادئه وخذي الموضوع بكل اريحيه ومثل ما قالت لك الاخت بنت الحكمي

تقريبا ها الطريقه تفيد ان شالله


ومثل ما قالت لك

طالما سميتي نفسك مبسم هيا تبعاً للابيات اللي وردت بمشاركة (لا تظلمونه) فانتي انسانه ذويقة وعاطفية والحس السمعي عندك له جانب كبير في التأثير ... واعتقد ان الابيات الشاعر محسن الهزاني..

عموماً ارى ان المناداة باسمك من حقك عليه ... ولو دلعك وصغر الاسم ولعب فيه شوي زيادة في الالفة بينكما فمن حقك.. ولكن بعض الرجال لا يجذبه عاطفة التأثير السمعي مثلك وبالتالي لا يكون ايجابياً في التعامل بالمثل معك

انا ابغاك تضغطي على نفسك اسبوع او اسبوعين كلما ناداك باي مسمى تجاوبينه باحب الاسماء له ودلع الاسم وصغريه امعاناً في التدليع.. صدقيني رح يحس .. فان تعدل في ذيك الفترة وتجاوب معك زيدي تدليع اسمه وان لم يتجاوب خليك على وضعك الين يحز كرمك بعينه ويتعدل..


من المواقف اللي ممكن تستغلينها وتحركين فيها الموضوع نحو الحل.. هو احراجه بشكل غير مباشر مع تدليع وضحك امام اخته مثلاً... فلو كانت اخته موجودة وهو جالس متونس معها وبجيتها حاولي تنسين شي وكأنك بدون قصد.. فبتلاقينه وبكل (ثواره) يزهمك كعادته باي شي .. انتي استغلي الموقف وطيحي فيه باحلى الاسامي اللي يحبها.. لو طلب شي قولي من عيوني يا روح(....) الغالي----> حطي مكان النقط الاسم اللي ناداك فيه مع نظرة تلميحية لاخته وابتسامة تشق الوجه شق.. لو اعترض او امتعض قوليله هذا الاسم اللي تحب تناديني فيه.. لو مشاها تأكدي انه فهم الدرس....

وفقك الله .................. والحياة جهاد فاصبري

__________________
ان انت اكرمت الكريم ملكته.. وان انت اكرمت اللئيم تمردَ!!