السلام عليكم

البليغ أنا اسفه على الازعاج بس حابه اطمنك عن التطورات اللي صارتلي


انا سافرت ماليزيا والحمد لله انبسطت بس صارتلي مشكله وهذي المشكله مستحيل انساها والى الان حارقه في قلبي
يوم من الايام في ماليزيا كنت نايمه وفجئه صحيت ومثل عادته في البلكونه يكلم بالجوال وسمعت بعض الكلمات ومنها
(انا بدات الطريق معاك ولازم اكمله مستحيل اللي بينا ينتهي )
صحيت من النوم وسئلته قال اكلم واحد من اصحابي يهدد بيتصل على اهلك ويفضحني
قلت لو واثق في نفسك لاتخاف
وبعدها قال الحين بيتصل صاحبي واسمعي وش بيقول
انا سمعت وانصدمت طلعت بنت قالت الو قلت الو
قلت نعم وش تبغين قالت صحاك زوجك قلت من انتي وش تبغين قالت وش الرسايل اللي ترسلينها على جوالي قلت اي رسايل

وقفل زوجي الخط
انا انصدمت وصارت مشكله بينا
واخترعلي قصه مثل عادته انها بنت سيئه وتحتك فيه من ايام العزوبيه وناويه تخرب بيته مثل ماهو اخرب بيتها وعلم زوجها وتطلقت
انا انصدمت وتكلمت وسبيت وبكيت بس لاني في ماليزيا سكت وعدت السالفه ودعيت ربي
ووعدني يغير ارقامه اذا رجعنا السعوديه
بعدها الايام عدت على خير

رجعنا السعوديه والى الان لم يغير ارقامه بسبب انه مقدم على وظيفه وينتظر الرد منهم

وبالنسبه للعلاقه الخاصه بين المتزوجين
تتم في اوقات متباعده وانا اللي اطلب هو مايطلب ويتعذر بانه تعبان
وانا انام واصحى وهو مشغول بالبلاك بيري


انا صراحه تعبت اتمنى تساعدني

ودعواتكم

__________________
اليوز مستخدم من شخصين